Lawa a wúlu-bɔlen 11:25 - LAWA A BOO SONBORE 2011

²⁵ Bɛ̀ min dɔ nə́ ǹ gere saa, ǹ dɛnaa doamaa nɛ a na a mɔnaa pii. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

LAWA A BOO SONBORE

²⁵ Bɛ̀ min dɔ nə́ ǹ gere saa, ǹ dɛnaa doamaa nɛ a na a mɔnaa pii. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 11:25 ပူးပေါင်းရင်းမြစ်များ

Loen 51:2

Davida naarɛbaa mɛn zɛnaa kun ka Basebaa nɛ, Lawa a boo gii-dali Natan woo a piɛ a sii-a, loe lɛ n woe kun ka bɛ nɛ.

Loen 51:7

Dinin, ma dan bɛ́ maa nɔ̀ nɛ, bɛ̀ man sii baraa-zɛnaali lɛa gɔrɔ, man má yɛ ka sii baraa nɛ.

Bɔ bɛ̀rɛbaa nɛ 19:10

Dɛnaa pɛ-n doo: «Wo zaman lɛ li, n na a *yoreen kɔ pelo laanka biɛ̃ nɛ. A pɛ ǹ nɛ, mà ǹ nə ǹ mɔnaan pii,

Bɔ bɛ̀rɛbaa nɛ 19:14

Muizu gisĩ á n bɔ kele lɛ la, á woo zaman lɛ li. Á zaman lɛ yoreen kɔ, á pɛ ǹ nɛ, mà ǹ nə́ ǹ mɔnaan pii.

Lawa a wúlu-bɔlen 11:24

Màn yiikoonaan tɛnɛn tan, bɛ̀ min gɔn mɛ ǹ ganaa, maǹ *gɔ̀ diɛ ǹ dɛnaa ganaa. Bɛ̀ min sã á n gɔn da ǹ gere ganaa, a n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 11:26

Tɔɔn mɛnɛn tumaa gòon tɔ́n bɛ́ a tan, sɛnɛ, ǹ gòon biin ná a ba diɛ-n wa, ǹ nə́ ǹ ba ǹ màn-bii dɔ wɛɛ ǹ gɔ́ɔ̃ nɛ, bɛ̀ ǹ timəə la ǹ sɔ̃ wa, ka ga bɛn ganaa màn gɔgɔrɛn lɛa. Bɛ̀ min mɛn sã á n gɔn da ǹ ganaa, ǹ dɛnaa na á gɔ̀dɛnaa baa.

Lawa a wúlu-bɔlen 11:28

Bɛ̀ min mɛn dɔ nə́ ǹ mɛn gere saa, ǹ dɛnaa doamaa nɛ a na a mɔnaan pii, sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃. Ka ga bɛa mànan lɛn ganaa màn gɔgɔrɛn lɛa.

Lawa a wúlu-bɔlen 11:40

Bɛ̀ min mɛn bɛa màn gere lɛ sɔ̃, ǹ dɛnaa doamaa nɛ a na a mɔnaan pii. Sɛnɛ, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃.

Lawa a wúlu-bɔlen 13:6

Lɛawaa sɔbaabaa ǹ wɔ pinaa, wúlu-bɔle lɛ wusoo a ga a ganaa doo. A gɔ̀nɔn paǹ mɛn bɛ́ busi, bɛ̀ bɛ́ tii, bɛ̀ màn mɛ a busii li wa, wúlu-bɔle lɛ pɛ mà bɛa dɛnaa á yoreene: gɔ̀nɔn kokoree kooro ne. Ǹ dɛnaa na a mɔnaan dininsɔɔ̃nɔn pii, á die *yoreen koe.

Lawa a wúlu-bɔlen 14:46

Kion lɛ a kiɛnlɛn bɛ́ re n tiɛ̃ lɛawaan mɛnɛn tumaa gɔ́ɔ̃ nɛ, bɛ̀ min wɔ a nɛ bɛa biikoo kɛ li, ǹ dɛnaa n goɛ̃ gɔgɔrɛ yǎa wasa woe miɛ̃.

Lawa a wúlu-bɔlen 14:47

Bɛ̀ min mɛn waa bɛa kion lɛ nɛ hinlaa a na á màn bii a nɛ, yǎa ǹ dɛnaa na a mɔnaan pii.

Lawa a wúlu-bɔlen 14:8

Min mɛn lɛ bɛ́ gɔ̀ boe a din ganaa, bɛ na a mɔnaan pii kəni, a n ka tumaa kɔɔ̃, a n zoo mu li, a tɔn *yoreen kɔ. Bɛ kio, a wo giã ǹ bǎã lɛ nɛ. Sɛnɛ, a n giɛ̃ kanaa, a ba we a mɔnaa kion wa, yǎa lɛawaa sɔbaa.

Lawa a wúlu-bɔlen 15:13

Kii mu a da a din li ǹ busu mɛn goã giĩ lɛ ganaa, bɛ̀ á nya, a doamaa nɛ a n yii da lɛawaa sɔbaa, a gɔ̀ bɔma-a ǹ lɛawaa lɛa. Bɛ kio, a na a mɔnaan pii, a n zoo mu yoreen li, á die *yoreen koe.

Lawa a wúlu-bɔlen 15:15

Lawa a wúlu-bɔle die a bàanan lɛn goon baa sii baraa sawaa ǹ *wúlu màn lɛa, a ǹ goon baa wúlu màn tiɛ̃ lɛa. Wúlu-bɔle lɛ gɔ̀ bɔma-a ǹ landa zɛnaa bɛa giĩ lɛ a lɛa, kɔn yɛ ka Dɛnaa Lawa nɛ ǹ kion kɛ yɔrɔ-a, a kii mu a da a din li lɛ taman yii.

Lawa a wúlu-bɔlen 15:5

Bɛ̀ min mɛn nə́ n gɔn da bɛa piì lɛ ganaa, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃.

Lawa a wúlu-bɔlen 16:26

Min mɛn butumu lɛ loo á woo kɔ Azazeli la, bɛ doamaa nɛ a na a mɔnaan pii, a n zoo, a tɔn wɔ Izirayeli minin giã ǹ bǎã kɛ nɛ.

Lawa a wúlu-bɔlen 16:28

Min mɛn bɛ́ re ǹ tiɛ̃, bɛa dɛnaa doamaa nɛ a na a mɔnaan pii, a n zoo, a tɔn wɔ Izirayeli minin giã ǹ bǎã kɛ nɛ.

Lawa a wúlu-bɔlen 17:15

Min woo min, gána lɛ a min ni hinlaa gùli ni, bɛ̀ màn gã a din li, hinlaa don mànan man nə́ wɔ̃woɛ̃ kɔn, bɛ̀ ǹ mɛn bɛ sɔ̃, ǹ dɛnaa doamaa nɛ a na a mɔnaan pii, a n zoo. Sɛnɛ, ǹ dɛnaa n goɛ̃ gɔ̀dɛnaa lɛa, yǎa wasa woe miɛ̃ a tɔn *yoreen koe.

Lawa a wúlu-bɔlen 22:6

Bɛ̀ min mɛn nə́ n gɔn da bɛa mànan lɛn ganaa, ǹ dɛnaa n goɛ̃ gɔ̀dɛnaa lɛa yǎa wasa woe miɛ̃. Ǹ dɛnaa a boe la a wúlu màn sonboren kɛn wɔ a lɛ-n, bɛ̀ a ná a n zoo bɔrɔ wa.

Zakarii 13:1

Bɛa waáraa, mu pìã n die baa sii, a Davida a sumu minin laanka Zeruzalɛmu minin yoreen kɔ, a ǹ sii baraa laanka *gɔ̀ bɔ a bɔ ǹ ganaa.»

Minin nimi 19:10

Min mɛn bɛ́ re dii dan ton lɛ goɛ, bɛa dɛnaa dɔ na a mɔnaan pii. A n goɛ̃ gɔ̀dɛnaa lɛa yǎa wasa miɛ̃. Bɛ n die goɛ̃ landa lɛa, a ba n bɔyɛɛ wa, á n Izirayeli minin lɛn mìi ni, ka gùli mɛn dɔ bɛ́ giã nɛ ǹ li.

Minin nimi 19:19

Min mɛn lɛ á ke yoreene, bɛ lɛ die a mu lɛ pɛsɛ̃ gɔ̀dɛnaa lɛ-a, sii lɛ a zɛnaa a lɛawaa sɔɔbaa ǹ wɔ pinaa, ka a lɛawaa sɔbaabaa ǹ wɔ pinaa nɛ. Min yoreen lɛ die a gɔ̀ bɔ gɔ̀dɛnaa lɛ-a, a lɛawaa sɔbaabaa ǹ wɔ pinaa, bɛ kio, gɔ̀dɛnaa lɛ na a mɔnaan pii, a n zoo mu li, á die yoreen koe wasamiɛ̃nɛ.

Minin nimi 19:7

Bɛ kio, Lawa a wúlu-bɔle lɛ die a na a mɔnaan pii, a n zoo mu li, a tɔn nə n bɔyaa a wo giã ǹ bǎã lɛ nɛ. Sɛnɛ, a n goɛ̃ gɔ̀dɛnaa lɛa yǎa wasa miɛ̃.

Minin nimi 19:8

Min mɛn bɛ́ re dii dan lɛ tiɛ̃, bɛa dɛnaa dɔ na a mɔnaan pii, a n zoo mu li. Sɛnɛ a n goɛ̃ gɔ̀dɛnaa lɛa yǎa wasa miɛ̃.

Minin nimi 31:24

Ka die ka kaa mɔnaan dɔn pii a lɛawaa sɔbaabaa ǹ wɔ pinaa, ka tá re *yoreen koe. Bɛ kio, ka tá boe la ka n bɔyaa ka wo giã ǹ bǎã lɛ nɛ.»

Zaã a sɛ́wɔ 13:8

Piɛrɛ tɔ́n pɛ nɛ: «Boɛɛ wa! N ba masɛ gòãn pii wa!» Yezu mà Piɛrɛ ganaa: «Bɛ̀ man gòãn pii wa, n màn kɔ́n gii ba kun ka masɛ-n doo wa.»

Nya ǹ dín 22:16

Ma nə n yii diɛ wàa la doo? Yoo n Yezu nyankɔ, masɛ *batɛmu da n ganaa, Lawa nə n sii baraan toa n nɛ.»

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Ebrəə 9:10

Bɛa Lawa guguru kɔ ǹ siin kɛn lɛn man doa-n màn-biin ganaa, ka màn-miin ni, ka zoo a *gɔ̀ bɔmaganaa tɔrɔ gigiã nɛ, Landa wɔ paǹ li. Bɛn man nə́ goã minin yɔrɔ-a siin lɛa, ǹ nə́ goã n zɛnɛɛ, yǎa Lawa din a wusoo a sii tumaa giala kɔ dii lɛa kɛ a biikoo dɔ.

Piɛrɛ1 3:21

Bɛa sii lɛ na á goã *batɛmu kɛ a kɔnboe lɛa. Bɛa batɛmu kɛ lɛ bie gɔ̀nɔn ganaa ǹ *gɔ̀ boe min-a wa, a n din kɔ Lawa la ka foo sonbore-n sii nyɛɛ. Lawa bɛ́ á Yezu Krita yii kaa á bɔ geren bii ke, a na á barka wɔ batɛmu kɛ nɛ, á n ka kirisibiɛ nɛ kanna.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.

Sii-nyaan 7:14

Má tɔ́n pɛ nɛ: «Giĩ gole, n din tá doɛ̃!» Á tɔ́n pɛ ma nɛ: «Maǹ boe damagɔ́ɔ̃li a fuu yɛ ǹ bǎã gole kɛ nɛ. Maǹ nə́ ǹ dɔnkɛn lɛn pii ka Sère Nɛ kɛ mà nɛ, ǹ nə́ fu kɔ.