KZS1 4:10 - LAWA A BOO SONBORE 2011

¹⁰ Zaabɛsi lɛ Lawa nyankɔ á pɛ: «Izirayeli a Lawa, bǐɛ̃ kɔ n barka da ma ganaa, màn da maa bǎã li a gole kɔ, ma tamaa, n koe laanka fuu wɔlɔ lui ma ganaa.» A màn mɛn lɛ nyankɔ, Lawa bɛ kɔ la.

LAWA A BOO SONBORE

¹⁰ Zaabɛsi lɛ Lawa nyankɔ á pɛ: «Izirayeli a Lawa, bǐɛ̃ kɔ n barka da ma ganaa, màn da maa bǎã li a gole kɔ, ma tamaa, n koe laanka fuu wɔlɔ lui ma ganaa.» A màn mɛn lɛ nyankɔ, Lawa bɛ kɔ la.

KZS1 4:10 ပူးပေါင်းရင်းမြစ်များ

Siin Giala 12:2

Ma á re n tɔrɔ mɔnɛɛ. Ma á re barka we n ne, ma n tɔ bɔ. Min kɔsɔn wɔ á re bǐɛ̃ koe n wɔ gɔ́ɔ̃ nɛ.

Siin Giala 12:8

Á yoo walan á woo kelen bǎã nɛ Betɛli a lɛ̀giala gɔn la. Á Betɛli toa lɛ̀nyɛɛn gɔn la, á Ayii toa lɛ̀giala gɔn la, a ná a zìã dɔ bɛn bii ni. Á wusoo á wúlu bɔ ǹ bǎã kɔsɔ dɔ Dɛnaa wɔ lɛa walan doo, a ná a nyankɔ, a n bíi ka a tɔ nɛ.

Siin Giala 28:20

Bɛ kio, Zakɔba nə́ n lɛ koa Lawa li á pɛ: «Bɛ̀ Lawa tá kun ka masɛ nɛ, ma bɛ́ zii tɔ mɛn we, bɛ̀ á ma tamaa bɛ gɔ́ɔ̃ nɛ, bɛ̀ á màn-bii kɔ ma la ka wɔ ǹ mɔnaa nɛ,

Siin Giala 28:21

bɛ̀ masɛ nə́ n bɔyaa, má daa ma dikion ka bǐɛ̃ nɛ, Dɛnaa á re masɛ a Lawa biɛ.

Siin Giala 32:26

Ǹ bɛ́ kɔn ǹ mɛn waáraa, a kɔn-kũli lɛ bɛ́ á dɔ̃, mà a die boe la wa, á nɔmaa á Zakɔba dɛ a kiɛnpɛrɛ ganaa, a ná a gìĩ bɔ.

Siin Giala 32:27

Bɛ kio, á pɛ Zakɔba nɛ kɛnɛn: «N gɔn bɔ ma ganaa, a giala, wɔlɔ fúlu.» Zakɔba ná a lɛ si: «Bɛ̀ n lɛn bǐɛ̃ bíi masɛ li wa, maa n gɔn boe n ganaa n woo wa.»

Siin Giala 32:28

Giĩ lɛ tɔ́n nɔ̀n da la: «N tɔ n die?» A ná a lɛ si: «Ma tɔ n Zakɔba.»

Siin Giala 33:20

Á *wúlu bɔ ǹ bǎã dɔ walan, á bíi mà "Lawa n Izirayeli a Lawa lɛa".

Siin Giala 48:16

Lon a dia dí-a wole mɛn bɛ́, á ma kirisibaa sii baraa tumaa ganaa, a din die a barka da nɛgininin kɛn ganaa. Lawa toa ma tɔ nə n bíi ka ǹsɛn lɛn barka nɛ, ka ma di gole Abrahamu laanka ma di Izaaki wɔ bɛ́ n bíi lɔn. Lawa die a n tɔrɔ mɔnaa gána lɛ nɛ.

KZS1 16:8

Ka Dɛnaa Lawa guguru kɔ, ka a tɔ kɛ kalaa, ka a nya ǹ dí dadaran kɛn boo da tɔrɔ kɔsɔn bii.

KZS1 4:11

Suha ǹ dɔɔ̃ngiĩ Kelubu kɛ na á Meyiiri yɛ. Esitɔn ǹ di n ka Meyiiri lɛ nɛ.

KZS1 4:9

Zaabɛsi yii na á goã guguru á la ǹ dɔɔ̃nɔn manɛ. Ǹ dan na á goã á Zaabɛsibaa wɔ a ganaa, a giala ǹ dan lɛ nɔmaa parsiini ka a yɛ nɛ.

Zɔbu 12:4

Bɛ̀ ma á Lawa nyankoe lɛlɛ, a n ma lɛ sii. Kanna, maa giaáran man ma diɛ yaa lɛa. Masɛ din min pepere zɛ̀rɛbaãnaa lɛ, ǹ nə́ ke ma diɛ yaa lɛa.

Loen 119:173

N gɔn dia n nə n dɔ ma lɛ, a giala, má lɛ kɔ n doroo boon lɛn ganaa.

Loen 121:7

Dɛnaa Lawa á re n kanbiɛ sii baraa tumaa ganaa, á re n lɛduĩ.

Loen 145:19

A na a nyɛ́ɛbaama-n wolen foo sii zɛnɛɛ ǹ nɛ. A nə n too koe ǹ lɛ-dɛ li, a tá ǹ kirisibiɛ.

Loen 21:4

N din nə́ n da lɛ ka bǐɛ̃ sonboren ne. N din nə ń kiibaa ǹ bafolo wɔ a mìi-a, sana lɛa.

Loen 51:12

Lawa, foo yoreen da ma nɛ, n yiri dii kɔ ma la, yiri mɛn bɛ́ golee ne.

Loen 51:8

Bɛ lɛ na á goã durii-n ma ganaa, sɛnɛ, ń bɛ nyaa ma nɛ. Yiitibaa gɔ́ɔ̃ nɛ, bɛ̀ min tá sonbore doɛ̃, bɛ lɛ n kɔɔ̃nɛ n ganaa.

Loen 55:16

Lawa, toa bɔ̀n maa zɔ́ɔn kɛn yɛ. Toa ǹ gisĩ geren piɛ, ǹ yii n koo, a giala, baraabaa nə́ ǹ gɔ́ɔ̃ pã.

Loen 65:2

Lawa, n din nə *Siɔn kiwi kɛ nɛ, n doamaa nɛ min gogoonmaa nə n tɔ bɔ, min gogoonmaa nə n lɛ kɔ ka sii mɛn nɛ ǹ bɛ zɛnaa n wɔ paǹ li,

Loen 72:17

Lawa toa kii lɛ tɔ bɔ biikoo tumaa li, yǎa duduu. A tɔ-bɔ lɛ belebɔ ka wasa bɛ́ lɔn. Bɛ̀ minin tá Lawa bǐɛ̃ bíi kɔn li, ǹ die ǹ kii lɛ tɔ da li, gánan tumaa die ǹ pɛ, mà Lawa barka da kii lɛ ganaa.

Loen 99:6

Muizu laanka Aarɔn nə kun a wúlu-bɔlen ne. Samayeli sɛ n kun a tɔ-bíilin ni. Bɛn man nə́ goã Dɛnaa Lawa lɛ tɔ bíi, á goã ǹ lɛ dɔ sii.

Suusun 10:22

Dɛnaa Lawa a barka da ma-a n min biɛ pàãma lɛa. Gɔ́ɔ̃ bii a màn kɔn diɛ li wa.

Suusun 30:8

Kɔkɔrɔbaa laanka soɛ wɔlɔ lui ma ganaa. N nyan doobaabaa laanka pàãmabaa kɔ ma la wa. Màn mɛn bɛ́ re toɛ ma la, bɛ dinsɔɔ̃ kɔ ma la.

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 41:17

Nɔmaa wolen laanka doobaan man giɛ mu li. Sɛnɛ, ǹ ba yii wa. Mu boro nə́ ǹ lɛwɔn laa. Á bǐɛ̃ kɔ, á ke! Masɛ Dɛnaa Lawa n die ǹ lɛ sii. Masɛ Izirayeli a Lawa, ma a re n la boe ǹ ganaa wa.

Zeremii 33:3

Ma bíi wɔ, ma á re n lɛ sii. Ma á re sii duriin nyɛɛ n nɛ, sii dadaran lɛa n bɛ́ n tɔ nə ǹ mɛnɛn dɔ̃ wa.

Matiə 26:75

Yezu boo mɛn pɛ Piɛrɛ nɛ, Piɛrɛ yiri gisĩ a nɛ: «Koo laan bɛ̀ a wuu pɛ, n din kɛ lɛ á re n piɛ̃ ka masɛ nɛ, a dɔ gunyin sɔɔ.» Piɛrɛ soo kanaa, á wuu pɛ parsiini.

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Luku 19:42

Á pɛ: «Zeruzalɛmu kiwi, màn mɛn bɛ́ là nyantoro koe n la, toa bɛ̀ n dɔ n bɛ giala miɛ kooro dinin pelo! Sɛnɛ, sisia, bɛ á durii ni n ganaa, n ba boe la n yɛ wa.

Zaã a sɛ́wɔ 10:28

Man nyin nyabaã koe ǹ la, ǹ ba re giɛ̃ duduu wa. Min kɔ́n dɔ a re boe la a ǹ kũ a ǹ si ma la wa.

Zaã a sɛ́wɔ 21:17

A sɔɔbaa ǹ wɔ, á wusoo á pɛ nɛ doo: «Zaã a nɛgiĩ Simɔn, n tá masɛ narɛ?» Yezu a wusoo á pɛ Piɛrɛ nɛ kɛ lɛ a gunyin sɔɔbaa ǹ wɔ mà a tá asɛ narɛ ya, bɛ́ Piɛrɛ yɔrɔ kɔsɛ. Á tɔ́n pɛ Yezu ni: «Dɛnaa, n tá sii din tumaa doɛ̃, n tá doɛ̃ mà masɛ tá n narɛ!» Yezu tɔ́n pɛ nɛ: «Ga masɛ a sèren lɛn walan.

Nya ǹ dín 3:26

Lawa na á ná a dí-nyali dia bɔrɔ ka dinin lɛa. A na á dia mà a da barka wɔ ka gogoonmaa nɛ, a giala, a n die ka diɛ wusoo kaa sii baraan kio ganaa.»

Rɔmu minin 12:9

Ka toa kaa kɔn-narɛɛ goã kɔn-narɛɛ taãn lɛa, a baran goã bɔlɔ papaa pɛ ǹ kɔn-narɛɛ lɛa wa. Ka baraabaa toa walan, ka ga bǐɛ̃ zɛnaa li parsiini.

Rɔmu minin 16:19

Sonbore, min tumaa tá kaa Lawa bɔlɔ-sii kɛ doɛ̃. Bɛ lɛ na á toa, ma tá n nyɛnyɛɛ kaa lɛa. Sɛnɛ, man giɛ li ka ga sii bǐɛ̃ zɛnaa li, ka bɛa dɔ̃lin baa, ka baran ga sii baraa zɛnaa li, ka bɛa dɔ̃lin baa wa.

Korɛnti1 1:2

Kasɛn lɛn man Lawa a sɔmɔ lɛa Korɛnti kiwi. Lawa na á ka bɔ, á ka kaa ka gɔrɔn Yezu Krita pàã ganaa, mà ka goã a din a minin lɛa. Wɔ n sɛ́wɔ kɛ diɛ ka laanka Lawa-nyankɔlen tumaa la, ǹ mɛnɛn bɛ́ bǎã tumaa nɛ ǹ nə́ Yezu Krita bíi Dɛnaa, ka wɔsɛn bɛ́ lɔn.

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Efɛɛzi minin 3:20

Lawa din pàã n dí nyɛɛ wɔ nɛ. Á boe la a sii zɛnaa ka bɛ lɛ nɛ, a kiɛ̃ wɔa nyankɔ laanka wɔa taasiɛ la lenlen.

Efɛɛzi minin 4:30

Ka nyan gù-basiɛ̃ da Lawa a Yiri Fu ganaa wa. A din nə Lawa a nyaǹ lɛa ka ganaa. Wɔ n doɛ̃ bɛ lɛ li, wáa Lawa á die wɔ sii sii baraa la lenlen ǹ kɔn pinaa.

Timote2 4:18

Dɛnaa din tá re ma sii sii baraa tumaa la, á re ma kirisibiɛ, a ma da a lon a kiibaa ǹ bǎã kɛ nɛ. Gugurubaa na a din wɔ lɛa biikoo tumaa li! A n miɛ̃.

Sii-nyaan 3:19

Min mɛn bɛ́ kɔɔ̃n ma ganaa, man doree ka ma we ne. N gù kaa, n wusoo n sii baraan kio.

Samayeli1 1:17

Elii ná a lɛ si: «Wo ka là nyantoro ne, n màn mɛn nyankɔ Izirayeli a Lawa lon, a die a bɛ kɔ n la.»

Samayeli1 1:20

Biikoo kɔn daa á dɔ, Anɛɛ min gugurubaa á nɛgiĩ yɛ a ná a tɔ kɔ Samayeli, bɛ giala, mà asɛ ná a nyankɔ Dɛnaa Lawa Lon.

Samayeli1 1:26

Bɛ kio, Anɛɛ pɛ: «Maa dɛnaagiĩ ganaa. Nɔ̀n-diɛ din ba a-n wa, lɔ mɛn nə́ goã giɛ̃ n genli kànaa bɛ̀ a Dɛnaa Lawa nyankɔ masɛ din ni.

Samayeli1 1:27

Man má goã Lawa nyankoe nɛ kɛ lɛ taman yii. Ma màn mɛn nyankɔ Dɛnaa Lawa lon, á bɛ kɔ ma la.