KZS1 3:2 - LAWA A BOO SONBORE 2011

² A sɔɔbaa ǹ wɔ n ka Abusalɔn nɛ. Gesuurun kii Talmayii a nɛlɔ Maakaa n bɛ dan lɛa. A siibaa ǹ wɔ n ka Adoniya nɛ, Agiti a nɛ n ka bɛ nɛ.

LAWA A BOO SONBORE

² A sɔɔbaa ǹ wɔ n ka Abusalɔn nɛ. Gesuurun kii Talmayii a nɛlɔ Maakaa n bɛ dan lɛa. A siibaa ǹ wɔ n ka Adoniya nɛ, Agiti a nɛ n ka bɛ nɛ.

KZS1 3:2 ပူးပေါင်းရင်းမြစ်များ

Samayeli2 13:1

Sii mɛn nə n zɛnaa bɛ kio bɛ á ke: Davida a nɛgiĩ Abusalɔn ǹ miãnɛn goon goã a tɔ n Tamaara. Á goã siĩni taãn-taãnɛ. Amnɔn mɛn dɔ bɛ́ Davida lɛ a nɛgiĩ lɛa, bɛ yii bɔ li.

Samayeli2 14:23

Zoabu yoo á zii saa, á woo Gesuuru kiwi, á Abusalɔn kũ á daa nɛ Zeruzalɛmu.

Samayeli2 14:32

Abusalɔn tɔ́n pɛ Zoabu ni: «A giala, má goã má lɛ dia n la máa n da kànaa, màn mɛn bɛ́ toɛ, ma n dia woe pii kii ni máa wàa na á baa má bɔ Gesuuru má daa piɛ. Bɛ̀ man tɔn walan, bɛ̀ á soɛ ma ganaa. Kanna, man giɛ li ma kii lɛ yɛ. Bɛ̀ á daa yaa má sii kɔn la, a ma dɛ.»

Samayeli2 15:8

A giala, ma bɛ́ Gesuuru kiwi, Siirii gána nɛ ǹ mɛn waáraa, man má n lɛ kɔ Dɛnaa Lawa la má pɛ: «Bɛ̀ Dɛnaa Lawa wusoo á daa ka masɛ-n Zeruzalɛmu sɛn, ma á re wúlu mànan koe Dɛnaa Lawa la.»

Samayeli2 18:14

Zoabu tɔ́n pɛ nɛ: «Biikoo ba masɛ gɔn ma golee n li kɛnɛn wa.» Á sɛmiɛ̃ sɔɔ goa a gɔn, á woo ǹ dere Abusalɔn tìãbii. Bɛ á zɛnɛɛ, bɛ̀ Abusalɔn yii á tɔn koo lon, da gole lɛ gùrù ganaa.

Samayeli2 18:18

Abusalɔn yii bɛ́ tɔn koo, á tíĩ kɔn doa kii a nyankɔrɔ basa kɛ nɛ. A giala, a na á goa pii, mà nɛgiĩ ba asɛ lon bɛ́ n die toɛ, asɛ tɔ goã kanaa wa. Bɛ lɛ nɛ, á tɔ́n nə n din tɔ kɔ tíĩ lɛ ganaa. Haalɛ tɔn pelo, maǹ bɛa tíĩ lɛ bíi mà Abusalɔn a tíĩ.

Samayeli2 3:3

A paabaa ǹ wɔ n ka Kileyabu ni. Abigayili mɛn goã Karmɛli min Naabali a lɔ lɛa, a na á Kileyabu yɛ bɛ ganaa. A sɔɔbaa ǹ wɔ n ka Abusalɔn nɛ. Gesuurun kii Talmayii a nɛlɔ Maakaa n bɛ dan lɛa.

Samayeli2 3:4

A siibaa ǹ wɔ n ka Adoniya nɛ, á yɛ Agiti ganaa. A soorobaa ǹ wɔ n ka Sefatiya nɛ, á bɛ yɛ Abitaali ganaa.

Kiin1 1:5

Bɛa waáraa, Agiti a nɛgiĩ Adoniya na á goã n yiri koɛ kiibaa ganaa bɛ̀ á n pii: «Masɛ din lɛ n die kii biɛ!» Á ga ziabaa ǹ wotoro goon li, ka sùidɛnan laanka min posooro ne, bɛn nə́ goã a nyɛɛnɛ baa sii.

Kiin1 1:6

Adoniya yɛ tán nɛ lɛa lɔn, ǹ di bin na a zɛ̀rɛ baa ǹ kɔn pinaa á pɛ nɛ mà wàa na á baa a tá kɛ biɛ kɛnɛn ka kɛnɛn wa. Ka bɛ dɔ nɛ, á goã siĩn parsiini. Abusalɔn goã zizi ni.

Kiin1 2:22

Kii Salomɔn nə́ n dan lɛ lɛ si kɛnɛn: «Wàa na á baa n tá Sunɛmu kiwi min Abisaagi nyankoe, koe Adoniya la? Bɛ̀ ma n pàã lɛ din nyankoe koe la, mà a tá masɛ golo bibinaa lɛa, kun ka Lawa a wúlu-bɔle Abiataara laanka Seruyaa a nɛgiĩ Zoabu ni bɛ din tá soɛ.»

KZS1 2:23

Sɛnɛ Gesuurun kii laanka Aramun kii Yayiiri a kiwi bisinin si ǹ nə́ nɔmɔ ǹ ganaa, kɔnlɛ ka Kenaati kiwi laanka a lɛkoro lɛ-a ǹ kiwi bisinin ni. Ǹ kiwi mɛnɛn si ǹ tumaa a kaakun kiwi pɔsɔrɔ. Min mɛnɛn nə goã bɛa kiwin lɛn nɛ, ǹ tumaa n Galaati ǹ di Makiiri tɔrɔ lɛa.

KZS1 3:1

Davida nɛgiĩn mɛnɛn yɛ Ebrɔn kiwi, bɛn nə́ ke: A gɔn bibinaa nɛ Amnɔn nɛ, ke á yɛ Zizereyɛlin nɛ Ayinoamu ganaa. A paabaa ǹ wɔ n ka Danayeli ni á yɛ Karmɛlin Abigayili ganaa.

KZS1 3:3

A soorobaa ǹ wɔ n ka Sefatiya nɛ, Abitaali a nɛ n ka bɛ nɛ. A sɔrɔbaa ǹ wɔ n ka Yitramu ni, a lɔ Egla a nɛ n ka bɛ nɛ.

Zozoe 13:13

Sɛnɛ, Izirayeli minin lɛn nə Gesuuru minin kɛn laanka Maakaa tɔrɔn kɛn loo wa. Bɛ lɛ n ke, Gesuuru minin lɛn laanka Maakaa tɔrɔn lɛn nə́ giã Izirayeli minin lɛn bii, yǎa á daa kaa pelo lɛawaa kɛ lɛ.