KZS1 26:32 - LAWA A BOO SONBORE 2011

³² Kii Davida tɔ́n min duu paabiɛsɔbaa (2 700) bɔ kunu Yeria a tanlɛ ganaa, ǹ tumaa n min yii guguru-an lɛa, kɛdɛnan lɛa. Siin mɛnɛn bɛ́ Dɛnaa Lawa a paǹ li ka ǹ mɛnɛn bɛ́ kii a paǹ li ǹ doamaa nɛ ǹ ga bɛn walan, Urubɛn tɔrɔn kɛn bɛ́ giã-n gána mɛn nɛ, Gadi tɔrɔn nɛ ka Manaasee tɔrɔn talɛɛ kɛ nɛ.

KZS1 26:32 ပူးပေါင်းရင်းမြစ်များ

KZS1 12:37

Asɛɛrɛ tɔrɔn bii: Giĩ duu pusi (40 000) ǹ yɔrɔ ń boe-n wo zia la dan la.

KZS1 15:12

Á pɛ ǹ nɛ: Ka n Levii Tɔrɔn lɛn sɔmɔ minin kiãn lɛa, ka ka dinin yoreen kɔ, ka ka dɔɔ̃nɔn nɛ. Ma bǎã mɛn bɔ má koa Dɛnaa Lawa, Izirayeli a Lawa a goo kɛ wɔ lɛa, ka saa ka wo-n walan.

KZS1 23:24

Levii a nɛnyaanan man kɛn nɛ ǹ sɔmɔ lɛn li, ka kɛdɛnan nɛ, minin nimii màn mɛn nyaa ǹ gogoonmaa mìi li. Maǹ dí nyɛɛ Dɛnaa Lawa a kion, a kũ ǹ lɛ̀ fuə ganaa a wo lon.

KZS1 24:31

Ǹ dɔn man nə́ n pã ǹ dí lɛ a nya ǹ gɔn ganaa, ka ǹ dɔɔ̃nɔn Aarɔn tɔrɔn kɛn wɔ bɛ́ lɔn kii Davida yii ni, Sadɔki ni ka Akiimelɛki ni, kɛdɛnan nɛ, Lawa a wúlu-bɔlen ne ka Levii tɔrɔn nɛ. Ka bɛ nɛ, nɛgiĩ goledɛnaa a sumu nə n kuĩ ka nɛgiĩ kiɛrɛdɛnaa wɔ bɛ́ lɔn.

KZS1 27:1

Izirayeli minin mɛnɛn bɛ́ dí nyɛɛ kii ni, ǹ tɔn goa ǹ sɛ́wɔ á ke: Kɛdɛnan manɛ, sɔraasin nyɛɛnaadɛnan mɛnɛn bɛ́ sɔraasi duu goon hinlaa paabiɛ mìi la, sɔraasin sii yɔrɔ-bɔlen ne. Ǹ dí n ka sɔraasi kurun gamawalan nɛ lɛ̀ din tumaa gɔ́ɔ̃ nɛ. Bɛa sɔraasi kurun kɛn lɛn man dí nyɛɛ ǹ nə́ kɔn boboe a ganaa mui li. Sɔraasi kuru goon ne minbuiin nɛ duu fuəwensii (24 000).

KZS2 19:11

Sii mɛn tumaa bɛ́ Dɛnaa Lawa a paǹ li, Lawa a wúlu-bɔle gole Amariya kɛ á re goɛ̃ ka mìi la. Sii mɛn tumaa bɛ́ woe kii a paǹ li, Isimayeli a nɛgiĩ Zebedia ke Zudaa tɔrɔn goledɛnaa lɛa, bɛ á re kaa mìilandɛnaa biɛ. Levii tɔrɔn tá re goɛ̃ ka li, sɛ́wɔ-kiɛ̃lin lɛa. Ka n foo taã, ka dí nya. Dɛnaa Lawa die a n dɔ sii bǐɛ̃-zɛnaalin lɛ!»

Zozoe 1:12

Zozoe boo da Urubɛn tɔrɔn laanka Gaadi tɔrɔn nɛ ka Manaasee tɔrɔn kɛn talɛɛ nɛ, á pɛ ǹ nɛ: