KZS1 22:16 - LAWA A BOO SONBORE 2011

¹⁶ Sana nɛ, wɔrɔ nɛ, zan nɛ ka fɔlɔ nɛ dan ná a ba la wa. Yoo n dí nya, Dɛnaa Lawa giã n li!

LAWA A BOO SONBORE

¹⁶ Sana nɛ, wɔrɔ nɛ, zan nɛ ka fɔlɔ nɛ dan ná a ba la wa. Yoo n dí nya, Dɛnaa Lawa giã n li!

KZS1 22:16 ပူးပေါင်းရင်းမြစ်များ

Kiin1 2:2

– Ma dɔ n die woe min tumaa a woo ǹ bǎã nɛ. N gɔ̀nɔn da n din-a, n giĩbaa zɛnaa!

Kiin1 7:47

Salomɔn bɛa mànan lɛn zɛnaa, sɛnɛ ǹ gigiãbaa taman yii ǹ zan lɛa gugurubaa zɔɔ̃ wa.

KZS1 22:11

Kanna kəni, Dɛnaa Lawa giã n li maa nɛ, n boo la n Dɛnaa, n Lawa kion kɛ dɔ ka bǐɛ̃ nɛ, ka a din ni ke á pɛ n wɔ paǹ li lɔn.

KZS1 22:14

Dɛnaa Lawa a kion lɛ wɔ paǹ li, má n doa má sana tɔnɔ duu sɔɔ (3 000) sɔkɔn ka wɔrɔ nɛ á la tɔnɔ duu pɔsɔɔ (30 000) nɛ. Má zan da kɔn la ka fɔlɔ nɛ-a ná a ba boe la a tá n zoɛ̃ wa. Má gɔn dɔ yɔrɔ bɔ ka kɔlɔ nɛ. Ń tá re boe la n màn da li doo.

KZS1 22:15

N tá re dí-nyali gigiã yii ǹ nə n dɔ n lɛ, kɔlɔ-bɔlin ni, kion-dɔlen ne, ka gɔn sɛlɛlin ni, ka dí doɛ̃-wɔle dadara kɔsɔn nɛ, ǹ nə́ dí tumaa nyɛɛ doɛ̃,

KZS1 22:3

Davida fɔlɔ gigiã yɔrɔ bɔ, màn mɛn bɛ́ toɛ ǹ nə ǹ zɛnaa kiɛnlɛ-a ǹ goon kiɛn lɛa ka koɛ̃ɛnɛn nɛ, zan gigiã nɛ, ǹ nə́ ǹ ba boe la ǹ tá zoɛ̃ wa,

KZS1 28:10

Kanna kəni, n yii tá a ganaa, Dɛnaa Lawa na á n din bɔ mà n kion dɔ, ǹ mɛn lɛ á ke die a din a "bǎã sonbore" biɛ. Toa n foo tã kɔ, n dí lɛ kũ.

KZS1 29:2

Ma bɛ́ boe sii mɛn din tumaa la maa Lawa a kion lɛ a doe taman yii, ma bɛn yɔrɔ bɔ. Má sana sɔkɔn, wɔrɔ nɛ, zan nɛ, fɔlɔ nɛ ka gɔn nɛ, laadoo mànan zɛnaa a lɛa. Má kɔlɔ tɔrɔ gigiã yɔrɔ bɔ kɔrɔnalini kɔlɔ lɛa, ka kɔlɔ kɔsɔn nɛ, nyaǹ kɔ ǹ wɔn lɛa, kɔlɔ gɔ̀nɔn totoro ne ka kɔlɔ tɔrɔ kɔsɔn nɛ, kɔlɔ giɔ̀mɔ kaka-a tɔrɔ tumaa nɛ ka marbərə fu gigiã nɛ.

KZS2 1:1

Davida a nɛgiĩ Salomɔn gòã wɔ tán a kiibaa gɔ́ɔ̃ nɛ. Dɛnaa Lawa, a Lawa na á goã kun ni a ná a tɔ saa lon parsiini.

KZS2 20:17

Ka laadoo á re goɛ̃ ǹ ziabaa ganaa wa. Ka giã walan, ka golee, ka ga masɛ Dɛnaa Lawa bɛ́ re ka kirisibiɛ lɔn. Zeruzalɛmu laanka Zudaa minin lɛn, ka nyan nyɛ́ɛ baa wa, ka nyan toa nyɛ́ɛ ka kũ wa! Biɛ̃, ka wo n da ǹ lɛ, masɛ Dɛnaa Lawa á re goɛ̃ kun ká ka nɛ!»

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Efɛɛzi minin 5:14

A giala, sii mɛn dɔ bɛ́ á n nyaa foaãnɛ, bɛ n wɔlɔ fúlu biɛ. Bɛ lɛ nɛ, á n pɛ: «Nsɛ mɛn bɛ́ nyuù we, n yii kaa, nsɛ mɛn bɛ́ geren li, yoo lon, Krita á re fúlu kiɛ n ganaa.»

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Zozoe 1:2

«Maa dí-nyali Muizu gã. Kanna kəni, n din yoo, n Zurdɛ̃ tà kɛ kuru, n din laanka zaman kɛ lɛ tumaa nɛ. Ma bɛ́ gána mɛn koe ka dinin Izirayeli minin lɛn la, ka wo walan.

Zozoe 1:5

A n toa n yii n koo, min kɔn ba re golee n yɔrɔ-a a yɔ bɔ n ganaa wa. A giala, masɛ goã kun ka Muizu-n lɔn ke, man die goɛ̃ kun ka n dɔ-n miɛ̃. Ma a die n gɔn boe n ganaa wa, ma a re n toɛ walan duduu wa.

Zozoe 1:9

Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»

Zozoe 7:10

Dɛnaa Lawa tɔ́n pɛ Zozoe ne: «Yoo! Wàa na á baa, n ta niɛ kiɛ tán n yɔrɔ la?

Sii yɔrɔ-bɔlen 4:14

Deboraa tɔ́n pɛ Baraki ni: «Yoo, a giala, pelo lɛ nɛ, Dɛnaa Lawa á re Sizeraa we n gɔn. Dɛnaa Lawa din nə́ soo á mɛ n nyɛɛnɛ.» Baraki gisĩ á n bɔ Tabɔɔrɔ kele la, ka giĩ duu fù lɛ nɛ a kio.

Samayeli1 17:37

Davida nə́ n toa doo: «Dɛnaa Lawa mɛn nə ma si yàra laanka kuruu la, a din ni die ma sii Filisiti min kɛ lɛ la.» Sayulu pɛ Davida nɛ: «Woo, Dɛnaa Lawa die a goã kunun n ni.»

Samayeli1 20:13

Bɛ̀ á daa yaa, á tá ma di lɛ gɔ́ɔ̃ nɛ mà a baraa zɛnaa n nɛ, ma á die pii n ni, man da zii n wo ka là nyantoro ne. Sɛnɛ, bɛ̀ a ba miɛ̃ wa, bɛ̀ ma pɛ n nɛ wa, Dɛnaa Lawa die a dɔlɔ babaraa bɔ masɛ Zonaatan ganaa. Dɛnaa Lawa die a goã kunun n ni, ka a goã kun ka masɛ a díi-n lɔn!