KZS1 22:1 - LAWA A BOO SONBORE 2011

¹ Davida tɔ́n pɛ: «Dɛnaa Lawa a kion nə ke kánaa. Izirayeli a *wúlu bɔ ǹ bǎã n ka kɛ nɛ, *wúlu màn tã ǹ wɔ lɛa.»

LAWA A BOO SONBORE

¹ Davida tɔ́n pɛ: «Dɛnaa Lawa a kion nə ke kánaa. Izirayeli a *wúlu bɔ ǹ bǎã n ka kɛ nɛ, *wúlu màn tã ǹ wɔ lɛa.»

KZS1 22:1 ပူးပေါင်းရင်းမြစ်များ

Siin Giala 28:17

Nyɛ́ɛ kũ, á pɛ: «He, bǎã kɛ á nyɛ́ɛ diɛ koe! Kɛ bie bǎã kɔsɔ lɛa, á kiɛ̃ Lawa a kion la wa, lon a kiɛnlɛ n ka kɛ nɛ.»

Samayeli2 24:18

A din pinaa kɛ lɛ nɛ, Gaadi daa dɔ Davida li á pɛ nɛ: «Zebuzu tɔrɔ Arabunaa bɛ́ a belee duwii bǎã mɛn nɛ, wo walan, n *wúlu bɔ ǹ bǎã dɔ Dɛnaa Lawa wɔ lɛa.»

Kiin2 18:22

Ka tá re pii ma-n mà Dɛnaa Lawa lɛ, kaa Lawa lɛa, mà kasɛn manə n foo doɛ bɛ lɛ ganaa! Sɛnɛ táa a din lɛ nɛ Ezekiasi ná a wúlu bɔ ǹ bǎãn papaã, bɛ̀ á n pii Zudaa minin laanka Izirayeli minin ni: «Ka n die kiɛ tán *wúlu bɔ ǹ bǎã kɛ lɛ yɔrɔ-a Zeruzalɛmu.»

KZS1 21:30

Sɛnɛ, Davida á boe la á woe Lawa yɔrɔ-a walan wa, a giala Dɛnaa a lon a dia dí-a wole a gɔya sa lɛ na á nyɛ́ɛ gole da a ganaa.

KZS2 3:1

Kii Salomɔn Lawa a kion lɛ a doe giala kɔ Zeruzalɛmu, Moriya kele la. Dɛnaa Lawa na á n din nyaa ǹ dí Davida nɛ walan, Ornan a *belee duwəə ǹ bǎã nɛ, ke Zebuzu tɔrɔ lɛa.

KZS2 32:12

Taãnɛ, a din kii Ezekiasi lɛ na á dìn laanka ǹ *wúlu bɔ ǹ bǎã papaã. A din na á boo kɛ da Zeruzalɛmu minin manɛ: Ka n die Dɛnaa Lawa guguru koe wúlu bɔ ǹ bǎã goon toto yɔrɔ-a, ka n die *wúlu màn gìĩ koe bɛa bǎã goon kɛ lɛ dinsɔɔ̃ nɛ.

Loen 78:60

A giã ǹ bǎã ke Siiloo kiwi, á bɛ toa walan, wɔ mɔnaa kion mɛn lɛ dɔ, a giã ǹ bǎã lɛa minin bii, á bɛ dɔ toa walan.

Matiə 25:16

A bɛ́ á sana kuturu sooro kɔ min mɛn la, bɛ kiɛ̃ gɔrɔ á woo pii kɔ ka bɛa sana lɛ nɛ, á wusoo á ǹ miã sana kuturu sooro yɛ.

Timəə dí-pɛn 12:11

Bɛa biikoo li kəni, kaa Lawa, Dɛnaa Lawa lɛ din tá re bǎã goon boe, a n tɔ da la. Ma laa ka ganaa máa ka die ka wo ka mànan mɛnɛn tumaa nɛ, ka die ka wo ǹ ne walan: wúlu màn tiɛ̃n manɛ, kaa barka da ǹ wúlu mànan nɛ, mànan fùfùbaa ǹ wɔn nɛ, Lawa gɔ ǹ wɔn nɛ ka màn mɛn tumaa bɛ́ ká n lɛ kɔ mà ka á re koe Dɛnaa Lawa la.

Timəə dí-pɛn 12:14

Sɛnɛ, Dɛnaa Lawa bɛ́ re bǎã mɛn boe kaa tɔrɔn lɛn bii, ka kaa wúlu mànan tã bɛa bǎã lɛ dinsɔɔ̃ nɛ. Man gɔn waa ka nɛ ka sii mɛn tumaa nɛ, ka a tumaa zɛnaa walan lɛ dinsɔɔ̃ nɛ.