KZS1 13:6 - LAWA A BOO SONBORE 2011

⁶ Davida woo kun ka Izirayeli zaman lɛ tumaa nɛ Baala, Kiriati-Yarimu kiwi kɛ nɛ, Zudaa gána nɛ, màn mɛn bɛ́ toɛ ǹ Lawa a goo lɛ saa walan ǹ da nɛ, Dɛnaa Lawa mɛn bɛ́ lon màn yiikoonaa nyínin lɛn biin ni, bɛa goo kɛ lɛ a tɔ ń la.

LAWA A BOO SONBORE

⁶ Davida woo kun ka Izirayeli zaman lɛ tumaa nɛ Baala, Kiriati-Yarimu kiwi kɛ nɛ, Zudaa gána nɛ, màn mɛn bɛ́ toɛ ǹ Lawa a goo lɛ saa walan ǹ da nɛ, Dɛnaa Lawa mɛn bɛ́ lon màn yiikoonaa nyínin lɛn biin ni, bɛa goo kɛ lɛ a tɔ ń la.

KZS1 13:6 ပူးပေါင်းရင်းမြစ်များ

Kiin1 8:16

«Ma maa zaman Izirayeli minin lɛn waa má soo ǹ ne Ezipti gána nɛ ǹ mɛn pinaa, a kũ bɛa pinaa kɛ lɛ ganaa, ma kiwi kɔn bɔ Izirayeli tɔrɔn kiwin bii, ma maa kion dɔ walan ń giɛ ma tɔ á goɛ̃ la wa. Sɛnɛ man má Davida bɔ, màn mɛn bɛ́ toɛ a maa zaman Izirayeli lɛ a kii baa.»

Kiin2 19:15

Á tɔ́n Dɛnaa Lawa nyankɔ á pɛ: «Izirayeli gána a Lawa, Dɛnaa Lawa, nsɛ mɛn bɛ́ lon màn yiikoonaan mìi la, n dinsɔɔ̃ n kanaa gánan tumaa a Lawa lɛa, a giala n din nə n lon laanka tán zɛnaa.

Loen 80:1

Loe-saalin goledɛnaa loe mɛn lɔ tùtu wuu li. Yiri koa sii ni ǹ loe ne. Asaafu a loe goon ne.

Loen 99:1

Dɛnaa Lawa n kii lɛa, tɔrɔn man bìn diɛ. A n giã-n lon màn yiikoonaan la, kanaa n tatalɛɛ.

Bɔ bɛ̀rɛbaa nɛ 20:24

Ka *wúlu bɔ ǹ bǎã dɔ ka tii ni masɛ wɔ lɛa, ka wúlu mànan dɛ ka ǹ tã la, ka bii kɔɔ̃n kɔ kɔn ka Lawa nɛ ǹ wúlu mànan nɛ. Ka ǹ bɔ, sèren laanka diin ni. Ma bɛ́ re bǎãn mɛnɛn nyɛɛ, ka ma guguru kɔ ǹ nɛ, ma á re die walan, ma barka da ka ganaa.

Bɔ bɛ̀rɛbaa nɛ 23:21

Ka n dinin kũ, ka ma lɛ si, ka baran ma bɔlɔ tii wa. Ma á re kaa gɔ́ɔ̃-tii sii ma ganaa wa. A giala, bɛa lon a dia dí-a wole kɛ lɛ n dí-nyɛɛ masɛ din tɔ a lɛa.

Bɔ bɛ̀rɛbaa nɛ 25:22

Masɛ n die n toɛ walan lɛ nɛ, man din nyaa n nɛ, Goo lɛpii lɛ lalan, lon mànan lɛn bii ni dí-pɛn tamaa ǹ Goo lɛ la. Ma doamaa bɛ́ nɛ, ma boon mɛnɛn tumaa kɔ n la Izirayeli nɛnyaanan wɔ lɛa, ma á re bɛn tumaa pii n ni.

Izayii 37:16

«Dɛnaa Lawa Pàãyiidɛnaa, Izirayeli a Lawa, nsɛ mɛn bɛ́ giã-n lon màn yiikoonaa tumaa mìi la, n dinsɔɔ̃ n kanaa a gánan tumaa a Lawa lɛa, n din ni n lon laanka tán zɛnaa.

Minin nimi 6:27

Ka die ka n lɛ koa masɛ tɔ lɛ-a Izirayeli minin lɛn lɛa miɛ̃, ma á die barka diɛ ka ganaa.

Minin nimi 7:89

Bɛ̀ Muizu tá we kɔn yɛ ka Lawa nɛ ǹ kion kɛ nɛ, boo diɛ ka Lawa nɛ, á goã Dɛnaa Lawa lɛ miɛ boo diɛ nɛ. Boo-diɛ lɛn lɛ na á goã boe goo lɛpii kɛ lalan, lon màn yiikoonaan nyín màn paa kɛ bii n ni. Goo lɛpii lɛ na á goã *lɛ kɔ kɔn la ǹ goo lɛ la. Lawa na á goã nɛn bɛ̀ a boo da ka Muizu-n miɛ̃.

Zozoe 15:60

Kiriyati-Baali mɛn bɛ́ ǹ tá bíi Kiriyati-Yarimu, bɛ laanka Rabaa tá a nɛ. Bɛn man kiwi dadara paa ka ǹ kiwi bisinin ni.

Zozoe 15:9

Gèlè lɛ nə n toɛ kele lɛ mìi ni, a n pusu a da yǎa Nɛftoa tà kɛa mu pìã lɛ-a, a da bɔ Efrɔn kele kɛ a kiwin ni, a n pusu a da Baalaa kiwi ganaa, bɛ n ka Kiriyati-Yarimu ni.

Zozoe 9:17

Izirayeli minin lɛn nə́ zii saa. Ǹ lɛawaa sɔɔbaa ǹ wɔ pinaa, ǹ nə́ dɔ bɛa minin lɛn giã ǹ kiwin ni. Ǹ kiwin lɛn man ka Gabawɔ̃ nɛ, Kefiraa nɛ, ka Beerɔti laanka Kiriyati-Yarimu ni.

Samayeli1 4:4

Dɛnaa Lawa Pàãyiidɛnaa mɛn lɛ bɛ́ lon màn yiikoonaa nyínin mìi la, zaman lɛ minin dia ǹ nə́ woo bɛa lɛ kɔ kɔn la ǹ goo lɛ saa Siiloo. Elii a nɛgiĩ min paa lɛ, Ɔfunii laanka Fineyasi ni, bɛn nə́ goã Lawa a lɛ kɔ kɔn la ǹ goo lɛ diɛ zii.

Samayeli1 6:21

Ǹ nə́ minin dia maǹ wo pɛ Kiriyati-Yarimu minin manɛ kɛnɛn: «Filisiti minin nə́ n gɔn bɔ Dɛnaa a goo lɛ-a, ka da saa ka wo ne ka li.»