KZS1 10:4 - LAWA A BOO SONBORE 2011

⁴ Sayulu tɔ́n pɛ a ziabaa ǹ mànan-gũli ni mà a na a gɔya woɛ̃ a kii ni a na asɛ fɔ̃ nɛ, ń giɛ bɛa Lawa doɛ̃baã wolen kɛn baran da asɛ fɔ̃, ǹ sàn kɔ ka asɛ-n wa. Sɛnɛ a ziabaa ǹ mànan-gũli lɛ nə́ n piã, a giala nyɛ́ɛ goã a ganaa taãn-taãnɛ. Sayulu tɔ́n a din a gɔya saa, á da a din ganaa.

LAWA A BOO SONBORE

⁴ Sayulu tɔ́n pɛ a ziabaa ǹ mànan-gũli ni mà a na a gɔya woɛ̃ a kii ni a na asɛ fɔ̃ nɛ, ń giɛ bɛa Lawa doɛ̃baã wolen kɛn baran da asɛ fɔ̃, ǹ sàn kɔ ka asɛ-n wa. Sɛnɛ a ziabaa ǹ mànan-gũli lɛ nə́ n piã, a giala nyɛ́ɛ goã a ganaa taãn-taãnɛ. Sayulu tɔ́n a din a gɔya saa, á da a din ganaa.

KZS1 10:4 ပူးပေါင်းရင်းမြစ်များ

Samayeli2 1:20

Ka nyan kɛ laakalaa Gaati kiwi wa, ka nyan kɛ boo da Asikalɔn ziin kɛn la wa. Bɛ bie wa, Filisiti nɛnɛn kɛn tá re n nyɛnyɛɛ. Soroman kɛn nɛnɛn tá re paparɛ foo kɔɔ̃nbaa gɔn.

Samayeli2 1:6

Tɔntɔraagiĩ lɛ tɔ́n pɛ nɛ: – Sii lɛ bɛ́ n zɛnɛɛ, bɛ̀ masɛ n Gilboa kele la. Ma bɛ́ giɛ, bɛ̀ Sayulu á ke walan n din we a sɛmiɛ̃ lɛ, zɔ́ɔn ziabaa ǹ wotoron laanka sùidɛnan nə́ giɛ li ǹ nə́ doe a ganaa.

Samayeli2 17:23

Ayitofɛli bɛ́ á yɛ, mà ǹ ba asɛ a doree lɛ a sii zɛnɛɛ wa, á ná a mànan kaa a dundun la, á zii saa á woo piɛ, a din a kiwi. Bɛ kio, a ná a sii tumaa yɔrɔ bɔ a kion minin li, á soo á woo ǹ bɔlɔ da biɛ nɛ. A gɛ̀ kio, ǹ nə ǹ di bĩ yala mɛn nɛ, man ná a dɔ gere bĩ walan.

Kiin1 16:18

Zimri bɛ́ á yɛ mà ǹ nə́ kiwi lɛ kũ, kii kion lɛ a paǹ mɛn bɛ́ duru ǹ bǎã lɛa, á wɔ walan. Á tɛ da kion lɛ-a, a lalan, á gã a nɛ.

KZS1 10:3

Zia lɛ a guguru yɔrɔ na á n dia Sayulu la. Min mɛnɛn bɛ́ sa zuĩ, bɛn nə́ Sayulu yɛ, a nyín soo.

KZS1 10:5

Sayulu a ziabaa ǹ mànan-gũli lɛ bɛ́ á yɛ mà Sayulu gã, a dɔ ná a gɔya da a din a á gã kɔnlɛ ka Sayulu ni.

Nya ǹ dín 1:18

Sɛnɛ, bɛa giĩ kɛ lɛ na á wuru pii ka a baraabaa a saraa nɛ. Á bɔ á n tɔ tán a mìi la, á n nɔ̀ toɛ̃ a gɔ́ɔ̃gɔ́ɔ̃ ǹ nàn kaa lenlen.

Nya ǹ dín 16:27

Kòso-lɛduə̃li lɛ bɛ́ á yoo á n bɔ nyuù ni, á kòso kiɛnlɛn lɛn yɛ buĩ ni. A bɛ́ taasɛ mà kòso nɛn lɛn nə́ soo ǹ nə́ baa si, a ná a din a gɔya saa mà a n die n din dii ni.

Sii yɔrɔ-bɔlen 15:18

Mu boro bɛ́ á goã a ganaa á la yii ni, á Dɛnaa Lawa bíi wɔ bɛ̀ á n pii: «N din ni n dɔ n dí-nyali lɛ, ń gɔ̀lɔ̀baa gole kɛ kɔ wɔsɛn la. Kanna, n nə n die toɛ mu boro ma dɛ, soroman kɛn gɔn dɔ ma ganaa?»

Sii yɔrɔ-bɔlen 16:21

Filisiti minin lɛn nə́ kũ, ǹ ná a yii nànan pupuru. Bɛ kio, ǹ nə́ woo ne Gaazaa kiwi, ǹ nə́ yii ka fɔlɔ biɛ nàn paa nɛ, ǹ nə́ da màn lɔ ganaa gii la, kòso nɛn kion.

Sii yɔrɔ-bɔlen 9:54

A din bǎã-n gɔrɔ, nɛ ten mɛn bɛ́ a ziabaa ǹ mànan guĩ, á lɛ dia bɛ la á pɛ nɛ mà a na a gɔya sa kɛ bɔ a na asɛ gɔn nyɔmɔ nɛ, màn mɛn bɛ́ toɛ, minin baran pɛ asɛ wɔ paǹ li mà lɔ na á ná asɛ dɛ wa. A ziabaa ǹ mànan gũli lɛ fɔ̃ ka gɔya sa nɛ, á gã.

Samayeli1 14:6

Zonaatan pɛ a ziabaa ǹ mànan-gũli lɛ nɛ: «Kiɛ̃ n daa, wɔ wo yǎa soroman kɛn bǎã nɛ. Bɛ̀ a n doa wa, Dɛnaa Lawa á re n doe wɔ lɛ. A giala, ta minin man mɔnaa nɛ hinlaa ta manə ǹ ba tɛ wa, màn kɔn ba Dɛnaa Lawa kurii gɔ̀lɔ̀baa kɔ ganaa wa.»

Samayeli1 17:26

Min mɛnɛn nə goã Davida genli, á nɔ̀n da ǹ la. «Min mɛn bɛ́ re Filisiti min kɛ dii, a sìi saa a bɔ Izirayeli minin la, maǹ die wàa zɛnɛɛ bɛa dɛnaa nɛ? Asɛ n die lɛa, bɛa Filisiti min *soroma kɛ lɛ, a tɔn yoo a sɔ kɔ Lawa yiikoonaa a sɔraasin ganaa?»

Samayeli1 17:36

Ma bin yàra dɛ, ká don màn babaraa kɔn nɛ. Kɛa Filisiti min soroma lɛ dɔ n die n biɛ ka bɛn goon bɛ́ lɔn, a giala, a na á sɔ kɔ Lawa Yiikoonaa a sɔraasin ganaa.»

Samayeli1 31:4

Sayulu pɛ a ziabaa ǹ mànan-gũli ni: «N gɔya woɛ̃ a kii ni, n masɛ fɔ̃ nɛ, ń giɛ Lawa doɛ̃baã wolen kɛn baran da ma fɔ̃, ǹ sàn kɔ ka ma-n wa.» Sɛnɛ, a ziabaa ǹ mànan-gũli lɛ nə́ n piã, a giala, nyɛ́ɛ goã a ganaa taãn-taãnɛ. Sayulu tɔ́n a din a gɔya saa, á bɔ á n wɔ lɛ tán.