Korɛnti2 9:7 - LAWA A BOO SONBORE 2011

⁷ Didie tumaa lɛ kɔ lɔn, a màn kɔ a kɔnpɛ bɛ nɛ. A kɔ bɔ a din ni, a nyan pàã baa wa. A giala, bɛ̀ min màn kɔ ka foo kɔɔ̃n nɛ, Lawa n bɛa dɛnaa narɛ.

LAWA A BOO SONBORE

⁷ Didie tumaa lɛ kɔ lɔn, a màn kɔ a kɔnpɛ bɛ nɛ. A kɔ bɔ a din ni, a nyan pàã baa wa. A giala, bɛ̀ min màn kɔ ka foo kɔɔ̃n nɛ, Lawa n bɛa dɛnaa narɛ.

Korɛnti2 9:7 ပူးပေါင်းရင်းမြစ်များ

KZS1 29:17

Maa Lawa, máa doɛ̃, máa n tá giɛ̃ wɔ gɔ́ɔ̃ ganaa, màn mɛn bɛ́ pepere bɛ n kɔɔ̃nɛ n ganaa. Man ma bɔ ma din ni má n gɔn mànan kɛn kɔ n la, ka ma foo tumaa nɛ. Ma yii tá a ganaa kanna, ka foo kɔɔ̃n nɛ, n zaman nə́ n sɔkɔn ǹ nə́ zɛnɛɛ ka a din yɔrɔ lɛ nɛ.

KZS1 29:9

Zaman tumaa foo kɔɔ̃n kɔ bɛa minin kɛn lɛn gɔn màn kɔ Dɛnaa Lawa la lɛ taman yii, a giala maǹ nə́ kɔ Dɛnaa Lawa la ka ǹ foo tumaa nɛ. Kii Davida dɔ gɔ́ɔ̃ pã ka foo kɔɔ̃n nɛ.

Bɔ bɛ̀rɛbaa nɛ 25:2

«A pɛ Izirayeli nɛnyaanan manɛ ǹ mànan bobo masɛ Lawa wɔ lɛa. Min mɛnɛn tumaa bɛ́ boe la, ǹ bɛa sii kɛ lɛ zɛnaa ka foo sonbore ne, ka màn si bɛn la.

Bɔ bɛ̀rɛbaa nɛ 35:5

«Ka màn bɔ ka gɔn màn nɛ, ka kɔ Dɛnaa la. Ka bɛ zɛnaa ka dinin bii, ka bɛa màn lɛ bɔ ka foo kɔɔ̃n nɛ, ka kɔ Dɛnaa la: ta sana nɛ, ka wɔrɔ nɛ, ka zan tã nɛ.

Suusun 11:25

Min mɛn bɛ́ bǐɛ̃ biɛ, á re bǐɛ̃ gigiã yii. Min mɛn bɛ́ mu boro nyɛɛ a bɔ min ganaa, ǹ tá re a dɔ a mu boro nyɛɛ.

Suusun 22:9

Min mɛnɛn bɛ́ bǐɛ̃ biɛ, barka nə ǹ ganaa, a giala maǹ doobaa toe.

Izayii 32:5

Ǹ ba re pii baãnaan man doo mà ǹ yii á guguru wa. Ǹ ba re pii wurumunun man doo mà ǹ tá min sonboren lɛa wa.

Izayii 32:8

Sɛnɛ min mɛnɛn gɔ́ɔ̃ bɛ́ fu, bɛn man taasiɛ sonboren woe, ǹ nə́ sii bǐɛ̃ zɛnɛɛ.

Nya ǹ dín 20:35

Sii din tumaa gɔ́ɔ̃ nɛ, má nyaa ka nɛ máa min nə siĩni a nɔmaa miɛ̃, a tɔn nə n dɔ doobaan lɛ, bɛ̀ a yiri n Yezu din a boo kɛ nɛ: «Nyɛnyɛɛ tá màn kɔ min la nɛ á la min a màn kɔmala nɛ.»

Rɔmu minin 12:8

Bɛ̀ minin foo taã n min mɛn wɔ lɛa, bɛ dɔ minin foo taã. Bɛ̀ Lawa wɔ gii bɔ n min mɛn wɔ lɛa, bɛ dɔ bɛ zɛnaa ka foo sonbore ne. Bɛ̀ min mɛn dɔ n minin nyɛɛnaan boe, bɛa dɛnaa dɔ bɛ zɛnaa sɔnbɔraanɛ. Bɛ̀ min mɛn dɔ n doobaan goe màn nɛ, a zɛnaa ka foo kɔɔ̃n nɛ.

Korɛnti2 8:12

A giala, bɛ̀ n màn kɔ ka yiri sonbore ne, màn mɛn bɛ́ n gɔn ń bǐɛ̃ baa nɛ, Lawa n bɛ sii, ǹ mɛn bɛ́ a ba n gɔn wa, a laadoo ba bɛ ganaa wa.

Timəə dí-pɛn 15:14

Kaa Lawa, Dɛnaa Lawa dí mɛn bǐɛ̃ kɔ ka dɔn gɔn, ka da zii sɔnbɔraanɛ ka bɛ lɛ a mànan nɛ: sèren ne, bòen ne, *belee ne ka duvɛ̃ nɛ.

Filemɔn 1:14

Sɛnɛ, ma a giɛ li ma sii kɔ́n zɛnaa a wɔ gɔn la, bɛ̀ n nə́ n lɛ kɔ wa. Maa taasiɛ n ka kɛ nɛ, bɛa bǐɛ̃ kɛ lɛ, man giɛ li n zɛnaa ma nɛ, a baran pàã sii baa wa, sɛnɛ, a bɔ n din foo ganaa.

Zaaki 5:9

Ma dɔɔ̃nɔn lɛn, ka nyan kiri da kɔn la wa, màn mɛn bɛ́ toɛ Lawa baran kiri wɔ ka ganaa wa. Min mɛn bɛ́ kiri kuri, bɛa daa dɔ á nya.

Piɛrɛ1 4:9

Ka kɔn a tiibaa kũ bɛ̀ ka n ka a zùũzùũ sii wa.