Korɛnti2 9:14 - LAWA A BOO SONBORE 2011

¹⁴ Ǹ tá re Lawa nyankoe ka a lɛa, ǹ nə ǹ kɔn-narɛɛ nyaa ka nɛ. A giala, Lawa bǐɛ̃ gole gole baa ka nɛ.

LAWA A BOO SONBORE

¹⁴ Ǹ tá re Lawa nyankoe ka a lɛa, ǹ nə ǹ kɔn-narɛɛ nyaa ka nɛ. A giala, Lawa bǐɛ̃ gole gole baa ka nɛ.

Korɛnti2 9:14 ပူးပေါင်းရင်းမြစ်များ

Samayeli2 13:29

Abusalɔn màn mɛn pɛ a dí-nyalin lɛn manɛ, maǹ nə́ bɛ lɛ zɛnaa: «Ǹ nə́ Amnɔn dɛ.» Bɛ nə n zɛnaa lɔn, kii a nɛgiĩn lɛn tumaa yoo, didie dii a dundun sùi la, ǹ nə́ baa si.

Suusun 11:26

Min mɛn bɛ́ a *belee toɛ koa nɛ, zaman tá re n liɛ li. Sɛnɛ ǹ mɛn bɛ́ soe ne á n siɛ̃, zaman tá re Lawa bǐɛ̃ bíi li.

Luku 16:9

Yezu pɛ ǹ nɛ: «Ka ga giaáran li ka dinin manɛ ka kanaa a naforo kɛ nɛ. Màn mɛn bɛ́ toɛ, bɛ̀ bɛa naforo kɛ lɛ nya, Lawa lɛ kɔ ka ganaa ka giã a biikoo nyabaã bǎã kɛ nɛ.

Rɔmu minin 1:11

Sonbore, masɛ n giɛ li taãn-taãn ma ka yɛ, màn mɛn bɛ́ toɛ, Lawa a Yiri Fu bǐɛ̃baa ǹ mànan mɛnɛn kɔ ma la, ma da bɛn kɔ ka la, ka boo la ka wo nyɛɛnɛ.

Korɛnti2 1:11

Ka dɔn tá re n doe ma lɛ ka kaa Lawa nyankɔ nɛ. Lawa á re min gigiã a nyankɔ sii, a bɛa bǐɛ̃ kɛ zɛnaa ma nɛ, bɛa yɔrɔ kɛ la, min gigiã á re barka diɛ Lawa nɛ maa lɛa.

Korɛnti2 8:1

Wɔ dɔɔ̃nɔn lɛn, Lawa a bǐɛ̃baa ǹ siin nə n zɛnaa Masedoanɛn Lawa a sɔmɔn nɛ ka yɔrɔ mɛn nɛ, ma n zoɛ̃ máa ka bɛ dɔ̃.

Korɛnti2 9:13

Ka bɛ́ n doe min mɛnɛn lɛ, ǹ gigiã á re Lawa tɔ gole koe. Ka bɛ́ dí nyɛɛ ka bɔlɔgoondɛnaabaa-n ka yɔrɔ mɛn nɛ, *Krita a Boo Tii Kɔɔ̃n kɛ gɔ́ɔ̃ nɛ, bɛ á re toɛ, ǹ barka da Lawa nɛ. Ka bɛ́ ka gɔn mànan gii kɔn-a ǹ nɛ, a n doe min kɔsɔn dɔn ganaa, ǹ tá re barka diɛ Lawa-n bɛ dɔ a lɛa.

Korɛnti2 9:15

Lawa a bǐɛ̃baa ǹ màn kɛ miã banban, wɔ á barka diɛ nɛ bɛ taman yii.

Filipi minin 1:8

Ma pɛ ka-n lɔn, Lawa din nə maa siére lɛa, ma á ka tumaa narɛ ka Yezu Krita bɛ́ ka narɛ lɔn.

Filipi minin 2:26

A gɔ́ɔ̃ goã a ganaa parsiini, mà a wusoo a da ka tumaa yaa, a giala, ka bɛ́ ká a busu kɔ mɛn boo ma, bɛ lɛ ná a yiri lɔlɔkɔn.

Filipi minin 4:1

A bɛ́ miɛ̃, ma dɔɔ̃n sonboren lɛn, ka n gòãn doa kaka, kaa tá kun ka Dɛnaa-n kɛ gɔ́ɔ̃ nɛ. Kasɛn mɛnɛn bɛ́ ma dɔɔ̃n narɛɛ wolen lɛa, ma tá li parsiini ma wusoo ma ka yɛ. Ka dinin lɛn man maa foo kɔɔ̃nbaa laanka maa din laakalaa ǹ màn lɛa.

Timote1 1:14

Sonbore ne, Dɛnaa bǐɛ̃ zɛnaa masɛ nɛ á la yii ni, á goleemali laanka kɔn-narɛɛ dɔ kɔ ma la á la yii ni, maa tá kun ka Yezu Krita-n lɛ taman yii.