Korɛnti2 9:10 - LAWA A BOO SONBORE 2011

¹⁰ Lawa mɛn bɛ́ màn tɔrɔ koe màn-dali la, ka màn-bii ni mà a n din too ne, á re màn tɔrɔ tumaa koe ka la, ka dinin laadoo yii li, a na a bulu bɔ, ń giɛ kaa bǐɛ̃baa ǹ foo kɛ á sii gigiã zɛnɛɛ.

LAWA A BOO SONBORE

¹⁰ Lawa mɛn bɛ́ màn tɔrɔ koe màn-dali la, ka màn-bii ni mà a n din too ne, á re màn tɔrɔ tumaa koe ka la, ka dinin laadoo yii li, a na a bulu bɔ, ń giɛ kaa bǐɛ̃baa ǹ foo kɛ á sii gigiã zɛnɛɛ.

Korɛnti2 9:10 ပူးပေါင်းရင်းမြစ်များ

Siin Giala 47:19

N nə ǹ die toɛ, wɔ gã n yii ni? Wɔa tán kɛ a màn kɔ́n lɛa wɔ dininbaã wa. Wɔ pii, ka wɔa tán lɛ dɔ nɛ, n màn-bii kɔ wɔ la a dòo. Wɔ laanka wɔa tán tá re Faarahɔn gɔn màn biɛ. Wɔ ba li, bòo wɔ dɛ wa. Màn tɔrɔ kɔ wɔ la, màn mɛn bɛ́ toɛ, wɔ la, wɔa wurun gɔ́ɔ̃ kooro baran goã wa.»

Suusun 11:18

Min mɛnɛn bɛ́ sii baraa zɛnɛɛ, maǹ dí kooro nyɛɛ. Sàabaa ba la wa, bǐɛ̃-zɛnaalin man saraa sonbore yii.

Boo-laakalaali 11:6

Baayɛlɛ, n màn tɔrɔ da, n baran n gɔn basã wa, yǎa wasamiɛ̃nɛ. A giala, màn mɛn bɛ́ re bǐɛ̃ koe, n ba bɛ doɛ̃ wa, kɛ-n hinlaa kɛ nɛ, hinlaa ǹ dinin tumaa n die siĩn koe kun?

Izayii 55:10

«La laanka *mu nyuù-wɔle n boe lon kiɛ tán. Ǹ ba wusii ǹ woo bɛ̀ ǹ nə́ ǹ nə ǹ nya ǹ dí nya wa: Maǹ kiɛ tán la, a basã, ǹ baa tán sonbore lɛa, màn nàn nə́ boe la doɛ̃. Bɛa yɔrɔ lɛ la, màn tɔrɔ n yii la, ka màn-bii ni.

Ozee 10:12

Bɛ̀ n tá min pepere lɛa, n tá re bǐɛ̃ yii a dòo lɛa. Ka sɔ́ dɛ, a giala kaa bɔyaa a yɔrɔ dia Dɛnaa Lawa la biikoo dɔ, bɛa re peperebaa kiɛ ka la ka la bɛ́ lɔn.

Matiə 6:1

Ka bɛ́ Lawa a zii tɔ wɔ ǹ siin mɛnɛn zɛnɛɛ minin yɔrɔ-a, ka tá n dinin nyɛɛ ǹ nɛ, ka n parabaa ka bɛ nɛ. Bɛ̀ ka á zɛnɛɛ miɛ̃, ka a re saraa yii a bɔ kaa Díi Lawa li lon wa.

Korɛnti2 9:12

A giala, bɛa dí kɛ lɛ ka á nyɛɛ, a bie Lawa a zaman dinsɔɔ̃ laadoo bǐɛ̃ koe wa, sɛnɛ, a n toɛ doo, barka gigiã nə n da Lawa nɛ.

Korɛnti2 9:6

Ka n yiri koa kɛ li: bɛ̀ min màn tɔrɔ boɛɛn da, a n màn boɛɛn kuri. Bɛ̀ min màn tɔrɔ gigiã da, a n màn gigiã kuri.

Galaasi minin 3:5

Lawa ná a Yiri Fu kɔ ka la, a n kaãbaa ǹ siin zɛnɛɛ ka bii. A na á bɛ zɛnaa kaa dí-pɛn siin zɛnaa a lɛa, hinlaa ka Boo Tii Kɔɔ̃n mɛn ma ka golee li, bɛa lɛa nɛ?

Efɛɛzi minin 5:9

Wɔlɔ fúlu bɛ́ sii mɛn koe, bɛ n ka min bǐɛ̃baa nɛ, peperebaa nɛ, ka sonbore ne.

Filipi minin 1:11

Yezu Krita bɛ́ sii peperen mɛnɛn zɛnɛɛ wɔ nɛ, ka á re piɛ̃ ka bɛn nɛ, Lawa a gugurubaa laanka a tɔ bɔ a lɛa.

Filipi minin 4:17

Ma bie giɛ li, máa yǎa ka bǐɛ̃baa ǹ mànan diɛ ma la wa, sɛnɛ, man giɛ li máa Lawa màn gigiã koa ka nɛ.

Tesaloniki1 3:12

Kɔn-narɛɛ mɛn bɛ́ ka lon kɔn wɔ a paǹ li, min tumaa dɔ wɔ a paǹ li, Dɛnaa die a màn da bɛ li, a baa wɔsɛn kɔn-narɛɛ kɛ miã lɛa kaa wɔ a paǹ li.

Tesaloniki1 4:10

Bɛ lɛ n ke ka á zɛnɛɛ dinin, dɔɔ̃nɔn tumaa wɔ a paǹ li, Masedoanɛ gána din tumaa nɛ. Sɛnɛ, wɔ n ka nyankoe doo dɔɔ̃nɔn lɛn, wáa ka n doa ka wusoo ka màn da li.