Korɛnti2 8:7 - LAWA A BOO SONBORE 2011

⁷ Màn tumaa tá ka gɔn gigiã, goleemali ni, boo da doɛ̃ nɛ, màn-doɛ̃ nɛ, din kɔ sii ganaa duduu ni. Ka kɔn-narɛɛ dɔ yɛ á bɔ masɛ li. Ka toa bǐɛ̃baa ǹ foo gole dɔ goã ka nɛ, dɔmalɛ ǹ dí kɛ a lɛa.

LAWA A BOO SONBORE

⁷ Màn tumaa tá ka gɔn gigiã, goleemali ni, boo da doɛ̃ nɛ, màn-doɛ̃ nɛ, din kɔ sii ganaa duduu ni. Ka kɔn-narɛɛ dɔ yɛ á bɔ masɛ li. Ka toa bǐɛ̃baa ǹ foo gole dɔ goã ka nɛ, dɔmalɛ ǹ dí kɛ a lɛa.

Korɛnti2 8:7 ပူးပေါင်းရင်းမြစ်များ

Matiə 25:22

Bɛ kio, sana kuturu paa dɔ min mɛn ganaa, bɛ nə́ n zɔ̃ á dɔ á pɛ: «Mìinaa, ń sana kuturu paa kɔ masɛ la. Ma á ke má sana kuturu paa kɔsɔ yɛ.»

Rɔmu minin 15:14

Masɛ dinmaa waa la, máa ka á sii sonbore zɛnɛɛ, haalɛ ta ma yiri kɔ ka la dinin wa. Ka á Lawa dùũ sii doɛ̃, bɛ lɛ taman yii ni, ka á boe la ka á yiri koe kɔn la.

Korɛnti1 1:5

Sonbore, a din lɛ pàã ganaa Lawa ka gɔ taãn-taãnɛ, ka yɔrɔ din tumaa nɛ. Á boo-doɛ̃ laanka sii-doɛ̃ tumaa kɔ ka la.

Korɛnti1 12:13

A giala, *batɛmu na á n da wɔ tumaa ganaa ka Yiri Fu goon ne. Bɛ na á toa wɔ́ tɔ́n gɔ̀nɔn goon baa, ta Zuifu ni, ta Grɛki ni, ta bɛ̀rɛ nɛ, ta tá ma din gɔn wìi a lɛa wole ne. Wɔ tumaa-n wɔ́ wɔa wɔ gii yɛ a din Yiri Fu goon kɛ lɛ nɛ.

Korɛnti1 12:8

Yiri Fu lɛ n boo da ka sii-doɛ̃-n koe min la, a boo da ka màn doɛ̃-n kɔ min kɔsɔ la.

Korɛnti1 13:2

Ta má Lawa a boo gii-dali baa, ta má màn-doɛ̃ tumaa yɛ, man sii-duriin tumaa doɛ̃, goleemali mɛn bɛ́ boe la a kelen goa a ǹ bɔ ǹ bǎã nɛ, ta má bɛ yɛ, bɛ̀ kɔn-narɛɛ ba ma lon wa, ma a màn kɔ́n lɛa wa.

Korɛnti1 13:8

Kɔn-narɛɛ a papaɛ̃ duduu wa. Lawa a boo gii-dalibaa á re nyɛɛ, bɔlɔ soree pɛ á re nyɛɛ, màn-doɛ̃ á re nyɛɛ.

Korɛnti1 14:12

A din goon ne ka ka dɔn wɔ nɛ. Ka bɛ́ giɛ Yiri Fu a bǐɛ̃baa ǹ mànan li, ka ga ǹ li taãn-taãnɛ, sɛnɛ, ka zɛnaa Lawa a sɔmɔ kɛ a dɔmalɛ taman yii.

Korɛnti1 4:7

Wàa nə n laanka n miãn bɔ kɔn lɛ lɛa? Màn mɛn tumaa bɛ́ yii n lon, Lawa bie á kɔ n la wa? Bɛ̀ á miɛ̃, wàa na á baa n tá n din koɛ nɛ, ka n pɛ mà ǹ bie ǹ nə́ kɔ n dɔ la wa?

Korɛnti2 7:7

A daa kɛ dinsɔɔ̃ bie á ma foo taã wa, sɛnɛ, ka bɛ́ ká a dinmaa foo taã ka yɔrɔ mɛn nɛ, á bɛ dɔ pɛ ma nɛ. Ka yiri bɛ́ a ganaa, mà ka wusoo ka ma yɛ ka yɔrɔ mɛn nɛ, á bɛ dɔ pɛ ma nɛ, kaa foo-ziziɛ̃ ǹ gɔn nɛ, ka ka bɛ́ zoɛ̃ mà ka maa zia gii si lɔn. Bɛ lɛ n toɛ, kanna, ma foo wusoo á kɔɔ̃n kɔ doo á la lɛlɛ wɔ nɛ.

Korɛnti2 8:6

Bɛ lɛ na á toa, má Tiiti nyankɔ parsiini má dia ka li, máa a bǐɛ̃baa ǹ dí mɛn giala kɔ, a bɛ lɛ nya a nyɔmɔɔ sɔnbɔraanɛ, ka a bɛ́ a ná a giala kɔ lɔn.

Korɛnti2 9:14

Ǹ tá re Lawa nyankoe ka a lɛa, ǹ nə ǹ kɔn-narɛɛ nyaa ka nɛ. A giala, Lawa bǐɛ̃ gole gole baa ka nɛ.

Korɛnti2 9:8

Pàã tá Lawa lon, á boe la a toa ka bǐɛ̃ tɔrɔ gigiã yɛ, ń giɛ ka á boe la ka n laadoo màn tumaa yɛ, ka a laman yɛ, ka bǐɛ̃baa ǹ dí sonbore tumaa nya nɛ.

Efɛɛzi minin 4:29

A kɔnboe boo baraa kɔ́n bɔ ka lɛ-n wa. Sɛnɛ, bɛ̀ ka á boo diɛ, a goã boo sonbore lɛa, á n boe la á n doe min kɔsɔ lɛ, á n bǐɛ̃ zɛnɛɛ a ma wolen ne.

Filipi minin 1:11

Yezu Krita bɛ́ sii peperen mɛnɛn zɛnɛɛ wɔ nɛ, ka á re piɛ̃ ka bɛn nɛ, Lawa a gugurubaa laanka a tɔ bɔ a lɛa.

Filipi minin 1:9

Ma bɛ́ Lawa nyan mɛn koe ka a lɛa, bɛ á ke: Ma na a nyankoe, máa a kaa kɔn-narɛɛ gole kɔ a wo nyɛɛn miɛ̃, a toa sii-doɛ̃ taãn mɛ li, ka sii giala ma sonbore ne,

Tesaloniki2 1:3

Dɔɔ̃nɔn lɛn, wɔ doamaa-n wɔ barka da Lawa nɛ biikoo tumaa li kaa lɛa. A n siĩn miɛ̃, a giala, màn tá miɛ kaa golee Lawa li li parsiini, kɔn-narɛɛ mɛn dɔ bɛ́ ka lon kɔn wɔ paǹ li, bɛ dɔ á gole koe ka tumaa gɔ́ɔ̃ nɛ.

Timote2 2:1

N din wɔ paǹ li, nsɛ mɛn bɛ́ maa nɛ lɛa, wɔ bɛ́ Lawa a bǐɛ̃ mɛn giulun, wɔa tá kun ka Yezu *Krita-n lɛ gɔ́ɔ̃ nɛ, n dɔ nə n gɔn paraa bɛ lɛ ganaa, n nə n gù we yii.

Ebrəə 12:28

Wɔ dinin man wɔ gána yɛ, a kiɛ̃ duduu wa. Ka daa wɔ barka da Lawa nɛ. Ka daa wɔ dí nya nɛ ka yɔrɔ kɛ nɛ, kɔɔ̃n a ganaa, bɛ n ka a guguru kɔ nɛ, ka a nyɛ́ɛ baaman nɛ.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Sii-nyaan 3:17

Ma n pii mà ma n pàãma lɛa, mà ń gɔn màn-dɛnaa baa, mà n laadoo ba màn kɔ́n ganaa doo wa. N ba doɛ̃ mà ma n yii koe-yɛle lɛa, makara-bɔle lɛa, ma n doobaa lɛa, n nə́ yii tere-a lɛa, n nə́ gɔ̀nɔn kooro-an dɔ lɛa wa.