Korɛnti2 8:23 - LAWA A BOO SONBORE 2011

²³ Tiiti wɔ paǹ li, ma din a tá kun wole n bɛ nɛ, a n dí nyɛɛ kun ka ma nɛ kaa lɛa. Wɔ dɔɔ̃n gialakunun mɛnɛn bɛ́ kun ni, bɛn man Lawa a sɔmɔ minin dia dí-a wolen lɛa. Maǹ sii zɛnɛɛ Krita guguru-kɔ a lɛa.

LAWA A BOO SONBORE

²³ Tiiti wɔ paǹ li, ma din a tá kun wole n bɛ nɛ, a n dí nyɛɛ kun ka ma nɛ kaa lɛa. Wɔ dɔɔ̃n gialakunun mɛnɛn bɛ́ kun ni, bɛn man Lawa a sɔmɔ minin dia dí-a wolen lɛa. Maǹ sii zɛnɛɛ Krita guguru-kɔ a lɛa.

Korɛnti2 8:23 ပူးပေါင်းရင်းမြစ်များ

Luku 5:10

Nyɛ́ɛ Zebedee a nɛnyaanan kɛn dɔn kũ, Zaaki laanka Zaã nɛ, bɛn mɛnɛn nə goã dí nyɛɛ kun ka Simɔn nɛ. Sɛnɛ, Yezu pɛ Simɔn nɛ: «N baran nyɛ́ɛ baa wa. A kũ sisia ganaa, n tá re giɛ minin li Lawa nɛ.»

Luku 5:7

Ǹ miãn mɛnɛn bɛ́ goo lɛ a goon kɛ nɛ, ǹ nə́ gòon yiɛ bɛn ganaa, mà ǹ da n dɔ ǹsɛn lɛ. Ǹ nə́ daa n dɔ ǹ lɛ, ǹ nə́ zɔ̀ lɛ baã, ǹ nə́ goo màn paa lɛ tumaa pã nɛ, yǎa ǹ gugurubaa n giɛ li a wo ǹ ne mu giala-a.

Zaã a sɛ́wɔ 13:16

Man taãn pii ka nɛ, bɛ̀rɛ kɔ́n ba gole á la ǹ Dɛnaagiĩ-n wa, dia dí-a wole kɔ́n dɔ a gole á la a dia wole-n wa.

Korɛnti1 11:7

Giĩ sɛ ba kɔnboe a màn kuməə a mìi ganaa wa, a giala, a n Lawa a kɔnboe lɛa, á n Lawa a gugurubaa nyɛɛ. Sɛnɛ, lɔ n giĩ a gugurubaa lɛa.

Korɛnti2 12:18

Má Tiiti nyankɔ, máa a wo kaa piɛ kun ka wɔ dɔɔ̃n kɛ nɛ, má goã má a boo da ka nɛ. Ka á boe la ka pɛ mà Tiiti ka gɔn màn si ka la? Masɛ laanka asɛ nɛ, wɔa nya ǹ dí mìi goã goon wa? Wɔa giã ǹ gɔn goã goon wa?

Korɛnti2 7:6

Sɛnɛ, Lawa mɛn bɛ́ foo ziziɛ̃ wolen foo taɛ̃, a din na á ma foo taã Tiiti a daa li.

Korɛnti2 8:16

Ma á barka diɛ Lawa nɛ, asɛ mɛn bɛ́ á din kɔ sii ganaa da Tiiti yiri ni ka a lɛa, ka masɛ bɛ́ lɔn!

Korɛnti2 8:18

Wɔ dɔɔ̃n kɔsɔ mɛn bɛ́, Lawa a sɔmɔn tumaa tá a tɔ laakalɛɛ Boo Tii Kɔɔ̃n kɛ wɔ paǹ li, má bɛ dia kun ni.

Korɛnti2 8:19

Ka bɛ din ni doo, Lawa a sɔmɔn man nə́ bɔ, mà a maa zii tɔ wɔ kun wole baa, bǐɛ̃baa ǹ dí kɛ lɛ a nyɛɛ gɔ́ɔ̃ nɛ. Wɔ ǹ bɛa dí lɛ nyɛɛ Dɛnaa dinmaa a tɔ golebaa a lɛa, taasiɛ sonbore mɛn dɔ bɛ́ wɔ gɔ́ɔ̃ nɛ, wɔ bɛ dɔ nyaa nɛ.

Korɛnti2 8:22

Ma dɔɔ̃n kɔsɔ dɔ á ke, ma á diɛ kunun ǹ ni. Biikoo gigiã li, má a sii gɔsɛ, á n din nyaa din kɔ sii ganaa wole lɛa biikoo tumaa li. Sɛnɛ kanna, a din kɔ sii ganaa la lɛlɛ wɔ nɛ, a giala, á waa ka la parsiini.

Korɛnti2 8:6

Bɛ lɛ na á toa, má Tiiti nyankɔ parsiini má dia ka li, máa a bǐɛ̃baa ǹ dí mɛn giala kɔ, a bɛ lɛ nya a nyɔmɔɔ sɔnbɔraanɛ, ka a bɛ́ a ná a giala kɔ lɔn.

Filipi minin 2:25

Má ga a ganaa, máa a n siĩni ma wusoo ma wɔ dɔɔ̃n Epafroditi dia ka li, asɛ mɛn bɛ́ á dí nya, á zia baa kun ma nɛ, ká dia mà a da ma laadoo mànan kɔ ma la.

Filipi minin 4:3

Maa giĩ, nsɛ mɛn bɛ́ maa dí nya kun wole bɔlɔgoondɛnaa lɛa, ma nə n dɔ nyankoe, máa n nə n dɔ lɔn kɛn lɛ. A giala, mà ǹ nə́ zia baa kun ka ma nɛ, maa Boo Tii Kɔɔ̃n diɛ kɛ gɔ́ɔ̃ nɛ, ǹ laanka Klemaa nɛ, ka maa dí nya kun wole gialakun kɛ tumaa nɛ. Ǹ tɔn tá kiɛ̃-n nyin nyabaã sɛ́wɔ kɛ nɛ.

Kolɔɔsi minin 1:7

Ka dinin Epafrasi mɛn bɛ́ wɔa giaára lɛa, á n wɔ miã dí-nyali dɔ lɛa, bɛ na á ka daraa bɛ ganaa. A n bɔlɔgoondɛnaa lɛa a dí kɛ nɛ, á nyɛɛ Krita nɛ kaa lɛa.

Tesaloniki1 2:2

Ǹ nə́ fuu nyaa wɔ nɛ Filipi kiwi bɔrɔ, ǹ nə́ sɔ kakaa wɔ la, ka á bɛ doɛ̃. Sɛnɛ bɛ lɛ kio, wɔa Lawa wusoo á foo tãbaa kɔ wɔ la, mà yǎa wɔ a Boo Tii Kɔɔ̃n kɛ pii ka nɛ, haalɛ ta wɔa zɔ́ɔn ba nɛn wa.

Timote2 4:10

A giala, Demaasi nə́ n saa sisia a kanaa kɛ li, á woo á ma daa. A na á woo Tesaloniki kiwi. Kresan woo Galaasi gána nɛ, Tiiti woo Dalmaasi gána nɛ.

Tiitii 1:4

Tiiti, goleemali bɛ́ wɔa lɛ kaa kun màn lɛa, n nə́ maa nɛ sonbore lɛa a gɔ́ɔ̃ nɛ, man sɛ́wɔ kɛ diɛ n la. Wɔ Di Lawa laanka wɔ Nyin-sili Yezu Krita a bǐɛ̃ die a dɔ n ganaa, ǹ là nyantoro kɔ n la.

Filemɔn 1:17

Filemɔn, bɛ̀ n tá giɛ ma ganaa sonbore, n miã dí-nyali lɛa Yezu Krita nɛ, Onezimu lɛ kũ ka n pɛ mà masɛ Pooli ni.

Filemɔn 1:24

Ma miã dí nya kun wolen dɔn tá fòo diɛ n nɛ: Marki ni, Aristarki ni, Demaasi ni, ka Luku ni.

Zaã3 1:8

Wɔsɛn Lawa-nyankɔlen man siĩn kəni, wɔ n dɔ bɛa minin kɛn miãn lɛ, ń giɛ, wɔ dɔn tá n gii we ǹ dí kɛ lɛ nɛ, ǹ nə́ nyɛɛ sonbore a lɛa.