Korɛnti2 6:16 - LAWA A BOO SONBORE 2011

¹⁶ Lawa a kion a wàa n boe la a goã kun ka min kooron wúlu bɔ ǹ mànan nɛ? A giala, wɔ ǹ Lawa yiikoonaa a kion lɛa. Ka a din bɛ́ á pɛ lɔn: «Ma á re giɛ̃ ǹ bii, ma goã ǹ li. Ma á re ǹ Lawa biɛ, ǹ tá re maa zaman biɛ.»

LAWA A BOO SONBORE

¹⁶ Lawa a kion a wàa n boe la a goã kun ka min kooron wúlu bɔ ǹ mànan nɛ? A giala, wɔ ǹ Lawa yiikoonaa a kion lɛa. Ka a din bɛ́ á pɛ lɔn: «Ma á re giɛ̃ ǹ bii, ma goã ǹ li. Ma á re ǹ Lawa biɛ, ǹ tá re maa zaman biɛ.»

Korɛnti2 6:16 ပူးပေါင်းရင်းမြစ်များ

Kiin1 18:21

Bɛ kio, Yilii nə́ n zɔ̃ á dɔ zaman lɛ tumaa li, á pɛ: «Yǎa biĩ kəni kaa yiri binbirin boe kɛ tɔ nə n danbiɛ? Bɛ̀ Lawa n ka Dɛnaa Lawa nɛ, ka kɔ lɛ, bɛ̀ Baali dɔ n doo ka kɔ lɛ.» Sɛnɛ zaman lɛ boo la a ná a lɛ si ka boo goon ne wa.

Loen 90:1

Lawa a min Muizu a Lawa nyankɔ n ke. Dɛnaa, n din nə wɔa duru ǹ bǎã lɛa lɛ̀ woo lɛ̀.

Bɔ bɛ̀rɛbaa nɛ 20:3

- N baran Lawa kɔsɔ guguru kɔ masɛ kio wa.

Bɔ bɛ̀rɛbaa nɛ 23:13

Ma bɛ́ má màn mɛn tumaa pɛ ka nɛ, ka n yiri kɔ bɛ li, ka zɛnaa tɛrɛɛnɛ. Ka baran lawa kɔsɔn nyankɔ wa, min baran ǹ tɔn dinin ma ka lɛ-n wa.

Bɔ bɛ̀rɛbaa nɛ 25:8

Izirayeli nɛnyaanan lɛn tá re ma guguru kɔ ǹ bǎã zɛnɛɛ, ma á re goɛ̃ ǹ bii.

Bɔ bɛ̀rɛbaa nɛ 29:45

Masɛ n die goɛ̃ Izirayeli nɛnyaanan bii, ma goã Lawa lɛa ǹ yii li.

Bɔ bɛ̀rɛbaa nɛ 34:14

Bɛ lɛ tɔ ganaa kəni, ka baran toa ka lawa kɔsɔ guguru kɔ wa. A giala, masɛ din Dɛnaa lɛ, maa sii á kaka, ma a lɛ koe Lawa kɔsɔ ganaa wa.

Zeremii 24:7

Ma á re toɛ ǹ dɔ̃ mà ma din ni Dɛnaa Lawa lɛa. Ǹ tá re n bɔyɛɛ ǹ masɛ wɔ baa ka ǹ foo din tumaa nɛ. Ǹ tá re maa zaman biɛ, masɛ dɔ á re ǹ Lawa biɛ.»

Zeremii 31:1

Dɛnaa Lawa a da ǹ boo á ke: «Biikoo á re doe, ma á re Izirayeli minin sumu lɛn tumaa a Lawa biɛ, ǹ dɔn tá re maa zaman biɛ.»

Zeremii 31:33

Dɛnaa Lawa n pii doo: – Ma bɛ́ re lɛ kɔ kɔn la mɛn we ka Izirayeli minin ni bɛa waáraa lɛ nɛ, á ke. Ma á re maa dí-pɛn kɛn we ǹ yiri ni, ma wɔ ǹ foo ne. Ma á re ǹ Lawa biɛ, ǹ dɔn tá re maa zaman biɛ.

Zeremii 32:38

Ǹ tá re wusii ǹ maa zaman baa, ma dɔ á re ǹ Lawa biɛ.

Ezekieli 11:20

Man die bɛ zɛnɛɛ màn mɛn bɛ́ toɛ, ka kɔ maa landa boon kɛn lɛ, ka maa sii yɔrɔ bɔ ǹ boon kɛn tamaa, kaa tɔ wɔ kɔn pɛ ǹ nɛ. Ka á re goɛ̃ maa zaman lɛa, ma dɔ á re goɛ̃ ka dɔn Lawa lɛa.

Ezekieli 36:25

Ma á re mu sonbore kiɛ ka ganaa, bɛ ka *yoreen kɔ. Ma á re kaa gɔ̀ siin tumaa pii ma ǹ bɔ ka ganaa, ka kaa dì siin kɛn tumaa nɛ.

Ezekieli 36:28

Ma gána mɛn kɔ ka digolon la, ka á re giɛ̃ bɛ lɛ nɛ. Ka á re maa zaman biɛ, ma dɔ á re ka dɔn Lawa biɛ.

Ezekieli 43:7

Á tɔ́n n toa ma ganaa: «Minbuiin a nɛ ganaa, bǎã kɛ lɛ n masɛ a kii dankan laanka maa gòãn kaa ǹ bǎã lɛa. Man die giɛ̃ Izirayeli minin lɛn bii walan, yǎa duduu. Izirayeli tɔrɔn lɛn ba re ma tɔ sonbore kɛ ziziɛ̃ doo ka ǹ dì wúlu bɔn laanka ǹ kiin kɛn gere bĩ walan nɛ wa.

Ezekieli 43:9

Sisia kəni, ǹ tá re ǹ dì guguru kɔ kɛ lɛ diɛ, ǹ ba re n mɔrɛ maa bǎã kɛ ganaa, ka ǹ kiin kɛn gere-n doo wa. Bɛ lɛ n die toɛ ma giã ǹ bii yǎa duduu.

Ozee 14:8

Min mɛnɛn nə goã giã nɛ a wúlu li, ǹ tá re wusii ǹ daa. Ǹ tá re wusii ǹ *belee kɔsɔ, ǹ tá re buũ koe ka *rezɛ̃ da bɛ́ lɔn, ǹ tá re a boo diɛ ka Liban a duvɛ̃ kɛ bɛ́ lɔn.

Ozee 2:23

Dɛnaa Lawa a da ǹ boo ne: Bɛa pinaa kɛ lɛ nɛ, ma á re n nyii, ma á re n nyii lon la, lon tá re n nyii tán la.

Lawa a wúlu-bɔlen 26:12

Ma din tá re goɛ̃ kun ka nɛ. Man die goɛ̃ kaa Lawa lɛa, ka dɔn man die goɛ̃ maa zaman lɛa.

Sofonii 1:5

Min mɛnɛn dɔn bɛ́, dii kalan ǹ tá lon mànan guguru koe ma á re bɛn bɔ̀n biɛ. Min mɛnɛn bɛ́ masɛ guguru koe ǹ wusoo doo ǹ nə n liɛ ka ǹ dì Molɛki ni ma á re bɛn dɔn bɔ̀n biɛ.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Zakarii 8:8

Man die wusii ma da ǹ nɛ, màn mɛn bɛ́ toɛ ǹ giã Zeruzalɛmu. Ǹ tá re maa zaman biɛ, ma dɔ á re ǹ Lawa biɛ, Lawa pepere bɔlɔgoondɛnaa lɛa.»

Matiə 16:16

Simɔn mɛn tɔ bɛ́ Piɛrɛ, bɛ tɔ́n nə n toa: «Ma n Minin Nyin-sili lɛa, Lawa bɛ́ a pɛ mà asɛ á re ǹ mɛn lɛ diɛ, ma n Lawa yiikoonaa a Nɛ lɛa.»

Matiə 6:24

Min kɔ́n ba boe la a dí nya mìinaa paa-n wa. Bɛ̀ min bɛ zɛnaa, a n die goon biɛ zɔ́ɔ, a goon narɛ, a n die goon bɔlɔ sii, a goon kɛ puusə kɔ. Ka a boe la ka n dinin kɔ Lawa la, ka n dinin kɔ wɔrɔ dɔ la wa.

Luku 5:36

Yezu boo giməə kɔsɔn da ǹ nɛ a din a daraa dii kɛ wɔ gɔn la, á pɛ: «Min kɔ́n ba mɔnaa dii lɛkoro toɛ̃ a dɔ mɔnaa zizi lɛ wa. A giala bɛa mɔnaa dii lɛ n die mɔnaa zizi lɛ nyɔsɛ̃, a na a ziziɛ̃ ǹ gòã baa, ka bɛ dɔ nɛ, bɛa mɔnaa dii lɛkoro dɔ mɔnaa zizi lɛ lɛ a bǐɛ̃ koe wa, a giala ǹ ba goon wa.

Zaã a sɛ́wɔ 14:23

Yezu pɛ nɛ: – Bɛ̀ min mɛn tá masɛ narɛ, bɛa dɛnaa tá re masɛ a boo sii. Maa Díi dɔ á re bɛa dɛnaa narɛ, ma laanka maa Díi á re die bɛa dɛnaa li, wɔ giã a li.

Zaã a sɛ́wɔ 6:56

Bɛ̀ min mɛn masɛ gɔ̀nɔn siĩ sɔ̃, á ma mà mi, man goɛ̃ kun ka bɛa dɛnaa nɛ, bɛa dɛnaa dɔ n goɛ̃ kun ka masɛ nɛ.

Rɔmu minin 8:11

Lawa mɛn Yezu yii kaa á bɔ geren bii, bɛ̀ bɛ Yiri tá ka li, bɛ̀ ká gã, Lawa lɛ din nə die wusii a ka dɔn yii kaa, ká a Yiri lɛ pàã nɛ, a Yiri mɛn bɛ́ ka li ke lɛn.

Rɔmu minin 8:9

Sɛnɛ, kasɛn ba koe gɔ̀nɔn foo siin lɛ wa, ka ǹ tɔ we á kɔnpii ka Lawa a Yiri Fu dùũ siin ni, bɛ̀ á daa yaa bɛ̀ Lawa a Yiri Fu lɛ tá ka li sonbore. Bɛ̀ Krita Yiri kɛ ba min mɛn li wa, bɛa dɛnaa ba a wɔ lɛa wa.

Rɔmu minin 9:26

A n pɛ ǹ nɛ bǎã mɛn din ni ke lɛn mà "ka ba masɛ tɔrɔ lɛa wa", maǹ die ǹ bíi doo bɛa bǎã kɛ lɛ nɛ, "Lawa, nyin nyabaã kɔle a nɛnyaanan".»

Korɛnti1 10:21

Ka a boe la ka màn mi ka Dɛnaa a paan nɛ, ka wusoo ka màn mi yiri baraan paan nɛ wa. Ka a boe la ka màn bii Dɛnaa a kùnu ni, ka wusoo ka màn bii yiri baraan dɔn kùnu-n wa.

Korɛnti1 6:19

Hinlaa ka n ka a doɛ̃ mà ka gɔ̀nɔn lɛ n Yiri Fu a giã ǹ kion lɛa wa? Bɛa Yiri Fu kɛ lɛ ka nɛ, Lawa din na á kɔ ka la. Ka bie ka dinin wɔ lɛa doo wa.

Efɛɛzi minin 2:20

Ǹ bɛ́ kion mɛn doe, Yezu a dia dí-a wolen laanka Lawa a boo gii-dalin kion gòã-daa kɛ la, kasɛn dɔn man bɛ lɛa. Yezu Krita dinmaa na a gùrù koa ǹ kɔlɔ lɛa.

Efɛɛzi minin 2:22

Ka laanka gialakunun kɛn tumaa nɛ, kaa tá kun ka Krita-n a lɛa, ka dɔn gii n bɛa kion kɛ lɛ nɛ. A n miɛ̃, màn mɛn bɛ́ toɛ, Lawa bɛ́ kion mɛn nɛ ka a din a Yiri Fu ni, ka bɛa kion lɛ baa taãn-taãnɛ.

Efɛɛzi minin 3:17

A die a toa doo, Krita goã ka foo ne goleemali pàã ganaa. A die a toa dɔn ka gòã wɔ tán kaka kɔn-narɛɛ gɔ́ɔ̃ nɛ.

Timəə dí-pɛn 5:7

Máa ka baran lawa kɔsɔ guguru kɔ masɛ kio wa,

Timote1 3:15

Sɛnɛ, bɛ̀ má belebɔ ma a die wa, n doamaa bɛ́ nɛ n dí mɛn nya Lawa a kion minin bii, sɛ́wɔ kɛ lɛ á re toɛ n bɛ dɔ̃. Bɛa kion lɛ n Lawa yiikoonaa a sɔmɔ lɛa, sonbore koa ǹ bǎã laanka a tamaa ǹ bǎã nɛ, ka yírəə bɛ́ we-n kion li lɔn, á n kuĩ koɛ lon.

Timote2 1:14

Doroo sonboren mɛnɛn nə n koa n li, bɛn tamaa doɛ̃. Yiri Fu mɛn bɛ́ wɔ lon, bɛ lɛ á die ǹ tamaa ǹ pàã koe n la.

Ebrəə 3:6

Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.

Ebrəə 8:10

Ma bɛ́ re lɛ kɔ kɔn la dii mɛn we ka Izirayeli tɔrɔ minin kɛn nɛ, bɛ á ke: Ma din Dɛnaa n pii, máa bɛa lɛawaan kɛn lɛn kiɛ̃ kio, man die maa dí-pɛn we ǹ yiri ni, man die ǹ kiɛ̃ ǹ foo ganaa. Ma á re goɛ̃ ǹ Lawa lɛa, ǹ dɔn tá re goɛ̃ ma din a tɔrɔ lɛa.

Zaaki 4:5

Lawa a boo na á pɛ: «Lawa yiikoonaabaa ǹ fɔfoã mɛn da wɔ nɛ, a n zuũ boe bɛ la.» Ka n taasɛ mà boo kooro na á diɛ kən le?

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.

Zaã1 4:12

Min kɔ́n yii tɔn Lawa yɛ wa. Sɛnɛ, bɛ̀ wɔ á kɔn narɛ, Lawa n goɛ̃ kun wɔ nɛ, a minin narɛ ǹ sii dɔ nə n zɛnɛɛ wɔ nɛ a giala yii li.

Zaã1 4:15

Min mɛn bɛ́ pii mà Yezu n Lawa a Nɛgiĩ lɛa, Lawa n kun bɛa dɛnaa nɛ, ǹ dɛnaa dɔ n kun Lawa nɛ.

Sii-nyaan 2:1

Yezu pɛ ma nɛ: «Sɛ́wɔ kɛ kiɛ̃ n dia Efɛɛzin Lawa a sɔmɔ a lon a dia dí-a wole la: Masɛ mɛn bɛ́ leere sɔbaa n ma gusin ni, má n tɔ we sana bolon koa ǹ bǎã sɔbaa bii, man pii ka nɛ:

Sii-nyaan 21:3

Má lɛn kaka goon ma boe kii dankan paǹ li, a n pii: «Kanna, Lawa a giã ǹ bǎã lɛ á ke minbuiinin bii! A n die giɛ̃ kunun ǹ ni, ǹ ná a din a zaman baa. Lawa dinmaa n die goɛ̃ kunun ǹ ni, a ǹ Lawa baa.

Sii-nyaan 21:7

Min mɛnɛn bɛ́ re gɔ̀lɔ̀baa yii, ma din nə die bǐɛ̃ kɛ biɛ ǹ nɛ, ma á re ǹ Lawa biɛ, ǹ dɔn tá re n biɛ maa nɛnyaanan lɛa.