Korɛnti2 6:14 - LAWA A BOO SONBORE 2011

¹⁴ Ka nyan toa ka kaa sii kaa kun ka goleemali baãnaan nɛ wa. Ǹ minbaa a kɔnpii ka kaa wɔ-n wa. Kaa-kun mɛn nə màn pepere laanka màn baraa bii ni? Wɔlɔ fúlu n siɛ lɔn a n kaa kun ka wɔlɔ tì ni?

LAWA A BOO SONBORE

¹⁴ Ka nyan toa ka kaa sii kaa kun ka goleemali baãnaan nɛ wa. Ǹ minbaa a kɔnpii ka kaa wɔ-n wa. Kaa-kun mɛn nə màn pepere laanka màn baraa bii ni? Wɔlɔ fúlu n siɛ lɔn a n kaa kun ka wɔlɔ tì ni?

Korɛnti2 6:14 ပူးပေါင်းရင်းမြစ်များ

Siin Giala 24:3

N liɛ ka Dɛnaa, lon laanka tán a Lawa tɔ nɛ, mà ma bɛ́ giã-n Kanaan minin mɛnɛn bii, mà n ba re bɛn nɛ we lɔ lɛa, n kɔ maa nɛgiĩ Izaaki la wa.

Kiin1 18:21

Bɛ kio, Yilii nə́ n zɔ̃ á dɔ zaman lɛ tumaa li, á pɛ: «Yǎa biĩ kəni kaa yiri binbirin boe kɛ tɔ nə n danbiɛ? Bɛ̀ Lawa n ka Dɛnaa Lawa nɛ, ka kɔ lɛ, bɛ̀ Baali dɔ n doo ka kɔ lɛ.» Sɛnɛ zaman lɛ boo la a ná a lɛ si ka boo goon ne wa.

KZS2 19:2

Lawa a boo gii-dali, Anaanii a nɛgiĩ Zewu daa n da lɛ á pɛ nɛ: «Ma nə́ n woo n dɔ min baraa lɛ. Bɛ na á saa lɔn? Min mɛnɛn bɛ́ Dɛnaa Lawa nə́ ǹ tii, bɛn man kɔɔ̃nɛ nsɛ ganaa? Bɛ lɛ taman yii, Dɛnaa Lawa foo yoo n li.

Ɛsidrasi 10:19

Ǹ nə́ lɛ kɔ, mà ǹsɛn tá ǹ gɔn boe ǹ lɔn lɛn ganaa, ǹsɛn nə sère gɔ̀lɔ̀ bɔ ǹ zɛ̀rɛ lɛ a sawaa ǹ wúlu màn lɛa.

Loen 106:35

Ǹ nə́ woo ǹ sii kaa kun ka tɔrɔ kɔsɔn nɛ, ǹ nə́ n daraa ǹ landa siin ganaa.

Loen 119:63

Min mɛn tumaa bɛ́ nyɛ́ɛ biɛ n nɛ, ǹ nə́ n minin doroo ǹ boon kɛn tamaɛ, masɛ n kun ka bɛn nɛ.

Loen 16:3

Dì mànan tá gána lɛ gɔ́ɔ̃ nɛ, bɛa màn pàãdɛnan lɛn nə́ goã kɔɔ̃n ma ganaa parsiini.

Bɔ bɛ̀rɛbaa nɛ 34:16

Bɛ̀ ka ǹ nɛlɔn wɔ ka ǹ kɔ kaa nɛgiĩn la, ǹ nɛlɔn lɛn man die ǹ dìn guguru koe, ǹ tá re kaa nɛgiĩn lɛn dɔn kiɛ ǹ dìn lɛn guguru koe ganaa.

Suusun 22:24

N nyan foo goledɛnaa baa n giaára lɛa wa, min mɛn foo bɛ́ a golee yoo-n wa, n nyan koa kun ni wa.

Suusun 29:27

Sii kɔkɔrɔ zɛnaalin tìĩ boe maa-n min peperen nyin ni. Min peperen tìĩ boe maa-n min baraan nyin ni.

Lawa a wúlu-bɔlen 19:19

Ka n doa, ka masɛ a landan kɛn dɔn tamaa: N tɔɔn bii, n nyan toa n tɔɔ tɔrɔ tɔtɔ paa kaa dii kɔn la ganaa wa. N wuru-n, n nyan toa n màn tɔrɔ tɔtɔ paa da a-n wa. Ka nyan toa ka mɔnaa tã ka gɛ̀sɛ tɔrɔ tɔtɔ màn paa nɛ, ka wɔ wa.

Malakii 2:11

Taãnɛ, Zudaa minin nə bɔlɔgoondɛnaabaa zɛnaa lɛ kɔ wɔ paǹ li wa, ǹ nə́ sii bɔbɔnɛɛn zɛnaa Zeruzalɛmu ka Izirayeli gɔɔ̃ din tumaa nɛ, ǹ nə́ Lawa a bǎã sonbore lɛ puusə kɔ, ǹ nə́ lɔn wɔ, ǹ mɛnɛn bɛ́ dìn guguru koe.

Malakii 2:15

Lawa bie á ka baa gɔ̀nɔn goon lɛa ka lɔ lɛ-n wa, gɔ̀nɔn nɛ, kun ka yiri ni, bɛa gɔ̀nɔn goon kɛ lɛ a taasiɛ n doa-n wàa ganaa? Lawa bɛ́ nɛnyaanan mɛnɛn koe ka la bɛn lɛn manɛ, ǹ na a din a nɛnyaanan baa.

Zaã a sɛ́wɔ 7:7

Kanaa minin ba boe la ǹ kasɛn baa zɔ́ɔ wa, sɛnɛ, masɛ, maǹ ma biɛ zɔ́ɔ, a giala, masɛ nə ǹ sɔ̀n pii, ǹ zɛnaa ǹ siin ba siĩn wa.

Nya ǹ dín 4:23

Ǹ bɛ́ ǹ nə́ n gɔn bɔ Piɛrɛ laanka Zaã ganaa, ǹ nə́ woo ǹ miãn li, wúlu-bɔlen goledɛnan laanka min golen lɛn nə màn mɛn pɛ ǹ nɛ, ǹ ná a yii tumaa laakalaa ǹ nɛ.

Korɛnti1 10:21

Ka a boe la ka màn mi ka Dɛnaa a paan nɛ, ka wusoo ka màn mi yiri baraan paan nɛ wa. Ka a boe la ka màn bii Dɛnaa a kùnu ni, ka wusoo ka màn bii yiri baraan dɔn kùnu-n wa.

Korɛnti1 15:33

Ka nyan ka dinin yiri sã wa: «Koa-kun wole baraan man giã ǹ gɔn sonbore ziziɛ̃.»

Korɛnti1 5:9

Má sɛ́wɔ mɛn dia ka la lɛlɛ, má pɛ ka nɛ bɛ nɛ, máa ka nyan kaa sii kɔ́n kaa kun ka din kũ doɛ̃baã wolen ne wa.

Korɛnti1 6:6

Á siĩni, dɔɔ̃n min paa wo kɔn bíi, golee Lawa li baãnaan yɔrɔ-a?

Korɛnti1 7:39

Lɔ n doa-n kɔn ka ǹ zuũ ni, ta maǹ beleboe kanaa lɔn. Sɛnɛ, bɛ̀ ǹ zuũ gã, min mɛn bɛ́ kɔɔ̃n a ganaa, á boe la a kɔn wɔ ka bɛ nɛ. Sɛnɛ, giĩ lɛ goã Lawa-nyankɔle lɛa.

Filipi minin 2:15

Ka zɛnaa miɛ̃, ń giɛ ka á goɛ̃ *yoreen ne, zɛ̀rɛ baãnaan lɛa, ka goã Lawa a nɛnyaanan lɛa, sɔ̀n ná a ba ka ganaa, kanaa min kɔkɔrɔ babaraan kɛn bii wa. Ka doamaa nɛ ka wɔlɔ fúlu bɔ ǹ bii, ka bólonən bɛ́ lɔn,

Zaaki 4:4

Ka min naarɛn kɛn! Ka a doɛ̃ mà bɛ̀ min kanaa baa giaára lɛa, mà a na á Lawa baa zɔ́ɔ wa? Min mɛn bɛ́ giɛ li mà a kanaa a giaára baa sɛn, bɛa dɛnaa nə n din biɛ Lawa a zɔ́ɔ lɛa.