Korɛnti2 5:21 - LAWA A BOO SONBORE 2011

²¹ Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

LAWA A BOO SONBORE

²¹ Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Korɛnti2 5:21 ပူးပေါင်းရင်းမြစ်များ

Zeremii 23:26

Bɛa Lawa a boo gii-dalin lɛn man soɛ boon diɛ, ǹ nə́ ǹ dinin taasiɛn pii. Bɛ n die beleboe yǎa biĩ kəni?

Zeremii 33:16

Bɛa waáraa, Zudaa gána á re goɛ̃ a din gɔn wìi a lɛa, Zeruzalɛmu minin yiri á re goɛ̃ bǎã goon ne. Zeruzalɛmu tɔ n die goɛ̃: "Dɛnaa Lawa n wɔ kirisibaali lɛa".

Danayeli sɛ́wɔ 9:24

Lɛ̀ sɔbaa wɔlɔ pɔsɔbaa nə́ n koa, n zaman laanka n kiwi sonbore kɛ wɔ lɛa. Màn mɛn bɛ́ toɛ, Lawa bɔlɔ tii ǹ siin kɛn nə nya, sii baraa zɛnaa lɛ nə n da, Lawa minin sãn toa ǹ nɛ. Peperebaa mɛn bɛ́ a nyɛɛ wa, bɛ á re die, sii-yɛ laanka Lawa a boo gii mɛn nə n da, bɛn lɛ á re piɛ̃, Lawa a kion sonbore kɛ á re wusii a na a wɔ baa.

Danayeli sɛ́wɔ 9:26

Lɛ̀ sɔbaa wɔlɔ pɔsɔrɔwenpaa lɛ kio, Lawa min mɛn lɛ bɔ á koa, ǹ tá re bɛ dii, min kɔn ná a sii a da wa. Bɛ kio, goledɛnaa goon tá re die ka a zaman nɛ ǹ kiwi lɛ laanka Lawa a kion lɛ ziziɛ̃. Sɛnɛ, a giala-nyɔmiɛ̃ li, Lawa a foo-yoo á re bɛa goledɛnaa lɛ bii. A wo kaa zia lɛ a nya lɛ, basaã n die goɛ̃ a tan miɛ̃ ká a bɛ́ á n pɛ lɔn.

Zakarii 13:7

Dɛnaa Lawa Pàãyiidɛnaa a da ǹ boo á ke: «Gɔya sa, n yii bũ maa tɔɔn-lɛduə̃li kɛ li, ma giaára ke. Tɔɔn-lɛduə̃li lɛ məə, màn mɛn bɛ́ toɛ, sèren lɛn nə n pɛsɛ̃ bǎã yii ni, ma tɔn da ǹ nɛ binbisinin dɛ.»

Minin nimi 21:9

Muizu tɔ́n miɛ̃ nyín zɛnaa ka zan nɛ, á pɛnɛ bàlà sasa ganaa lon. Miɛ̃ goã min mɛn tumaa kuĩ, bɛ̀ ǹ mɛn nə́ n yii saa á ga miɛ̃ nyín lɛ ganaa, ǹ dɛnaa n liɛ.

Luku 1:35

Lon a dia dí-a wole lɛ tɔ́n na a lɛ si á pɛ: «Lawa a Yiri Fu n die gisĩ n la, Lon a Lawa gole n die a din pàã gisĩ n la. Bɛ lɛ taman yii, n bɛ́ die nɛ mɛn yii, maǹ die bíi "Lawa wɔ", ka bɛ dɔ-n doo "Lawa a Nɛgiĩ".

Nya ǹ dín 3:14

Ka n piã ka Lawa din "wɔ" kɛ lɛ nɛ, min pepere kɛ lɛ, ká a nyankɔ mà ǹ gɛ̀-dɛle da ǹ bɔ kòso-n.

Rɔmu minin 1:17

A giala Boo Tii Kɔɔ̃n nə nyɛɛ Lawa bɛ́ min biɛ min pepere lɛa a din yɔrɔ-a lɔn goleemali dinsɔɔ̃ barka nɛ, ka a bɛ́ kiɛ̃-n Lawa a boo sɛ́wɔ-n lɔn: «Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.»

Rɔmu minin 4:25

A na á toa Yezu lɛ gã, màn mɛn bɛ́ toɛ, a wɔa sii baraan tuturu. A na á ná a yii kaa á bɔ geren bii, màn mɛn bɛ́ toɛ, a wɔa zɛ̀rɛn nya, wɔ boo la, wɔ n baa min peperen lɛa a din yɔrɔ-a.

Rɔmu minin 5:19

Min goon toto a bɔlɔ-tii a lɛa nɛ, min tumaa sii baraa-zɛnaali baa. Bɛa yɔrɔ lɛ la, min goon toto a bɔlɔ-sii a lɛa nɛ, min tumaa bii á re kɔɔ̃n koe kɔn ka Lawa nɛ.

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti2 5:17

Bɛ̀ min golee Krita li, ǹ dɛnaa na á màn dii baa: a màn zizibaa nya, á ke, a n màn dii lɛa.

Galaasi minin 3:13

Koe mɛn goã wɔ mìi-n dí-pɛn lɛ-tii a lɛa, Krita na á wɔ kirisibaa bɛ lɛ ganaa. A giala, koe bɔ a dinmaa lɛ ganaa wɔ a lɛa. Ka Lawa a sɛ́wɔ bɛ́ á pɛ lɔn: «Bɛ̀ ǹ nə́ min mɛn gere da da la, koedɛnaa n ka bɛ nɛ.»

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Piɛrɛ1 3:18

Sonbore, Krita dinmaa lɛ na á gã minbuiinin sii baraan lɛa, gunyin goon toto. Asɛ pepere lɛ gã, ka minbuiin bɛ́ lɔn, min pepere baãnaan lɛa, sɛnɛ, a yii wusoo á kaa á n bɔ geren bii ka Yiri Fu barka nɛ, màn mɛn bɛ́ toɛ, a ka nyaa Lawa nɛ.

Zaã1 3:5

Sɛnɛ, ka á doɛ̃, mà Krita na á daa minbuiinin sii baraan bɔ ǹ ganaa, sii baraa kɔ́n ná a ba a din li wa.