Korɛnti2 5:15 - LAWA A BOO SONBORE 2011

¹⁵ A na á gã min tumaa a lɛa, ń giɛ min mɛnɛn yii bɛ́ koo, bɛn baran ǹ yiikoonaabaa zɛnaa ǹ dinin lɛa doo wa, sɛnɛ, min mɛn bɛ́ á gã a yii kaa ǹ lɛa, ǹ zɛnaa bɛa lɛa.

LAWA A BOO SONBORE

¹⁵ A na á gã min tumaa a lɛa, ń giɛ min mɛnɛn yii bɛ́ koo, bɛn baran ǹ yiikoonaabaa zɛnaa ǹ dinin lɛa doo wa, sɛnɛ, min mɛn bɛ́ á gã a yii kaa ǹ lɛa, ǹ zɛnaa bɛa lɛa.

Korɛnti2 5:15 ပူးပေါင်းရင်းမြစ်များ

Kiin2 5:17

Naaman tɔ́n nə n toa: «N bɛ́ n nə́ n piã, zii sɛ kɔ, ǹ tán tii kɔ ma la, dundun-sùi màn paa a guĩ yii li. A giala, ma ba re wúlu mànan tiɛ̃ doo lawa kɔsɔn-a wa, ma ba re wúlu boe doo lawa kɔsɔn-a wa, bɛ̀ á n bɔ Dɛnaa Lawa nɛ.

Ezekieli 16:6

Ma bɛ́ má kiɛ̃ kunu n li, má n yɛ n dudui tán n mà li. Má tɔ́n pɛ n nɛ máa n yii goã koo, a laanɛ n tá tán mà bii. Man laa máa n yii goã koo.

Ezekieli 37:14

Ma á re ma din a yiikoonaabaa ǹ piɛ̃ kɛ diɛ ka nɛ, màn mɛn bɛ́ toɛ, ka yii wusoo a kaa. Ma á re wusii ma ka koa kaa gána lɛ nɛ. Ka á re doɛ̃ bɛa biikoo li kəni, mà bɛ̀ masɛ Dɛnaa Lawa boo mɛn da, mà man bɛ lɛ zɛnɛɛ. Ma din Dɛnaa Lawa a da ǹ boo ne.

Ezekieli 37:9

Lawa tɔ́n pɛ ma nɛ: – Maa boo gii da yiikoonaabaa ǹ piɛ̃ kɛ nɛ, n pɛ nɛ: «Yiikoonaabaa ǹ piɛ̃, bɔ kanaa gùrù sii kɛ li n da kaa geren kɛn ganaa, màn mɛn bɛ́ toɛ, ǹ yii wusoo a kaa.»

Abakuku 2:4

Á ke: Min mɛn bɛ́ a pepere wa, bɛa dɛnaa á re mɛnɛɛ. Sɛnɛ, min mɛn bɛ́ pepere, a bɔlɔgoondɛnaabaa n die toɛ a yii goã koo.

Zakarii 10:9

Má ǹ sasawaa paǹ tumaa li tɔrɔn bii, ka ǹ bɛ́ màn nàn pɛsɛ̃ lɔn. Sɛnɛ, bɛa gána sɔsɔɔn lɛn nɛ, ǹ yiri á re gisĩ ma nɛ. Ǹ tá re giɛ̃ walan, kun ka ǹ nɛnyaanan nɛ, ǹ tɔn nə n bɔyaa ǹ daa.

Luku 1:74

mà asɛ á die wɔ sii wɔa zɔ́ɔn pàã la, mà asɛ á die nyɛ́ɛ lui a bɔ wɔ ganaa, wɔ a guguru kɔ,

Zaã a sɛ́wɔ 5:24

Man taãn pii ka nɛ, bɛ̀ min mɛn nə́ n too kɔ masɛ a boo ganaa, á golee maa dia wole li, nyin nyabaã n bɛa dɛnaa wɔ lɛa. Kiri ba bɛa dɛnaa-a wa, sɛnɛ, bɛa dɛnaa na á soo gɛ̀ nɛ á wɔ yiikoonaabaa nɛ.

Zaã a sɛ́wɔ 6:57

Maa Díi mɛn n ma dia, a din lɛ n yiikoonaabaa koe, ma yii n koo ka bɛ lɛ barka nɛ, bɛ̀ min mɛn n masɛ sɔ̃, bɛa dɛnaa dɔ yii n goɛ̃ koo miɛ̃ ka masɛ barka nɛ.

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Rɔmu minin 4:25

A na á toa Yezu lɛ gã, màn mɛn bɛ́ toɛ, a wɔa sii baraan tuturu. A na á ná a yii kaa á bɔ geren bii, màn mɛn bɛ́ toɛ, a wɔa zɛ̀rɛn nya, wɔ boo la, wɔ n baa min peperen lɛa a din yɔrɔ-a.

Rɔmu minin 6:2

Haayii dɛ! Wɔsɛn man goon kanna ka geren ne, sii baraa wɔ a paǹ li. Wàa n die toɛ wɔ sii baraa zɛnaa doo?

Rɔmu minin 6:6

Ka daa wɔ kɛ giala ma sɔnbɔraanɛ: Wɔa tɔ wɔ ǹ gɔn zizi lɛ na á gã kun ka Krita nɛ dere ǹ gɔn ganaa. Wɔa sii baraa zɛnaa ǹ dùũ lɛ gã. Bɛ lɛ nɛ, wɔ a boe la wɔ n baa sii baraa a bɛ̀rɛn lɛa doo wa.

Rɔmu minin 8:10

Bɛ̀ Krita tá ka foo ne, a laan sii baraa a lɛa nɛ, ka gɔ̀nɔn kɛ á re giɛ̃ ke, Lawa Yiri lɛ n toɛ, ka á yiikoonaan lɛa, a giala, Lawa lɛ kɔ ka ganaa min peperen lɛa.

Rɔmu minin 8:2

Sonbore ne, Lawa a Yiri Fu mɛn bɛ́ nyin nyabaã koe ma la, maa kaa kun ka Yezu Krita-n barka nɛ, bɛ pàã na á ma si sii baraa laanka gɛ̀ pàã la.

Rɔmu minin 8:6

Taasiɛ doa gɔ̀nɔn foo siin ganaa n woe min diɛ gɛ̀ nɛ. Taasiɛ doa Lawa a Yiri Fu dùũ siin ganaa n woe min diɛ nyin nyabaã laanka là nyantoro ne.

Korɛnti1 10:33

Ka zɛnaa ka masɛ bɛ́ lɔn: ma nə n doɛ, máa ma min tumaa foo kɔɔ̃n kɔ ka sii tumaa nɛ. Ma bie giɛ li mà ma din laadoon nə bǐɛ̃ kɔ wa, sɛnɛ, man giɛ min tumaa a bǐɛ̃ kɔ li, ń giɛ ǹ tá kirisibiɛ.

Korɛnti2 12:10

Bɛ lɛ-n ma á n nyɛnyɛɛ maa pàãwɛɛnaabaa ǹ siin kɛn lɛa, ka sɔ kaa ma la nɛ, ka sii kakan ma yɛ nɛ, ka bɔ ma yii-n ni, ka taasiɛn nɛ, Krita a lɛa. A giala, bɛ̀ pàã wɛɛ̃ tá ma ganaa biikoo mɛn li, bɛ lɛ n maa kakabaa biikoo lɛa kəni.

Korɛnti2 3:6

A din na á pàã kɔ ma la, mà ma lɛ kɔ kɔn la dii kɛ lɛ nyaa minin ni ǹ dɔ̃. Bɛa lɛ kɔ kɔn la dii kɛ lɛ bie landa sɛ́wɔ wɔ lɛa wa, sɛnɛ, Yiri Fu wɔ nɛ. A giala, Landa á min dii, sɛnɛ, Yiri Fu sɛn yiikoonaabaa koe min la.

Korɛnti2 5:16

Bɛ lɛ nɛ, ma bie min kɔ́n doɛ̃ doo minbuiinbaa ǹ yɔrɔ kɛ la wa. Haalɛ ta má Krita dɔ̃ minbuiinbaa ǹ yɔrɔ la lɛlɛ, kanna, ma bie doɛ̃ bɛa yɔrɔ kɛ la doo wa.

Galaasi minin 5:25

Yiri Fu bɛ́ á nyin dii kɔ wɔ la, yǎa wɔ toɛ a wɔa giã ǹ gɔn dɔ tele.

Efɛɛzi minin 4:17

Ma bɛ́ màn mɛn pii ka nɛ ma á laɛ, ka Dɛnaa tɔ nɛ, bɛ á ke: Ka nyan ka dinin baa ka min kooron bɛ́ lɔn wa. Bɛn man koe ǹ dinin taasiɛ kooron lɛ,

Efɛɛzi minin 5:14

A giala, sii mɛn dɔ bɛ́ á n nyaa foaãnɛ, bɛ n wɔlɔ fúlu biɛ. Bɛ lɛ nɛ, á n pɛ: «Nsɛ mɛn bɛ́ nyuù we, n yii kaa, nsɛ mɛn bɛ́ geren li, yoo lon, Krita á re fúlu kiɛ n ganaa.»

Kolɔɔsi minin 2:12

Sonbore ne, ǹ bɛ́ ǹ nə́ *batɛmu da ka ganaa, a n goon ka maǹ nə́ ka bĩ kun ka Krita nɛ, ka yii wusoo á kaa kun ka a din ni, a giala, Lawa pàã mɛn na a yii kaa á bɔ geren bii, ka golee bɛ lɛ li.

Kolɔɔsi minin 3:1

Haya, ka laanka *Krita yii bɛ́ á kaa kun, ka toa ka ga lon mànan li, Krita din bɛ́ giã-n bǎã mɛn nɛ, Lawa gusin.

Kolɔɔsi minin 3:17

Ka bɛ́ boe la ka á boo woo boo diɛ, ka á sii woo sii zɛnɛɛ, ka bɛ tumaa zɛnaa ka wɔa Dɛnaa Yezu tɔ nɛ, bɛ̀ ka n barka diɛ Díi Lawa nɛ, a din lɛ pàã ganaa.

Kolɔɔsi minin 3:23

Ta dí lɛ n lɔn, ka nya ka foo sonbore ne, ka n pɛ mà ka ǹ nyɛɛ Dɛnaa nɛ, ka bie nyɛɛ minin man wa.

Tesaloniki1 5:10

Bɛ lɛ na á gã wɔ taman yii, màn mɛn bɛ́ toɛ, bɛ̀ á daa, ta wɔ yii á koo, ta wɔ gã, wɔ goã kun ka a din ni.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Piɛrɛ1 4:6

Bɛ lɛ nɛ Boo Tii Kɔɔ̃n nə́ n pɛ geren manɛ. Kiri nə́ n wɔ ǹ ganaa á kɔnpɛ ka ǹ yiikoonaabaa nɛ tán la. Kanna ǹ yii n koo Lawa wɔ paǹ li, Yiri Fu barka nɛ.

Zaã1 4:9

Lawa na a minin narɛ ǹ sii zɛnaa wɔ bii lɔn, bɛ á ke: a ná a Nɛgiĩ goon toto dia kanaa lɛ nɛ, ń giɛ, wɔ á yiikoonaabaa yii a pàã ganaa.

Sii-nyaan 1:18

Ma din nə yiikoonaa lɛa. Má goã má gã, sɛnɛ, kanna man goɛ̃ ma yii n koo yǎa duduu. Gɛ̀ a lɛduə̃ ǹ pàã n masɛ din gɔn, ka geren piɛ tumaa wɔ nɛ.