Korɛnti2 4:17 - LAWA A BOO SONBORE 2011

¹⁷ Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.

LAWA A BOO SONBORE

¹⁷ Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.

Korɛnti2 4:17 ပူးပေါင်းရင်းမြစ်များ

Siin Giala 15:1

Bɛa siin lɛn kiɛ̃ kio, Dɛnaa nə́ n din nyaa Abramu ni, á pɛ nɛ kɛnɛn: «Abramu, masɛ din nə n tamaa wole lɛa, n baran nyɛ́ɛ baa wa. N saraa á die gole koe parsiini.»

Loen 119:67

Ma bɛ́ ma tɔn nɔmaa wa, man má goã siɛ̃ woe. Sɛnɛ kanna, man koe n da ǹ boon kɛn lɛ.

Loen 119:71

Maa nɔmaa kɛ din na á bǐɛ̃ baa ma ganaa. Á ke á toa má n foo siin dɔ̃.

Loen 30:5

Lawa a min sonboren lɛn, ka loe lɔ ka Dɛnaa Lawa tɔ bɔ nɛ. Ka a tɔ bɔ, bɛ̀ ka tá a siĩnbaa kɛ pii.

Loen 31:19

Ǹ soɛ bɔ ǹ lɛn kɛn lɛn, bɛn lɛn tã. Min mɛn bɛ́ n din bɔlɔ sii, maǹ nə n tìã dii bɛ li, maǹ din koa ǹ boo diɛ a ganaa, ǹ tá a puusə koe.

Loen 73:24

N din nə ma nyɛɛnaan boe, á kɔnpii ka n sii yɔrɔ bɔ nɛ. Bɛ kio, n din nə die ma siɛ ka gugurubaa nɛ.

Izayii 26:20

Maa zaman, wo piɛ, n nə n kiɛnlɛn tã n kio. N duru boɛɛnɛ, n toa Dɛnaa Lawa a foo-yoo kɛ kiɛ̃.

Izayii 54:8

Ma foo goã á yoo n li parasii ni. Biikoo boɛɛn gɔ́ɔ̃ nɛ, ma goã li ma yii mɛ n ganaa wa, sɛnɛ, man maa foo basiɛ̃baa nyɛɛ n nɛ kɔn-narɛɛ gɔ́ɔ̃ nɛ, dan ná a ba la wa. Masɛ Dɛnaa Lawa n bɛ pii n ni, ma din kɛ lɛ nə n si sii la wole lɛa.

Izayii 64:4

Min mɛnɛn bɛ́ koe peperebaa lɛ ka foo kɔɔ̃nbaa nɛ, ǹ nə́ n yiri koɛ li ǹ tá koe n ziin kɛn lɛ, maǹ die n diɛ bɛn lɛ. Bɛ̀ n foo yoo, wɔa siɛ̃n lɛa nɛ. Sɛnɛ, bɛ̀ wɔ kɔ lɛlɛ ǹ ziin kɛn lɛ, wɔ á re kirisibiɛ.

Minin nimi 5:28

Sɛnɛ, bɛ̀ lɔ lɛ nə n din gɔgɔrɛ kɔ wa, á n *yoreene, sii na á n bɔ lɛ, á boe la a nɛ yɛ.

Matiə 5:12

Ka n nyɛnyɛɛ, ka foo goã kɔɔ̃nɛ, a giala, saraa gole tá ka duĩ lon, Lawa a piɛ. Lawa a boo gii-dalin mɛnɛn nə da ka nyɛɛnɛ, minin man nə́ bɛn dɔn nɔmaa miɛ̃.

Luku 6:23

Bɛ̀ bɛ á n zɛnɛɛ ǹ mɛn waáraa, ka n nyɛnyɛɛ, ka bɛ̀ baa, a giala, saraa gole tá ka duĩ lon Lawa a piɛ. Sonbore, bɛa minin kɛn lɛn díin man nə́ goã Lawa a boo gii-dalin kuĩ bɛa gɔn kɛ lɛ la.

Nya ǹ dín 20:23

Sɛnɛ, ma bɛ́ màn mɛn dinsɔɔ̃ doɛ̃, Yiri Fu n nyɛɛ ma nɛ kiwi gogoonmaa nɛ, mà kòso a nɔmaa nə n yii diɛ ma la walan.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Rɔmu minin 8:18

Má golee li máa wɔ bɛ́ nɔmaan mɛnɛn yii kanna, máa bɛn ba màn kɔ́n lɛa biɛ̃ ǹ gugurubaa kɛ genli wa, Lawa bɛ́ re gugurubaa mɛn koe wɔ la.

Rɔmu minin 8:34

Die n boe la kəni, a dɔlɔ da ǹ mìi ni? Min kɔ́n, a giala, Yezu Krita na á gã, ka bɛ dɔ nɛ a yii kaa, á giã-n Lawa gusin, á n Lawa nyankoe wɔ a lɛa.

Rɔmu minin 8:37

Sɛnɛ, bɛ lɛ din tumaa gɔ́ɔ̃ nɛ, Krita mɛn wɔ narɛ, bɛ lɛ n wɔ biɛ gɔ̀lɔ̀n lɛa, wɔ́ la gɔ̀lɔ̀n dinin manɛ.

Korɛnti1 2:9

Sɛnɛ, a n ka Lawa a sɛ́wɔ bɛ́ á pɛ lɔn: «Min mɛnɛn bɛ́ Lawa narɛ, a màn mɛn zɛnaa á koa bɛn manɛ, min kɔ́n yii bin nə n miã yɛ wa, min kɔ́n too bin ma wa, min kɔ́n a taasiɛ tɔn dɔ a ganaa wa.»

Korɛnti2 3:18

Wɔsɛn mɛnɛn tumaa bɛ́ tapara nə́ n bɔ wɔ siã, wɔsɛn man Dɛnaa a gugurubaa a siĩnbaa nyɛɛ. Wɔ́ n bɔyaa wɔ́ kɔnbɔ ka Dɛnaa din ni, wɔ́ wusoo wɔ́ gugurubaa yɛ, bɛ ń gole á la lɛlɛ wɔ kɛ nɛ. Dɛnaa din na á bɛa dí kɛ lɛ nya ka a Yiri Fu barka nɛ.

Filipi minin 1:19

A giala, ma á doɛ̃ máa bɛ tumaa n die ǹ bɔyɛɛ, a ma kirisibaa ǹ sii baa, Lawa n kaa Lawa-nyankɔ pàã nɛ, ka Yezu Krita a Yiri Fu a dɔmalɛ kɛ pàã nɛ.

Tesaloniki2 1:4

Bɛ lɛ na á toa, wɔ dɔn tá wɔ dinin laakalɛɛ kaa lɛa Lawa a sɔmɔ minin yɔrɔ-a, a giala, ká sii si ka ganaa ká goleemali wɔ, fuu laanka nɔmaa tumaa gɔ́ɔ̃ nɛ.

Tesaloniki2 1:6

A giala, min mɛnɛn nə goã fuu nyɛɛ ka nɛ, Lawa á re fuu nyɛɛ ǹ dɔn man miɛ̃. Bɛ lɛ n pepere Lawa yɔrɔ-a.

Timote2 2:10

Bɛ lɛ na á toa, Lawa min mɛnɛn bɔ, man sii tumaa sii ma ganaa bɛn lɛn taman yii, màn mɛn bɛ́ toɛ, Yezu Krita bɛ́ kirisibaa mɛn koe, ǹ dɔn nə bɛ lɛ yɛ, ǹ gugurubaa nyabaã wole dɔ yɛ bɛ lɛ gɔ́ɔ̃ nɛ.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Piɛrɛ1 4:7

Màn din tumaa a giala-nyɔmiɛ biikoo diri. Ka ka dinin yiri kũ, ka n yii dɔraa, màn mɛn bɛ́ toɛ, ka boo la ka Lawa nyankɔ.

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Zaã1 3:2

Maa giaáran lɛn, wɔ n Lawa a nɛnyaanan lɛa gɔrɔ. Wɔ bɛ́ re màn mɛn biɛ, wɔ tɔn bɛa foaãbaa yɛ bɔrɔ wa. Bɛ tun kio, wɔ á doɛ̃ wáa bɛ̀ *Krita daa biikoo mɛn li, wɔ n die kɔnboe ka a din ni, wɔ ǹ die yii, ka a bɛ́ lɔn.

Zude 1:24

Barka tá Lawa ganaa, a giala á boe la a ka sàabaa mɛnaa ganaa, a ka tamaa. Á boe la a soo ka nɛ a din yɔrɔ-a a gugurubaa ǹ bǎã kɛ nɛ, zɛ̀rɛ baãnaan lɛa, a ka foo kɔɔ̃n kɔ.