Korɛnti2 4:11 - LAWA A BOO SONBORE 2011

¹¹ Sonbore, maa yiikoonaabaa gɔ́ɔ̃ nɛ, man we-n gɛ̀ gɔn baraabaraa Yezu a lɛa, ń giɛ Yezu a yiikoonaabaa kɛ tá n din nyɛɛ ma gɔ̀nɔn gɛ̀-wɔle kɛ nɛ.

LAWA A BOO SONBORE

¹¹ Sonbore, maa yiikoonaabaa gɔ́ɔ̃ nɛ, man we-n gɛ̀ gɔn baraabaraa Yezu a lɛa, ń giɛ Yezu a yiikoonaabaa kɛ tá n din nyɛɛ ma gɔ̀nɔn gɛ̀-wɔle kɛ nɛ.

Korɛnti2 4:11 ပူးပေါင်းရင်းမြစ်များ

Loen 141:7

Diin kána bɛ́ tii dii bɛ̀ a pɛsɛ̃ lɔn, maǹ nə́ wɔ wen pɛsɛ̃ yala lɛ-a miɛ̃.

Loen 44:22

bɛ̀ n tá re foɛ̃ a ganaa ya? N din lɛ n minin gɔ́ɔ̃gɔ́ɔ̃ ǹ taasiɛ doɛ̃.

Rɔmu minin 8:11

Lawa mɛn Yezu yii kaa á bɔ geren bii, bɛ̀ bɛ Yiri tá ka li, bɛ̀ ká gã, Lawa lɛ din nə die wusii a ka dɔn yii kaa, ká a Yiri lɛ pàã nɛ, a Yiri mɛn bɛ́ ka li ke lɛn.

Rɔmu minin 8:36

A tá kiɛ̃ nɛ Lawa a boo ne kɛnɛn: «A din a lɛa, maǹ wɔ dii lɛawaa tumu gɔ́ɔ̃ nɛ. Maǹ giɛ wɔ ganaa tɔɔn lɛa, ǹ nə́ woe màn mɛnɛn bɔlɔ kuri.»

Korɛnti1 15:31

Ma dɔɔ̃nɔn lɛn, baraanɛ, gɛ̀ n ma lɛnpɛnɛ. Man bɛ pii ka-n sonbore maa din kalaa lɛa, kaa tá kun ka wɔa Dɛnaa Yezu Krita-n kɛ taman yii.

Korɛnti1 15:49

Wɔ kɔnbɔ ka bɔ tán wole kɛ lɛ-n lɔn, wɔ ǹ die kɔnboe ka bɔ Lawa li wole lɛ dɔ-n miɛ̃.

Korɛnti2 4:10

Man gɛ̀-wɔle lɛa baraabaraa Yezu a lɛa, ń giɛ Yezu a yiikoonaabaa kɛ dɔ tá n din nyɛɛ ma gɔ̀nɔn nɛ.

Korɛnti2 4:12

Bɛa yɔrɔ kɛ lɛ la, masɛ n we-n gɛ̀ gɔn, sɛnɛ, bɛ n yiikoonaabaa koe kasɛn la.

Korɛnti2 5:4

Hiĩ, ta wɔ́ belebɔ wɔa kion kɛ-n lɔn, wɔ ǹ ginii we, wɔ ǹ nɔmaa la. A bie ka wɔ n zoɛ̃ li, wɔ n na wɔ n bɔ kɔn ka wɔ gɔ̀nɔn kɛ-n wa, sɛnɛ, wɔ yiri ná a ganaa, wáa wɔ wusoo wɔ Lawa a piɛ gɔ̀nɔn kɛ yɛ, ń giɛ, ǹ mɛn bɛ́ á gã, bɛ wusoo a yiikoonaabaa yɛ.

Korɛnti2 6:9

Ka manə ǹ ba ma doɛ̃ wa, a da yaa ǹ tumaa dɔ n ma doɛ̃. Ka gere n ma nɛ, a da yaa ma yii dɔ n koo, ka ka yii bɛ́ a ganaa lɔn. Maǹ dɔlɔ boe ma ganaa, ǹ nə́ ǹ ba toɛ ma gã dɔn wa.