Korɛnti2 2:17 - LAWA A BOO SONBORE 2011

¹⁷ Masɛ bie pii koe Lawa a boo ganaa, ka min gigiã kɔsɔn kɛn bɛ́ lɔn wa. Haayii, Krita wɔbaa gɔ́ɔ̃ nɛ, masɛ n boo diɛ ka fubaa nɛ, ka Lawa din tɔ nɛ, a din yɔrɔ-a.

LAWA A BOO SONBORE

¹⁷ Masɛ bie pii koe Lawa a boo ganaa, ka min gigiã kɔsɔn kɛn bɛ́ lɔn wa. Haayii, Krita wɔbaa gɔ́ɔ̃ nɛ, masɛ n boo diɛ ka fubaa nɛ, ka Lawa din tɔ nɛ, a din yɔrɔ-a.

Korɛnti2 2:17 ပူးပေါင်းရင်းမြစ်များ

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Matiə 24:24

A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Nya ǹ dín 20:20

Màn mɛn tumaa là bɛ́ ka ganaa, ma bɛ kɔ́n duru ka la wa. Sɛnɛ, masɛ n má Lawa a boo lɛ pɛ, má ka daraa min tumaa yɔrɔ-a, má ka daraa kaa kionən dɔn nɛ.

Nya ǹ dín 20:27

A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen.

Korɛnti1 5:8

Ka daa wɔ zɔ́n lɛ zɛnaa ka buuru ni, ǹ mɛn bɛ́ yɔ bù ná a ba li wa, wɔ nyan zɛnaa ka yɔ bù zizi-n li wa. Bɛ giala mà wɔ n kɔnboe, wɔ sii baraa laanka din kũ doɛ̃baã siin kɛn kaa, wɔ goã yoreenbaa laanka sonbore gɔ́ɔ̃ nɛ.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Korɛnti2 1:18

Lawa n maa siére lɛa, ma boo mɛn da ka nɛ, a bie «Hiĩ, hiĩ» laanka «Haayii, haayii» lɛa wa koe.

Korɛnti2 11:11

Bɛ giala mà wàa? Man ma a ka narɛ wa? Lawa din tá doɛ̃ mà ma á ka narɛ.

Korɛnti2 12:19

Kɔntan, ka ǹ taasɛ haalɛ bibi, mà ma nə n din biɛ min pepere lɛa kasɛn yɔrɔ-a. Haayii, maa giaáran lɛn, Krita bɛ́ giɛ màn mɛn li, wɔ ǹ bɛ pii ka nɛ Lawa yɔrɔ-a. Man bɛ tumaa zɛnɛɛ, ka dinin bǐɛ̃ kɔ a wo nyɛɛn a lɛa goleemali gɔ́ɔ̃ nɛ.

Korɛnti2 4:2

Siin mɛnɛn bɛ́ durii ni, ǹ nə́ sìi diɛ, má n piã ka bɛn nɛ. Ma a sii zɛnɛɛ ma minin yiri sã-n wa, ma a Lawa a boo lɛ bɔbɔyɛɛ wa. Haayii, man Lawa a boo a taãnbaa nyɛɛ minin ni foaãnɛ. Man giɛ li, máa min tumaa nə n foo doa ma ganaa Lawa yɔrɔ-a.

Korɛnti2 6:7

ka sonbore pɛ nɛ, Lawa din a boo sii la pàã nɛ. Maa ziabaa ǹ màn nə ka sii pepere ne. Man miɛ min ganaa ka bɛ nɛ, man ma din dɔ lɛduĩ ka bɛ nɛ.

Galaasi minin 1:6

Dɔɔ̃nɔn lɛn, kɛ masɛ tɔwaa kaa wɔ paǹ li parsiini! Lawa na á ka bíi Yezu Krita a bǐɛ̃ pàã ganaa. Sɛnɛ, asɛ mɛn ka bíi, ká n yɔrɔ bɔyaa, ká bɔ la bǎã goon ne, ká n yɔrɔ da Boo Tii Kɔɔ̃n kɔsɔ la.

Tesaloniki1 2:4

Sɛnɛ, wɔ ǹ boo diɛ biikoo yii li, á n kɔnpii ka Lawa dùũ ni, a giala, Lawa ga wɔ ganaa dí lɛ a nyalin lɛa, á tɔ́n Boo Tii Kɔɔ̃n pɛ ǹ dí kɛ kɔ wɔ la. Wɔ bie giɛ li wáa wɔ sii kɔɔ̃n kɔ minbuiinin ganaa wa, wɔ ǹ giɛ li wáa wɔ sii kɔɔ̃n kɔ Lawa ganaa, asɛ mɛn bɛ́ minbuiinin gɔ́ɔ̃gɔ́ɔ̃ ǹ taasiɛ doɛ̃.

Tiitii 1:11

N doa n nə ǹ lɛ tã. A giala, mà ǹ tá sumu tumun lɔlɛkɔn, ka ǹ daraan nɛ, ǹ ga wɔrɔ li ǹ gɔn kɔkɔrɔ kɛ a lɛa.

Ebrəə 11:27

Golee Lawa li na á toa, á soo Ezipti gána nɛ, a ná a nyɛ́ɛ baa kii a foo-yoo kɛ-n wa. Á n foo kaka kɔ, ka n pɛ mà yii bɛ́ a Lawa mɛn yii wa, mà asɛ yii n bɛ ganaa.

Piɛrɛ1 4:11

Bɛ̀ ka mɛn nə boo-laakalaali lɛa, ǹ dɛnaa toa a Lawa a boo kɛ laakalaa. Bɛ̀ min mɛn dɔ n dí yɔrɔ boe, a toa a zɛnaa ka pàã kɛ nɛ Lawa n koe la. A n zɛnaa miɛ̃, màn mɛn bɛ́ toɛ, sii din tumaa gɔ́ɔ̃ nɛ, tɔ-bɔ goã Lawa nɛ ka Yezu Krita barka nɛ. Gugurubaa laanka mìinaabaa n bɛa Lawa lɛ wɔ lɛa yǎa duduu. A n miɛ̃!

Zaã1 4:1

Maa giaáran lɛn, minin mɛnɛn bɛ́ n dinin biɛ Lawa Yiri kɛ a dɛnan lɛa, ka nyan golee bɛn tumaa li wa. Ka n da ǹ gɔ́ɔ̃ li bɔrɔ ka ga ǹ ganaa, bɛ̀ ǹ yiri lɛ n boe Lawa li. A giala, Lawa a boo gii-dali soɛ-bɔlen nə́ mɔnaa kanaa lɛ gɔ́ɔ̃ nɛ.

Zude 1:4

Sonbore, min baraan kɔnɔn nə́ wɔ ka bii ka durii ni, ǹ nə́ wɔa Lawa a bǐɛ̃baa ǹ boo kɛ kɔkɔrɛ, ǹ nə́ sonbore koe ǹ dinin la, ǹ naarɛbaa siin kɛn zɛnaa gɔ́ɔ̃ nɛ. Maǹ nə́ n piɛ̃ ka wɔ Mìinaa laanka wɔa Dɛnaa Yezu Krita dɔ nɛ. Bɛa minin kɛn lɛn, ǹ dɔlɔ bɔ ma ganaa boo nə́ n da haalɛ bibi.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.

Sii-nyaan 2:20

Sɛnɛ, ma lɛ bɛ́ n li ka sii mɛn nɛ, bɛ á ke: Lɔ kɔrɔ Zezabɛli a sii á kúu biɛ n nɛ, asɛ lɔ mɛn bɛ́ n din biɛ Lawa a boo gii-dali lɛa. A din nə maa dí-nyalin siɛ̃, mà ǹ nə n dinin kɔ kɔrɔbaa la, ǹ dì wúlu bɔ ǹ siĩn dɔn sɔ̃.