Korɛnti2 13:11 - LAWA A BOO SONBORE 2011

¹¹ Ma dɔɔ̃nɔn lɛn, ka n nyanyaa. Ka toa ka lɛ-piɛ̃maa goã goleemali gɔ́ɔ̃ nɛ, ka kɔn foo taã, ka toa ka kɔn bɔlɔ ma, ka goã ka là nyantoro ne. Lawa mɛn bɛ́ minin narɛ, a n là nyantoro koe, bɛ á re goɛ̃ kun ka nɛ.

LAWA A BOO SONBORE

¹¹ Ma dɔɔ̃nɔn lɛn, ka n nyanyaa. Ka toa ka lɛ-piɛ̃maa goã goleemali gɔ́ɔ̃ nɛ, ka kɔn foo taã, ka toa ka kɔn bɔlɔ ma, ka goã ka là nyantoro ne. Lawa mɛn bɛ́ minin narɛ, a n là nyantoro koe, bɛ á re goɛ̃ kun ka nɛ.

Korɛnti2 13:11 ပူးပေါင်းရင်းမြစ်များ

Siin Giala 37:4

Ǹ golon lɛn nə́ yɛ, mà Zozɛfu sii a kɔɔ̃nɛ ǹsɛn di lɛ ganaa, á la ǹsɛn tumaa nɛ. Ǹ golon lɛn nə́ da ǹ gɔ́ɔ̃ nɛ, ǹ boo la ǹ nə́ boo da-n doo ka bɔlɔ bǐɛ̃-n wa.

Siin Giala 45:24

Bɛ kio, á zii kɔ ǹ dɔɔ̃nɔn lɛn la. Sɛnɛ, á pɛ ǹ nɛ, bɛ̀ ǹ bɛ́ re woe, mà ǹ baran zia da zii la wa.

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Matiə 5:48

Bɛ lɛ taman yii, ka toa ka lɛ pã ka ka Di Lawa lɛ bɛ́ piɛ̃-n lɔn.

Marki 10:49

Yezu tɔ́n golee á pɛ: «Ka lɛ dia la a daa.» Ǹ nə́ lɛ dia yii tere-a lɛ la, ǹ nə́ pɛ nɛ: «N foo taã, n yoo n daa, Yezu á lɛ diɛ n la.»

Marki 9:50

Yìsi n màn sonbore lɛa sɛn, sɛnɛ bɛ̀ yìsi a yìsibaa nya, maǹ die n biɛ lɔn ǹ tɔn baa yìsi lɛa doo? Ka miãn bii, ka toa kaa zɛnaa ǹ sii sonboren nə goã ka yìsi bɛ́ màn-bii li lɔn, ka koa kun ka yii-nyɛɛ nɛ.

Luku 9:61

Min goon kɔsɔ dɔ́ pɛ Yezu-n doo: «Dɛnaa ganaa, masɛ n die koe n lɛ, sɛnɛ, a toa masɛ wo sawaa kɔn-a ǹ fòo da maa kion minin man bɔrɔ.»

Zaã a sɛ́wɔ 17:23

Man kunun ǹ ni, ka n bɛ́ kun ka masɛ-n lɔn, màn mɛn bɛ́ toɛ, ǹ goã goon toto, kanaa minin nə boo la, ǹ dɔ̃ ka bɛ nɛ mà n din ni ń masɛ dia, ma n nə́ ǹ narɛ dɔn, ka n bɛ́ n masɛ narɛ lɔn.

Nya ǹ dín 15:29

Dì wúlu-bɔ ǹ siĩn kɛn, ka n na ka n bɔ bɛn ganaa, ka màn mà nɛ, ka tɔɔ bɔlɔ-yui wolen siĩn ni, ka naarɛbaa nɛ. Bɛ̀ ka á bɛa siin kɛn toɛ walan sɔnbɔraanɛ, á die bǐɛ̃ koe taãn-taãnɛ. Wɔsɛn boo yii n ka bɛ nɛ.»

Nya ǹ dín 18:21

Sɛnɛ, a bɛ́ re woe á pɛ ǹ nɛ: «Bɛ̀ Lawa ná a lɛ kɔ, ma á re wusii ma da ka li biikoo kɔsɔ li.» Á wɔ tà kuru ǹ goo ne Efɛɛzi,

Nya ǹ dín 23:30

Bɛ kio má ma, mà minin man nə́ n lɛ kaa kun, ǹ nə́ giɛ li ǹ dɛ a gã, bɛ lɛ-n má giĩ lɛ dia n la. Má pɛ a zɛ̀rɛ-baalin lɛn nɛ, máa ǹ wo a zɛ̀rɛ baa n din yɔrɔ-a.»

Rɔmu minin 12:16

Ka toa ka kɔn wɔ ma doɛ̃, ka bɔlɔ goã goon. Ka baran n taasɛ din gole kɔ ǹ siin ganaa wa, ka lɛ kɔ din boɛɛn kɔ ǹ dín ganaa. Ka baran ga ka dinin ganaa màn-dɔ̃lin lɛa wa.

Rɔmu minin 12:18

Bɛ̀ á boe la a n zɛnaa, bɛ̀ a bɔ ka dinin li wa, ka n doa là nyantoro goã ka bii ka min tumaa nɛ.

Rɔmu minin 14:19

Sii mɛn bɛ́ toɛ, wɔ goã là nyantoro la kun, wɔ n dɔ kɔn lɛ, wɔ pàã yɛ kun golee Lawa li gɔ́ɔ̃ nɛ, ka daa wɔ n doa wɔ ga bɛ li.

Rɔmu minin 15:13

Lawa mɛn bɛ́ foo-doa koe, a din die a foo kɔɔ̃nbaa kɔ ka la, ka là nyantoro ne, kaa golee a din li lɛ gɔ́ɔ̃ nɛ. Màn mɛn bɛ́ toɛ, kaa foo-doa lɛ pàã gole kɔ, Yiri Fu pàã barka nɛ.

Rɔmu minin 15:33

Lawa mɛn bɛ́ là nyantoro koe, bɛ die a goã kun ka tumaa nɛ. A n baa wɔ-n miɛ̃.

Rɔmu minin 16:20

Kànaa ka boɛɛn nɛ, là nyantoro-kɔle Lawa á re *Sɛtaan tuturi ka gòã giulun. Wɔa Dɛnaa Yezu a bǐɛ̃ die a goã kun ka nɛ!

Korɛnti1 1:10

Ma dɔɔ̃nɔn lɛn, man ka nyankoe, ka wɔa Dɛnaa Yezu Krita tɔ nɛ, máa ka kɔn ma, ka nyan toa tatala kɔn yɛ ka bii wa. Ka toa ka goã doa-n kɔn ka taasiɛ goon ne, ka yiri goon ne.

Korɛnti2 1:4

Lawa din nə ma foo taɛ̃ maa fuu-yɛ tumaa gɔ́ɔ̃ nɛ. Ma foo tãbaa mɛn yɛ a din li, a n mà ma boo la ma fuu-yɛlen tumaa foo taã ka bɛ lɛ nɛ.

Korɛnti2 13:9

Bɛ̀ ma á pàãwɛɛnaa lɛa, kasɛn nə́ kaka, ma foo á kɔɔ̃nɛ. Maa Lawa nyankɔ ǹ mìi á ke: Man máa ka min lɛ-piɛ̃ wolen baa goleemali gɔ́ɔ̃ nɛ.

Efɛɛzi minin 4:12

A na á zɛnaa miɛ̃, mà ǹ Lawa a zaman minin yɔrɔ bɔ, ǹ nə ǹ Lawa-nyankɔlebaa ǹ dí nya, Lawa a sɔmɔ mɛn bɛ́ Krita gɔ̀nɔn lɛa, ǹ bɛ gole kɔ nɛ goleemali gɔ́ɔ̃ nɛ.

Efɛɛzi minin 4:3

Yiri Fu bɛ́ ka doɛ kɔn ka là nyantoro mɛn nɛ, á n ka biɛ goon, ka n doa ka bɛa goonbaa lɛ tamaa.

Efɛɛzi minin 6:23

Wɔ Di Lawa laanka wɔa Dɛnaa Yezu Krita die ǹ là nyantoro kɔ wɔ dɔɔ̃nɔn lɛn tumaa la, ka kɔn-narɛɛ nɛ, ka goleemali ni.

Filipi minin 1:27

Sɛnɛ, giã ǹ gɔn mɛn bɛ́ woe kun ka Krita a Boo Tii Kɔɔ̃n kɛ nɛ, ka toa ka kɔ bɛ lɛ. Ka bɛ nɛ, ta má daa n yii kɔ ka li, ta ma banban, Boo Tii Kɔɔ̃n bɛ́ goleemali mɛn koe, a n siĩni ma ka boo ma, mà ka tá bɛ gɔ́ɔ̃-n taãn-taãnɛ, mà ka n kun ka taasiɛ goon ne, ka n yɔ boe kun ka foo goon ne.

Filipi minin 3:16

Ta á n baa lɔn, ka daa wɔ n ta nyɛɛnɛ, a kɔnpɛ ka wɔ bɛ́ wɔ́ kɔ zii mɛn lɛ, á dɔ pelo ǹ ganaa.

Filipi minin 4:2

Nsɛ Evoodii laanka Sintisi ni, man ka nyankoe, man ka gòã kuĩ, máa kaa tá kun ka Dɛnaa-n kɛ gɔ́ɔ̃ nɛ, ka n doa ka kɔn ma.

Filipi minin 4:4

Ka n nyɛnyaa kaa tá kun ka Dɛnaa-n kɛ gɔ́ɔ̃-n baraabaraa! Man wusii pii, máa ka n nyɛnyaa!

Filipi minin 4:9

Ka màn mɛn yɛ masɛ li, ká n daraa a ganaa, ka ma lɛ ma boo mɛn diɛ, ká ma yɛ a sii zɛnɛɛ, ka toa ka bɛ tumaa a sii zɛnaa. Bɛ̀ á n baa miɛ̃, Lawa mɛn bɛ́ là nyantoro koe wɔ la, bɛ á re goɛ̃ kun ka nɛ.

Tesaloniki1 3:10

Wɔ ǹ Lawa-nyankoe penleen laanka tèlò ne bɛ̀ wɔ n laa a ganaa, wáa a toa wɔ yii wusoo a kɔn yɛ, màn mɛn bɛ́ kaa golee Lawa li nyaabiɛ, wɔ boo la wɔ bɛ lɛ pã.

Tesaloniki1 4:1

Bɛ tumaa woo a n tiləə, dɔɔ̃nɔn lɛn, ka doamaa bɛ́-n ka tɔ wɔ lɔn, ka sii tɔn kɔɔ̃n kɔ Lawa ganaa, wɔ́ ka daraa bɛ ganaa. Sonbore, ka n tɔ we miɛ̃; sɛnɛ sisia, wɔ ǹ ka nyankoe parsiini ka wɔa Dɛnaa Yezu tɔ nɛ, wáa ka n doa ka wusoo ka màn da li.

Tesaloniki1 4:18

Ka kɔn foo wɔraa ka bɛa boon lɛn nɛ.

Tesaloniki1 5:13

Ka ǹ guguru kɔ parsiini ka kɔn-narɛɛ nɛ, ǹ nya ǹ dí lɛ taman yii. Ka giã kun ka là nyantoro ne.

Tesaloniki1 5:16

Ka n nyɛnyɛɛ biikoo tumaa li.

Tesaloniki1 5:23

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa.

Tesaloniki2 2:16

Wɔ Di Lawa wɔ narɛ, á bǐɛ̃ kɔ wɔ ganaa á foo-doa kaka kɔ wɔ la, ka bɛ nɛ, á wɔ foo taã biɛ̃ ǹ taman yii.

Tesaloniki2 3:1

Bɛ tumaa kio, dɔɔ̃nɔn lɛn, ka Lawa nyankɔ wɔa lɛa, màn mɛn bɛ́ toɛ, Dɛnaa a boo kɛ wo nyɛɛnɛ, a guguru kɔ, ka a bɛ́ n zɛnɛɛ ka li lɔn.

Tesaloniki2 3:16

Dɛnaa mɛn din bɛ́ là nyantoro kɔle lɛa, a dinmaa die a là nyantoro kɔ ka la, biikoo tumaa li ka yɔrɔ din tumaa nɛ. Dɛnaa die a goã ka dinin tumaa li.

Timote2 2:22

N bɔ tɔntɔraabaa ǹ foo sii babaraan wɔlɔ li. Min mɛnɛn bɛ́ Dɛnaa tɔ bíi ka gɔ́ɔ̃ fubaa nɛ, n doa n ga peperebaa laanka goleemali li kun ka bɛn nɛ, ka kɔn-narɛɛ laanka là nyantoro ne.

Ebrəə 12:14

Ka n doa ka ga là nyantoro li ka bii ni, ka min din tumaa nɛ, ka *yoreenbaa nɛ. Bɛ̀ bɛ gòɛ̃ ba a-n wa, min kɔ́n ba Dɛnaa yii wa.

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,

Zaaki 1:4

Sɛnɛ, ka toa kaa sii simaa yɛ foaãnɛ, màn mɛn bɛ́ toɛ, kaa sii lɛ pã a dɔ a lɛ dan ganaa, sii kɔ́n baran ka bɔ a ka daa wa.

Piɛrɛ1 3:11

A n bɔ sii baraa zɛnaa wɔlɔ li, a sii bǐɛ̃ zɛnaa. A ga là nyantoro li, a baa si a kio.

Piɛrɛ1 3:8

Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Sii-nyaan 22:21

Wɔa Dɛnaa Yezu a bǐɛ̃ die a goã ka tumaa li.