Korɛnti2 11:31 - LAWA A BOO SONBORE 2011

³¹ Barka tá Dɛnaa Yezu ǹ Di Lawa ganaa yǎa duduu! A din tá doɛ̃ mà ma a soɛ boe wa.

LAWA A BOO SONBORE

³¹ Barka tá Dɛnaa Yezu ǹ Di Lawa ganaa yǎa duduu! A din tá doɛ̃ mà ma a soɛ boe wa.

Korɛnti2 11:31 ပူးပေါင်းရင်းမြစ်များ

Nehemii 9:5

Bɛ kio, Levii tɔrɔn kɛn, Zozoe ne, Kadimiyeli ni, Banii ni, Hasabunia nɛ, Serebia nɛ, Hodiya nɛ, Sebania nɛ, ka Petayaa nɛ, bɛn nə́ pɛ: «Ka yoo lon, ka barka da kaa Lawa, Dɛnaa Lawa lɛ nɛ yǎa duduu!» Zaman lɛ tɔn pɛ: N tɔ guguru kɛ die a n saa lon, tɔ mɛn bɛ́ màn tumaa mìi la, a miã ná a banban.

Loen 41:13

N nə́ n dɔ ma lɛ, maa zɛ̀rɛbaabaã taman yii, biikoo tumaa li, n din nə ma tamaɛ n din yɔrɔ-a.

Zaã a sɛ́wɔ 10:30

Ma laanka maa Díi ni, wɔ n goon toto.»

Zaã a sɛ́wɔ 20:17

Yezu tɔ́n pɛ nɛ: «N baran n gɔn paraa masɛ ganaa wa! A giala, ma bie zii la woe maa Díi li bɔrɔ wa. Sɛnɛ, wo pɛ ma dɔɔ̃nɔn manɛ mà ma á re dii ma wo maa Díi li kəni, ǹ mɛn lɛ bɛ́ ka dɔn Díi lɛa, ma á re woe Lawa li kəni, ǹ mɛn lɛ bɛ́ ka dɔn Lawa lɛa.»

Rɔmu minin 1:25

Lawa màn mɛn da, maǹ bɛ guguru koe, sɛnɛ, Lawa din mɛn bɛ́ màn lɛ a diɛ wole lɛa, ǹ ba bɛ guguru koe wa. Haalɛ ka bɛ yii ni, Lawa tɔ n goɛ̃ guguru miɛ̃ yǎa duduu. A n miɛ̃! Ǹ bɛ́ ǹ nə́ Lawa a sonbore kɛ dɔ̃, ǹ ná a lonkɔ ka soɛ nɛ.

Rɔmu minin 1:9

Biikoo tumaa waáraa, bɛ̀ ma á Lawa nyankoe, ma nə n yiri koɛ ka nɛ. Ma na a nyankoe Lawa lon, máa a zii kɔ ma la, ma da bɔ ka li sisia. Lawa á doɛ̃ mà boo taãn nɛ ma á diɛ. Ma bɛ́ dí nyɛɛ asɛ Lawa mɛn nɛ, ka ma foo din tumaa nɛ, ma ná a Nɛgiĩ Yezu kɛ boo pii min tumaa nɛ, a din nə maa siére lɛa.

Rɔmu minin 15:6

Màn mɛn bɛ́ toɛ, ka wɔa Dɛnaa Yezu Krita n Di Lawa lɛ guguru kɔ, ka gɔ́ɔ̃ goon ne, ka lɛn goon ne.

Rɔmu minin 9:1

Masɛ Pooli, man *Krita wɔ lɛa, man taãn pii, ma a soɛ boe wa. Yiri Fu bɛ́ boo diɛ ma nɛ ma yiri mɛn nɛ, bɛ dɔ n pii ma nɛ, mà sonbore ne ma á re pii.

Rɔmu minin 9:5

Ǹ dinin lɛn man wɔ digolo Abrahamu laanka Izaaki ka Zakɔba a nɛnyaanan lɛa. Haalɛ wɔ Nyin-sili Yezu Krita dɔ dinmaa lɛ nə ǹ dinin tɔrɔ min lɛa, gɔ̀nɔn siĩ wɔ gɔn la. Krita lɛ n Lawa lɛa, a din nə màn tumaa mìi la. Gugurubaa na a wɔ lɛa yǎa duduu. A n miɛ̃!

Korɛnti2 1:23

Lawa n maa siére lɛa; bɛ̀ má soɛ bɔ, a ma nyin papaã. Man máa ma a die ka yii wɛ̃ wa, bɛ lɛ-n má pɛ máa ma a die Korɛnti bɔrɔ wa.

Korɛnti2 1:3

Ma á fòo diɛ Lawa nɛ, asɛ mɛn bɛ́ wɔa Dɛnaa Yezu Krita ǹ Di lɛa. A din nə Díi lɛa wɔ makara doɛ̃. A din nə Lawa lɛa ma foo taɛ̃ sii tumaa gɔ́ɔ̃ nɛ.

Korɛnti2 11:11

Bɛ giala mà wàa? Man ma a ka narɛ wa? Lawa din tá doɛ̃ mà ma á ka narɛ.

Galaasi minin 1:20

Ma bɛ́ boo mɛn diɛ ka-n ke, man diɛ Lawa din yɔrɔ-a, ma bie soɛ boe wa.

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Efɛɛzi minin 3:14

Bɛ lɛ n toɛ, ma á miɛ ma musi la Díi Lawa yɔrɔ-a.

Kolɔɔsi minin 1:3

Biikoo tumaa li, bɛ̀ wɔ á Lawa nyankoe kaa lɛa, wɔ n barka diɛ wɔa Dɛnaa Yezu Krita ǹ Di Lawa nɛ.

Tesaloniki1 2:5

Wɔ bin lɛn bebele ǹ boo da min kɔ́n nɛ wa, ka dinin tá bɛ doɛ̃. Wɔ bìn da ka ga là li ǹ taasiɛ-n wɔ gɔ́ɔ̃-n wa. Lawa n wɔa siére lɛa.

Timote1 1:11

Màn mɛn bɛ́ kɔnpii ka Boo Tii Kɔɔ̃n kɛ nɛ, á n kɔ ma la, bɛ lɛ n ka bɛ nɛ. Lawa mɛn bɛ́ gugurubaa ná a lon, a sii tumaa lɛ n piɛ̃ nɛ, bɛ lɛ a boo ne.

Timote1 1:17

Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Timote1 6:16

A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Piɛrɛ1 1:3

Ka daa wɔ barka da Lawa nɛ, wɔa Dɛnaa Yezu Krita n Di Lawa nɛ! Lawa din a bǐɛ̃baa gole kɛ taman yii, á yiikoonaabaa dii kɔ wɔ la, a n foo-doa sonbore dɔ koe wɔ la. Bɛa foo-doa kɛ lɛ giala n we-n Yezu Krita a yii kaa a bɔ geren bii kɛ ganaa.