Korɛnti2 11:23 - LAWA A BOO SONBORE 2011

²³ Maǹ Krita a dí-nyalin lɛa? Bɛ̀ á bɛ baa dinin, masɛ á bɛ lɛa má la ǹ nɛ; man boo diɛ ka min mɛn bɛ́ a yiri papaã ka lenlen. Man pii: Nɔmaa gɔ́ɔ̃ nɛ, maa wɔ la ǹ wɔ nɛ, kòso wɔ gɔ́ɔ̃ nɛ, maa wɔ la ǹ wɔ nɛ, duwəə gɔ́ɔ̃ nɛ, maa wɔ la ǹ wɔ-n duduu, sii gɔgɔrɛ mɛn bɛ́ min nə́ boe la a gã a gɔ́ɔ̃ nɛ, bɛ́ ma yɛ gunyin damata.

LAWA A BOO SONBORE

²³ Maǹ Krita a dí-nyalin lɛa? Bɛ̀ á bɛ baa dinin, masɛ á bɛ lɛa má la ǹ nɛ; man boo diɛ ka min mɛn bɛ́ a yiri papaã ka lenlen. Man pii: Nɔmaa gɔ́ɔ̃ nɛ, maa wɔ la ǹ wɔ nɛ, kòso wɔ gɔ́ɔ̃ nɛ, maa wɔ la ǹ wɔ nɛ, duwəə gɔ́ɔ̃ nɛ, maa wɔ la ǹ wɔ-n duduu, sii gɔgɔrɛ mɛn bɛ́ min nə́ boe la a gã a gɔ́ɔ̃ nɛ, bɛ́ ma yɛ gunyin damata.

Korɛnti2 11:23 ပူးပေါင်းရင်းမြစ်များ

Zeremii 36:5

Zeremii tɔn zii kɔ Baruku la á pɛ kɛnɛn: «Ma dinmaa a boe la ma wo Lawa a kion wa.

Nya ǹ dín 14:19

Sɛnɛ, Zuifun kɔnɔn nə́ bɔ Antiɔsi kiwi Pisidii gána nɛ ka Ikoniɔmu kiwi ni, ǹ nə́ zaman lɛ baã, ǹ nə́ kaa kunun ǹ dinin ni. Ǹ nə́ Pooli dɛ ka kɔlɔ nɛ mà a gã, bɛ kio, ǹ nə́ giɛraa ǹ nə́ woo daa kiwi lɛ lɛkoro-a, a giala maǹ nə́ goã taasɛ mà á gã.

Nya ǹ dín 20:23

Sɛnɛ, ma bɛ́ màn mɛn dinsɔɔ̃ doɛ̃, Yiri Fu n nyɛɛ ma nɛ kiwi gogoonmaa nɛ, mà kòso a nɔmaa nə n yii diɛ ma la walan.

Nya ǹ dín 21:11

A bɛ́ á daa wɔ yaa, á Pooli a maabɛlɛ si, a ná a din gòãn laanka a gɔnɔn yii ni, á pɛ: «Á ke, Yiri Fu n pii kɛnɛn. Maabɛlɛ kɛ bɛ́ min mɛn wɔ lɛa, Zuifun man die bɛa dɛnaa yii kɛnɛn Zeruzalɛmu, ǹ wɔ tɔrɔ kɔsɔn gɔn.»

Nya ǹ dín 25:14

Ǹ bɛ́ ǹ nə́ lɛawaa paa bɔ, Fɛstusu Pooli a sii lɛ boo da kii Agripaa nɛ: «Giĩ goon tá kànaa, má daa yaa Feliksi toa kòso-n.

Nya ǹ dín 27:1

Ǹ bɛ́ ǹ nə́ pɛ, mà wɔ n die we tà kuru ǹ goo ne wɔ wo Italii gána nɛ, ǹ nə́ Pooli laanka kòso nɛn kɔsɔn kɔ sɔraasin kuru mìilandɛnaa goon la, a tɔ n Zulusu. Sɔraasin kuru mɛn bɛ́ Kii Gole kɛ tɔ ná a ganaa, bɛa goledɛnaa nɛ.

Nya ǹ dín 28:16

Wɔ bɛ́ wɔ́ dɔ Rɔmu kiwi, ǹ nə́ lɛ kɔ mà Pooli kion saa, sɛnɛ, sɔraasi goon na á goã a lɛduĩ.

Nya ǹ dín 28:30

Pooli kion goon saa á giã a nɛ yǎa lɛ̀ paa ka buri. Minin mɛnɛn tumaa goã die n yii koe a ganaa, a na á goã kɔn yii ka bɛn nɛ walan.

Nya ǹ dín 9:16

A bɛ́ re fuu mɛn yii masɛ tɔ kɛ a lɛa, masɛ dinmaa á re bɛn nyɛɛ nɛ.»

Rɔmu minin 8:36

A tá kiɛ̃ nɛ Lawa a boo ne kɛnɛn: «A din a lɛa, maǹ wɔ dii lɛawaa tumu gɔ́ɔ̃ nɛ. Maǹ giɛ wɔ ganaa tɔɔn lɛa, ǹ nə́ woe màn mɛnɛn bɔlɔ kuri.»

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Korɛnti1 3:5

Kasɛn gɔ́ɔ̃ nɛ, mà Apolɔɔsi n wàa lɛa? Pooli dɔ n wàa lɛa? Wɔ ǹ dí-nyali kooron lɛa, wɔ́ ka kaa goleemali ni. Dɛnaa màn mɛn kɔ wɔ gogoonmaa la, didie na á bɛ lɛ nyaa ka nɛ.

Korɛnti1 4:1

A bɛ́ miɛ̃, wɔsɛn man dien lɛa ka yii li? Ka ǹ kɔnboe ka ga wɔ ganaa *Krita a dí-nyalin lɛa, Lawa a sonbore duriin kɛn man tamaa-n wɔ li.

Korɛnti1 4:11

Haalɛ sisia, wɔ ǹ fuu yii bòo gɔn ka mu boro ne. Mɔnaa ba wɔ lon ma, maǹ wɔ dii dɔn. Wɔ n boe kànaa, wɔ wo kànaa, wɔa kion banban.

Korɛnti1 4:9

A tá ma yiri ni, máa wɔsɛn mɛnɛn bɛ́ Yezu a dia dí-a wolen lɛa, Lawa na á bǎã tumaa a giala-nyɔmɔɔ kɔ wɔsɛn la. Wɔ n ka kiri bɛ́ á min mɛnɛn kũ, ǹ nə́ die ǹ dii zaman tumaa yɔrɔ-a. Á wɔ baa gayon wɔ ǹ mànan lɛa kanaa tumaa yɔrɔ-a, lon a dia dí-a wolen ne ka minbuiinin ni.

Korɛnti2 10:7

Ka ga siin ganaa doɛ̃. Bɛ̀ bɛ nɛ, bɛ̀ min mɛn golee li mà asɛ n Krita wɔ lɛa, ǹ dɛnaa nə n yiri koa kɛ li gɔrɔ. Masɛ dɔ n Krita wɔ lɛa ka a dɔ bɛ́ lɔn.

Korɛnti2 11:5

A tá ma yiri ni, máa masɛ a nyaabaa nɛ bɛa dia dí-a wole gɔ̀lɔ̀ dadaran kɛn lɛn-a wa.

Korɛnti2 3:6

A din na á pàã kɔ ma la, mà ma lɛ kɔ kɔn la dii kɛ lɛ nyaa minin ni ǹ dɔ̃. Bɛa lɛ kɔ kɔn la dii kɛ lɛ bie landa sɛ́wɔ wɔ lɛa wa, sɛnɛ, Yiri Fu wɔ nɛ. A giala, Landa á min dii, sɛnɛ, Yiri Fu sɛn yiikoonaabaa koe min la.

Korɛnti2 4:11

Sonbore, maa yiikoonaabaa gɔ́ɔ̃ nɛ, man we-n gɛ̀ gɔn baraabaraa Yezu a lɛa, ń giɛ Yezu a yiikoonaabaa kɛ tá n din nyɛɛ ma gɔ̀nɔn gɛ̀-wɔle kɛ nɛ.

Korɛnti2 6:9

Ka manə ǹ ba ma doɛ̃ wa, a da yaa ǹ tumaa dɔ n ma doɛ̃. Ka gere n ma nɛ, a da yaa ma yii dɔ n koo, ka ka yii bɛ́ a ganaa lɔn. Maǹ dɔlɔ boe ma ganaa, ǹ nə́ ǹ ba toɛ ma gã dɔn wa.

Galaasi minin 6:17

Kɛ kio, kɛ nyɛɛnɛ, min kɔ́n nyan nɔmaa ǹ sii zɛnaa ma-n doo wa. A giala, nyaǹan mɛnɛn bɛ́ ma gɔ̀nɔn ganaa, bɛn man nyɛɛ mà Yezu a bɛ̀rɛ n ka ma nɛ.

Efɛɛzi minin 3:1

Bɛ lɛ taman yii, masɛ Pooli n Lawa nyankoe ka a lɛa. Masɛ n kòso-n Yezu *Krita taman yii, maa dí nya kasɛn tɔrɔ kɔsɔn nɛ kɛ a lɛa.

Efɛɛzi minin 4:1

Masɛ n kòso nɛ lɛa, maa Dɛnaa Yezu a dí-nyalibaa a lɛa. Man ka nyankoe, máa ka giã doɛ̃, a kɔnpɛ ka Lawa á ka bíi ǹ mìi kɛ nɛ.

Efɛɛzi minin 6:20

Man Boo Tii Kɔɔ̃n kɛ lɛ a sii yɔrɔ-bɔle lɛa, a laanɛ ma á kòso-n sisia. Ka Lawa nyankɔ mà ma boo la, ma a boo da ka foo tãbaa nɛ, ka ma bɛ́ kɔnboe ma zɛnaa lɔn.

Filipi minin 1:13

A na á n baa miɛ̃, goledɛnaa a kion gole kɛ a garadin ni, ka min kɔsɔn tumaa dɔ̃ kanna, mà maǹ nə́ ma da kòso-n, a giala mà man dí nyɛɛ Krita nɛ.

Filipi minin 2:17

Bɛ̀ a n doa wa, bɛ̀ má gɛ̀-wɔle baa, ma mà á re goɛ̃ kun ka kaa *wúlu màn kɛ nɛ, ka n koe Lawa la ka goleemali ni. Bɛ̀ bɛ́ taãn baa, ma foo n die kɔɔ̃n koe, ma ka dɔn tumaa gii da maa foo kɔɔ̃n kɔ kɛ nɛ.

Kolɔɔsi minin 1:24

Sisia kəni, ma bɛ́ fuun mɛnɛn yii ka a lɛa, ma nə n nyɛnyɛɛ bɛn gɔ́ɔ̃ nɛ. A giala, bɛa yɔrɔ kɛ lɛ la, man fuu yii ma din gɔ̀nɔn nɛ Krita gɔ̀nɔn kɛ a lɛa, bɛ giala, mà Lawa a sɔmɔ a lɛa. Wɔ doamaa bɛ́-n wɔ nɔmaan mɛnɛn wɔ kun ka Krita nɛ, ma dɔ nə n doɛ, ma á bɛn sii ma ganaa ma tá ǹ lɛ piɛ̃.

Kolɔɔsi minin 1:29

Maa doa parsiini lɛ mìi n ka bɛ nɛ. Ma bɛ́ dí mɛn dɔ nyɛɛ ka Krita pàã kɛ nɛ, a nə́ n doe ma lɛ taãn-taãnɛ, bɛ lɛ dɔ mìi n ka bɛ nɛ.

Tesaloniki1 3:2

má ma dɔɔ̃n Timote dia ka li. A dɔ n Lawa a dí nyɛɛ ka masɛ bɛ́ lɔn, á n Boo Tii Kɔɔ̃n pii *Krita wɔ gɔn la. Man má dia ka li, máa a ka gù we yii, a ka foo taã kaa goleemali gɔ́ɔ̃ nɛ,

Timote1 4:6

N doa n dɔɔ̃nɔn lɛn daraa bɛ tumaa ganaa. Bɛ̀ n zɛnaa miɛ̃, n tá re Yezu *Krita a dí-nyali sonbore biɛ. N bɛ́ n kɔ goleemali boon laanka daraa sonbore mɛn lɛ ka n parsii ni, n din telenboen too ka bɛn lɛn nɛ.

Timote2 1:16

Dɛnaa die a na a makara-doɛ̃ nyaa Onezifɔɔrɔ a kion minin manɛ, a giala, á goã bɛ̀ a da bɔ ma li, a ma foo taã. Maa da-kòso-n kɛ sìi da a ganaa wa.

Timote2 1:8

Bɛ lɛ taman yii, n doa n siére pɛ Dɛnaa wɔ gɔn la, n baran sìi kɔ wa. Masɛ mɛn dɔ bɛ́ kòso nɛ lɛa a din lɛ taman yii, ma dɔ a sii baran sìi da n ganaa wa. Sɛnɛ, lɛ kɔ nɔmaa ganaa ka masɛ bɛ́ lɔn, Boo Tii Kɔɔ̃n kɛ a lɛa, Lawa á die a sii simaganaa ǹ pàã koe n la.

Timote2 2:9

Bɛa Boo Tii Kɔɔ̃n kɛ lɛ a lɛa nɛ, ma á nɔmiɛ, minin nə́ fɔlɔ biɛn kiɛ ma ganaa, ka man má sii la. Sɛnɛ, ǹ bɛ́ ǹ nə́ masɛ yii lɔn, Lawa a boo bɛ́ a yii-n miɛ̃ wa!

Timote2 3:11

Ǹ fuu mɛn nyaa ma nɛ, ma nɔmaa mɛn wɔ, n tá bɛ dɔ doɛ̃. Sii mɛn tumaa ma yɛ Antiɔsi kiwi, Ikoniɔmu ni, ka Listrə ne, n bɛn tumaa yɛ. Bɛ̀ ń pɛ mà fuu, má yɛ. Sɛnɛ, Dɛnaa ma bɔ a din tumaa gɔ́ɔ̃ nɛ.

Filemɔn 1:9

Sɛnɛ, ma a re zɛnɛɛ miɛ̃ wa, màn mɛn bɛ́ soɛ, man die n nyankoe ka sii goon ne, wɔ bii gɔ́ɔ̃ ǹ kɔn-narɛɛ kɛ a lɛa. Masɛ Pooli nə n nyankoe, masɛ mɛn bɛ́ giĩ gole lɛa, ka bɛ dɔ nɛ, man kòso-n sisia Yezu Krita a lɛa,

Ebrəə 10:34

Sonbore, ká kaa wɔ gii yɛ kòso nɛn fuu ni. Ǹ nə́ ka gɔn mànan si ka la, ká lɛ kɔ bɛa mànan kɛn lɛn woo ganaa ka nyɛnyɛɛ nɛ, a giala, ká dɔ̃ mà naforo sonbore nyabaã wolen tá ka lon.