Korɛnti2 11:22 - LAWA A BOO SONBORE 2011

²² Bɛ̀ maǹ *Ebrəən lɛa? Masɛ dɔ na a lɛa. Bɛ̀ maǹ Izirayeli minin lɛa? Masɛ dɔ na a lɛa. Bɛ̀ maǹ Abrahamu tɔrɔn lɛa? Masɛ dɔ na a lɛa.

LAWA A BOO SONBORE

²² Bɛ̀ maǹ *Ebrəən lɛa? Masɛ dɔ na a lɛa. Bɛ̀ maǹ Izirayeli minin lɛa? Masɛ dɔ na a lɛa. Bɛ̀ maǹ Abrahamu tɔrɔn lɛa? Masɛ dɔ na a lɛa.

Korɛnti2 11:22 ပူးပေါင်းရင်းမြစ်များ

KZS2 20:7

N dinmaa n wɔa Lawa lɛa. N din nə́ n gána kɛa minin loo bɛ̀ n zaman Izirayeli á ke die, n bɛa gána lɛ kɔ n giaára Abrahamu a kion minin la duduu wɔ lɛa.

Bɔ bɛ̀rɛbaa nɛ 10:3

Muizu laanka Aarɔn woo wɔ Faarahɔn li, ǹ nə́ pɛ-n kɛnɛn: – Dɛnaa lɛ, Ebrəən Lawa lɛa, bɛ n kɛ pii: «N nə n die n piɛ̃ ka din gisiĩ-n masɛ Lawa yɔrɔ-a yǎa biĩ doo? A toa maa zaman lɛ soo, a wo dí nya ma nɛ.

Bɔ bɛ̀rɛbaa nɛ 3:18

Izirayeli a min golen lɛn tá re n too koe ka lon, ǹ laanka n din tá re woe Ezipti gána a kii lɛ li, ka pɛ-n kɛnɛn: «Dɛnaa lɛ, Ebrəən Lawa lɛa, bɛ na á n din nyaa wɔsɛn manɛ. Kanna, wɔ doamaa nɛ wɔ lɛawaa sɔɔ zii tɔ wɔ, wɔ wo don bii, wɔ *wúlu mànan bɔ wɔa Dɛnaa Lawa nɛ.»

Bɔ bɛ̀rɛbaa nɛ 5:3

Ǹ nə́ pɛ-n kɛnɛn: «Ebrəən Lawa lɛ na á n din nyaa wɔsɛn manɛ, wɔ doamaa nɛ wɔ lɛawaa sɔɔ zii tɔ wɔ don bii, wɔ *wúlu màn bɔ wɔ kɔ wɔa Dɛnaa Lawa la. Bɛ bie wa a tɔn toa piɛ̃ busu, hinlaa zia da bɔ̀n da wɔ ganaa kooro.»

Bɔ bɛ̀rɛbaa nɛ 7:16

A pɛ Faarahɔn nɛ mà Dɛnaa lɛ, Ebrəən Lawa lɛa, mà bɛ lɛ na á n dia, mà n pɛ nɛ: «Toa maa zaman lɛ soo, a wo dí nya ma nɛ don bii.» Sɛnɛ, n tɔn lɛ kɔ ka pelo yii-n wa.

Bɔ bɛ̀rɛbaa nɛ 9:1

Dɛnaa pɛ Muizu-n doo: – Wo wɔ *Faarahɔn li, n pɛ nɛ: «Dɛnaa lɛ, Ebrəən Lawa lɛa, a n pii: Toa maa zaman lɛ soo, a wo dí nya masɛ nɛ.

Bɔ bɛ̀rɛbaa nɛ 9:13

Dɛnaa pɛ Muizu-n kɛnɛn doo: – Yoo baayɛlɛ yiisoo, n wo Faarahɔn yɔrɔ-a, n pɛ nɛ: Dɛnaa lɛ, Ebrəən Lawa lɛa, bɛ n pii: «Toa maa zaman lɛ soo a wo dí nya ma nɛ.

Matiə 3:9

Ka n taasɛ mà Abrahamu bɛ́ ka digolo lɛa, mà sii kɔ́n ba boe la a kasɛn yɛ wa. Ka baran n dinin bebele wa dɛ! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

Nya ǹ dín 22:3

Pooli pɛ: – Man Zuifu lɛa, man má yɛ Tarsi kiwi, Siliisii gána nɛ, sɛnɛ, man má gole kɔ kiwi kɛ lɛ nɛ kànaa, man má daraa wɔ Gamalieli lon, á kɔnpɛ taãn-taãnɛ ka wɔsɛn digolon landa nɛ. Lawa sii na á goã kaka ma gɔn parsiini, ká a bɛ́ kaka ka dɔn gɔn pelo lɔn ke.

Nya ǹ dín 6:1

Bɛa biikoo kɛ lɛ li, màn mɛ Yezu a kialandɛnan lɛn li, ǹ nə́ mɔnaa. Zuifun mɛnɛn nə́ bɔ bǎã kɔsɔn nɛ, ǹ nə́ Grɛki bɔlɔ pii, bɛn nə́ goã gungunun sii gána gɔ́ɔ̃ wɔn kɛn ganaa, a giala, mà maǹ màn-bii gii baraabaraa, ǹ ba ǹ lɔ giɔɔrɔn goe taãn wa.

Rɔmu minin 11:1

Man nɔ̀n diɛ kəni: Lawa na á ná a din a tɔrɔ kɛ daa? Haayii dɛ! A giala, ma dinmaa lɛ n Izirayeli min lɛa, Abrahamu a nɔ̀ɔn nə ma nɛ, man Bɛnzamɛn tɔrɔ lɛa.

Rɔmu minin 9:4

Ǹ dinin lɛn man Izirayeli minin lɛa, maǹ Lawa din a tɔrɔ lɛa, á ǹ bɔ a nɛnyaanan lɛa, a ná a din a gugurubaa kɛ nyaa ǹ nɛ. A na á lɛ kɔ kɔn la wɔ ka ǹ dinin ni, a ná a dí-pɛn kɔ ǹ la, a ná a din guguru kɔ ǹ gɔn nyaa ǹ nɛ, á n lɛ kɔ ǹ la gunyin damata ka kirisibaa ǹ boo ne.

Galaasi minin 3:16

Lawa na á lɛ-kɔ ǹ boon da Abrahamu ni ka a tɔrɔ nɛ. A bie á pɛ mà "ka a tɔrɔn nɛ", ka n pɛ mà a n min gigiã ganaa wa. Sɛnɛ, mà "ka a tɔrɔ nɛ". A n min goon toto nyɛɛ, bɛ n ka Krita nɛ.

Filipi minin 3:5

Maǹ nə́ masɛ kuru maa yɛ lɛawaa kiwisibaa ǹ wɔ pinaa, má yɛ Izirayeli min lɛa Bɛnzamɛn tɔrɔ lɛa, *Ebrəə goarɛ n ka ma nɛ. Bɛ̀ Zuifun landa dɔ wɔ a paǹ nɛ, man má goã *Fariziɛ̃ lɛa sɔɔ̃nɛ.