Korɛnti2 11:13 - LAWA A BOO SONBORE 2011

¹³ Bɛa minin kɛn lɛn ba dia dí-a wole taãnan lɛa wa. Maǹ soɛ boe ka ǹ nya ǹ dí ni, ǹ nə́ n dinin biɛ Krita a dia dí-a wolen lɛa.

LAWA A BOO SONBORE

¹³ Bɛa minin kɛn lɛn ba dia dí-a wole taãnan lɛa wa. Maǹ soɛ boe ka ǹ nya ǹ dí ni, ǹ nə́ n dinin biɛ Krita a dia dí-a wolen lɛa.

Korɛnti2 11:13 ပူးပေါင်းရင်းမြစ်များ

Zeremii 23:16

Dɛnaa Lawa Pàãyiidɛnaa pɛ: Ka nyan nə n too kɔ Lawa a boo gii-dalin kɛn lon wa. Maǹ ka yiri siɛ̃. Ǹ bɛ́ boo mɛn diɛ, ǹ dinin taasiɛn manɛ. Masɛ a boon bie wa.

Zeremii 27:14

Lawa a boo gii-dali tɛnɛn man pii ka nɛ: «Ka a re goɛ̃ Baabiloniin kii a pàã giulun wa.» Ǹ bɛ́ boo mɛn diɛ, soɛ nɛ. Ka nyan nə n too kɔ ǹ lon wa.

Matiə 25:24

Bɛ tumaa kio, sana kuturu goon dɔ min mɛn ganaa, bɛ nə́ n zɔ̃ á dɔ, á pɛ: «Mìinaa, masɛ á doɛ̃ máa n sii á kaka. N bɛ́ n màn tɔrɔ da bǎã mɛn nɛ wa, ma n màn kuri walan. Min kɔsɔn man dí nyɛɛ, nsɛ ná a là boe.

Nya ǹ dín 15:1

Min tɛnɛn nə́ bɔ Zudee gána nɛ ǹ nə́ daa Antiɔsi kiwi. Maǹ Lawa-nyankɔlen darɛɛ mà bɛ̀ ǹ nə n dinin kuru á kɔnpɛ ka Muizu a dí-pɛn kɛn nɛ wa, mà ǹ ba boe la ǹ kirisibaa wa.

Nya ǹ dín 15:24

Wɔ́ ma mà minin kɔnɔn nə́ bɔ wɔ li ǹ nə́ daa ka yiri lɔlɔkɔn ka ǹ daraan nɛ. Wɔsɛn nə ǹ dia wa.

Nya ǹ dín 20:30

Haalɛ ka dinin bii, minin tá re yui, ǹ soɛn bɔbɔ ǹ Lawa-nyankɔlen sã, ǹ nə ǹ kaa ǹ dinin kio.

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Korɛnti2 11:15

Bɛ̀ bɛa dí-nyalin kɛn lɛn dɔn nə́ n bɔyaa, ǹ nə́ n dinin baa dí pepere nyalin lɛa, a sii soree lɛa wa. Sɛnɛ, ǹ giala-nyɔmɔɔ waáraa, ǹ màn mɛn zɛnaa, bɛ lɛ n die doe ǹ ganaa.

Korɛnti2 2:17

Masɛ bie pii koe Lawa a boo ganaa, ka min gigiã kɔsɔn kɛn bɛ́ lɔn wa. Haayii, Krita wɔbaa gɔ́ɔ̃ nɛ, masɛ n boo diɛ ka fubaa nɛ, ka Lawa din tɔ nɛ, a din yɔrɔ-a.

Korɛnti2 4:2

Siin mɛnɛn bɛ́ durii ni, ǹ nə́ sìi diɛ, má n piã ka bɛn nɛ. Ma a sii zɛnɛɛ ma minin yiri sã-n wa, ma a Lawa a boo lɛ bɔbɔyɛɛ wa. Haayii, man Lawa a boo a taãnbaa nyɛɛ minin ni foaãnɛ. Man giɛ li, máa min tumaa nə n foo doa ma ganaa Lawa yɔrɔ-a.

Galaasi minin 1:7

Sonbore, a bie ka Boo Tii Kɔɔ̃n kɔsɔ na a tan wa. Sɛnɛ, man pii ka-n miɛ̃, a giala, minin tan, ǹ nə́ ka yiri lɔlɛkɔn. Boo Tii Kɔɔ̃n mɛn nə n da Krita wɔ paǹ li, maǹ zoɛ̃ mà ǹ bɛ bɔyaa.

Galaasi minin 2:4

A laan wɔ dɔɔ̃n gɔ́ɔ̃ tìtì-an nə́ n lɔlɔkɔn ka wɔ nɛ, ǹ nə́ zɔɔ̃ mà yǎa ǹsɛn nə kuri. Wɔa tá wɔ dinin gɔn wìi a lɛa mɛn bɛ́ boe Yezu *Krita li ke, bɛa minin kɛn lɛn man nə́ wɔ wɔ bii, ǹ nə́ giɛ bɛ giala li, maǹ giɛ li ǹ bɛ giala dɔ̃. Maǹ giɛ li mà ǹ wɔ bɔyaa ǹ wɔ baa Landa a bɛ̀rɛn lɛa doo.

Galaasi minin 4:17

Minin tá n là kakaɛ̃ ka li, sɛnɛ, kaa bǐɛ̃ kɔ a lɛa bie wa. Maǹ giɛ li mà ǹ ka na kɔn ka masɛ nɛ, ń giɛ ka á n là kakaɛ̃ ǹsɛn dinin li.

Galaasi minin 6:12

Min mɛnɛn bɛ́, minbuiinbaa a din nyaa sii nə́ ǹ ganaa, bɛn lɛn man ke mà yǎa ka n kuri. Sɛnɛ, a zɛnaa miɛ̃ giala n ka kɛ dinsɔɔ̃ nɛ: Zuifun baran bɔ ǹsɛn yii ni, Krita a dere ǹ gɔn kɛ a lɛa wa.

Efɛɛzi minin 4:14

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa.

Filipi minin 3:18

Má pɛ ka-n gunyin damata, man wusii ma á pii ka-n kanna ka wuu ni: min gigiã tá tɔn nə n dinin kuĩ Krita a gã gɔn la kɛ a zɔ́ɔn lɛa.

Filipi minin 3:2

Min mɛnɛn bɛ́ sii bɔnɛɛ zɛnɛɛ, ka n yiri kɔ ǹ li, bɛa ginin kɛn, ǹsɛn mɛnɛn bɛ́ zoɛ̃ mà yǎa ǹsɛn nə màn kuri gɔ̀nɔn ganaa!

Kolɔɔsi minin 2:4

Man bɛ pii ka nɛ, màn mɛn bɛ́ toɛ, min kɔ́n baran boo la, a ka yiri sã ka lɛ gɔ́ɔ̃ paparɛ boon ne wa.

Kolɔɔsi minin 2:8

Ka ka dinin kũ, ka baran toa min kɔ́n ka sã ka yiri binbiri bɔ ǹ boon ne wa, minbuiinin landa boon kɛn, màn kɔ́n ná a ba ǹ nɛ wa, kanaa màn pàãdɛnan lɛa, ǹ nə́ ǹ ba doa-n Krita ganaa wa.

Zaã1 2:18

Maa nɛnyaanan lɛn, kanaa a nya dirii! Ká ma mà Krita a zɔ́ɔ doamaa nɛ a daa. Sɛnɛ, ka ga sisia gɔrɔ, Krita lɛ a zɔ́ɔ gigiã nə́ n din nyaa. Wɔ ǹ doɛ̃ ka bɛ nɛ, wáa kanaa lɛ a nya dirii.

Zaã1 4:1

Maa giaáran lɛn, minin mɛnɛn bɛ́ n dinin biɛ Lawa Yiri kɛ a dɛnan lɛa, ka nyan golee bɛn tumaa li wa. Ka n da ǹ gɔ́ɔ̃ li bɔrɔ ka ga ǹ ganaa, bɛ̀ ǹ yiri lɛ n boe Lawa li. A giala, Lawa a boo gii-dali soɛ-bɔlen nə́ mɔnaa kanaa lɛ gɔ́ɔ̃ nɛ.

Zude 1:4

Sonbore, min baraan kɔnɔn nə́ wɔ ka bii ka durii ni, ǹ nə́ wɔa Lawa a bǐɛ̃baa ǹ boo kɛ kɔkɔrɛ, ǹ nə́ sonbore koe ǹ dinin la, ǹ naarɛbaa siin kɛn zɛnaa gɔ́ɔ̃ nɛ. Maǹ nə́ n piɛ̃ ka wɔ Mìinaa laanka wɔa Dɛnaa Yezu Krita dɔ nɛ. Bɛa minin kɛn lɛn, ǹ dɔlɔ bɔ ma ganaa boo nə́ n da haalɛ bibi.

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.

Sii-nyaan 2:2

N sii mɛn tumaa zɛnaa, má dɔ̃, n nə n doa ka yɔrɔ mɛn nɛ, má dɔ̃, n nə n foo kũ ka yɔrɔ mɛn nɛ, má bɛ dɔ dɔ̃. Ma á doɛ̃ máa n ba min baraan sii sii n ganaa doɛ̃ wa. Min mɛnɛn bɛ́ n dinin biɛ maa dia dí-a wolen lɛa, n nə́ n da ǹ gɔ́ɔ̃ li, n dɔ̃ mà soɛ-bɔlen manɛ.

Sii-nyaan 2:20

Sɛnɛ, ma lɛ bɛ́ n li ka sii mɛn nɛ, bɛ á ke: Lɔ kɔrɔ Zezabɛli a sii á kúu biɛ n nɛ, asɛ lɔ mɛn bɛ́ n din biɛ Lawa a boo gii-dali lɛa. A din nə maa dí-nyalin siɛ̃, mà ǹ nə n dinin kɔ kɔrɔbaa la, ǹ dì wúlu bɔ ǹ siĩn dɔn sɔ̃.

Sii-nyaan 2:9

Ma á n fuun doɛ̃, ma á n doobaabaa dɔ doɛ̃, sɛnɛ, ka boo taãn nɛ, n tá pàãma lɛa! Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, bɛn bɛ́ boo baraa mɛn diɛ n wɔ paǹ li, ma á doɛ̃. Maǹ *Sɛtaan a lɛ-kaakun minin lɛa!