Korɛnti2 10:13 - LAWA A BOO SONBORE 2011

¹³ Bɛ̀ masɛ wɔ a lɛa nɛ, ma a re n din laakalɛɛ, a kiɛ̃ ma din a lɛ doa ǹ bǎã la wa. Lawa dí kɔ ma la a ná a lɛ doa maa, bɛ lɛ na á daa ma-n yǎa kaa piɛ, ma a re kiɛ̃ bɛ la wa.

LAWA A BOO SONBORE

¹³ Bɛ̀ masɛ wɔ a lɛa nɛ, ma a re n din laakalɛɛ, a kiɛ̃ ma din a lɛ doa ǹ bǎã la wa. Lawa dí kɔ ma la a ná a lɛ doa maa, bɛ lɛ na á daa ma-n yǎa kaa piɛ, ma a re kiɛ̃ bɛ la wa.

Korɛnti2 10:13 ပူးပေါင်းရင်းမြစ်များ

Loen 19:4

Ǹ boo-diɛ a miɛ wa, ǹ boo nɛ dɔ banban, too ba ǹ lɛn miɛ wa.

Suusun 25:14

Labara hinlaa piɛ̃ mɛn bɛ́ a na a die ka la mu goon din ni wa, min mɛn bɛ́ n lɛ koe ka bǐɛ̃ nɛ a na a ba koe a bɔlɔ lɛ wa, bɛa dɛnaa n miɛ̃.

Izayii 28:17

Peperebaa n die goɛ̃ maa màn zɔ́ɔ̃ ǹ màn lɛa, kiri pepere n die goɛ̃ maa biɛ nàn lɛa.» La gii á re kaa minin sã ǹ mìi duru ǹ bǎã kɛ ziziɛ̃. Mu á re n koe kaa duru ǹ bǎã kɛ lɛ.

Matiə 25:15

Á sana kuturu sooro kɔ ǹ goon la, á sana kuturu paa kɔ ǹ goon dɔ la, á sana kuturu goon kɔ ǹ sɔɔbaa ǹ wɔ la. Á didie wɔ kɔ la á kɔnpɛ ka a pàã lɛ dan nɛ. Bɛ kio, á woo zii ni.

Rɔmu minin 10:18

Man nɔ̀n diɛ kəni: Zuifun lɛn nə bɛa boo lɛ ma wa? Ǹ nə́ ma. Lawa a boo n pii: «Ǹ lɛn bɔ kanaa bǎã din tumaa nɛ, ǹ boon lɛn dɔn nə́ woo yǎa kanaa paǹ tumaa ganaa.»

Rɔmu minin 12:3

Lawa din na á dí kɛ lɛ kɔ ma la, ka a din a bǐɛ̃baa barka nɛ. Bɛ lɛ tɔ ganaa, man pii ka tumaa nɛ, máa min kɔ́n baran taasiɛ wɔ, a n din da bǎã gole-n wa. Sɛnɛ, didie din boɛɛn kɔ ǹ taasiɛ wɔ a din wɔ gɔn la, Lawa goleemali pàã lɛ mɛn kɔ la, a kɔnpɛ ka bɛ nɛ.

Rɔmu minin 12:6

Lawa bɛ́ á bǐɛ̃baa ǹ màn tɔtɔ kɔ wɔ la, á kɔnpɛ a din a bǐɛ̃ kɛ nɛ, wɔ doamaa nɛ wɔ dí nya ǹ nɛ. Bɛ̀ Lawa a boo gii diɛ na á n kɔ min mɛn la, ǹ dɛnaa doamaa nɛ a zɛnaa, a kɔnpɛ ka a golee Lawa li ni.

Rɔmu minin 15:20

Krita tɔ bɛ́ a tɔn nə n pɛ bǎã mɛn nɛ bɔrɔ wa, má n doa ma Boo Tii Kɔɔ̃n kɛ pɛ walan. A giala, ma ba li ma dí nya min kɔsɔ a dí giala kɔ ǹ bǎã-n wa.

Korɛnti1 12:11

Sɛnɛ, a din Yiri Fu goon kɛ lɛ n bɛ tumaa zɛnɛɛ, a n bɛa bǐɛ̃ kɛ lɛ gii didie ne a din foo dùũ li.

Efɛɛzi minin 4:7

Sɛnɛ, bǐɛ̃ na á n zɛnaa wɔ tumaa gogoonmaa nɛ, á kɔnpɛ ka *Krita din a bǐɛ̃baa gole kɛ nɛ.

Piɛrɛ1 4:10

Lawa bǐɛ̃baa ǹ màn tɔtɔ mɛn kɔ ka gogoonmaa la, didie nə n doa a n dɔ ǹ miãn lɛ ka a wɔ nɛ, ka goã dí sonboren nyalin lɛa ka Lawa a bǐɛ̃baa ǹ màn tɔtɔ lɛ nɛ.