Korɛnti1 9:5 - LAWA A BOO SONBORE 2011

⁵ Dia dí-a wole gialakunun kɛn bɛ́ zɛnɛɛ lɔn, ka Dɛnaa din dɔɔ̃nɔn kɛn laanka Piɛrɛ nɛ, masɛ dɔ a kɔnboe ma lɔ Lawa-nyankɔle wɔ, a n kun ma-n miɛ̃ wa?

LAWA A BOO SONBORE

⁵ Dia dí-a wole gialakunun kɛn bɛ́ zɛnɛɛ lɔn, ka Dɛnaa din dɔɔ̃nɔn kɛn laanka Piɛrɛ nɛ, masɛ dɔ a kɔnboe ma lɔ Lawa-nyankɔle wɔ, a n kun ma-n miɛ̃ wa?

Korɛnti1 9:5 ပူးပေါင်းရင်းမြစ်များ

Loe kɔɔ̃n kɔɔ̃n 4:12

Miãnɛn, maa nɛniɛ, ma n dù gɔrɔ lɛa, a lɛ n tiɛ̃-n. Ma n mu yala lɛa, a lɛ n tiɛ̃-n. Ma n tù lɛa, koa nɛ ma dinsɔɔ̃ wɔ lɛa.

Matiə 13:55

Da-sɛlɛli lɛ a nɛ lɛ bie ka a din kɛ lɛ-n wa ya? Mariya bie a din dan lɛa wa? A din kɛ lɛ dɔɔ̃ngiĩ bie ka Zaaki ni, ka Zozɛfu ni, ka Simɔn laanka Zudee-n wa ya?

Matiə 8:14

Yezu woo Piɛrɛ a piɛ. Á Piɛrɛ n dàãlɔ yɛ waa-n tán-a walan, gɔ̀nɔn wɛɛ̃ na á goã a ganaa.

Marki 1:30

Ǹ nə́ woo Simɔn dàãlɔ yaa gɔ̀nɔn-wɛ̃ kũ á waa-n tán. Yezu bɛ́ á dɔ gɔrɔ, ǹ nə́ bɛa boo lɛ saa ǹ nə́ pɛ nɛ.

Marki 6:3

A din da-sɛlɛli kɛ lɛ bie wa ya? Mariya a nɛ kɛ lɛ bie wa? Ǹ dɔɔ̃ngiĩ bie ka Zaaki ni, ka Zoze ne ka Zude laanka Simɔn nɛ wa? Ǹ miãnɛnɛn bie ke kun ka wɔsɛn nɛ kànaa wa ya?» Bɛ lɛ na á toa, ǹ nə́ n piã nɛ.

Luku 6:15

Matiə ne ka Toomaa nɛ, Alfee a nɛ Zaaki ni ka Simɔn nɛ, min mɛn bɛ́ a gána sii n kaka a ganaa parsiini,

Luku 8:20

Minin nə́ pɛ Yezu ni mà ǹ dan laanka ǹ diɛ̃n tá golee-n kanaa, mà maǹ giɛ li ǹ yɛ.

Zaã a sɛ́wɔ 1:42

Á kũ á daa-n Yezu li. Yezu nə́ ǹ yiin doa Piɛrɛ la á pɛ: «Zaã a nɛgiĩ Simɔn lɛ n ka n din ni. N tɔ á die n bíi Sefasi (bɛ giala mà Kɔlɔ, ǹ tá boe la ǹ bíi dɔn mà Piɛrɛ).»

Zaã a sɛ́wɔ 2:12

Bɛ kio, ǹ nə́ n bɔyaa ǹ nə́ daa Kafaranaamu kiwi kun ka ǹ dan nɛ, ka ǹ dɔɔ̃nɔn laanka a kialandɛnan nɛ. Ǹ nə́ giã walan, sɛnɛ, ǹ kiɛ̃ lɛawaa dan kɔ́n la wa.

Nya ǹ dín 1:14

Lɔn kɔnɔn dɔn nə́ goã kunun ǹ ni, Yezu din a náa Mariya nɛ ka Yezu ǹ dɔɔ̃nɔn nɛ. Ǹ tumaa na á goã bɛ̀ ǹ nə n lɛ kaa kun, ǹ Lawa nyankɔ.

Rɔmu minin 16:1

Man wɔ dɔɔ̃n lɔ Feebe a sii toɛ ka gɔn. A n di nyɛɛ Sankree a Lawa a sɔmɔ minin manɛ.

Korɛnti1 1:12

Ma bɛ́ màn mɛn pii ka nɛ á ke: Kaa didie tumaa n boo totoro diɛ. Ke mà asɛ n Pooli wɔ lɛa, ke mà asɛ n Apolɔɔsi wɔ lɛa, kɔsɔ dɔ mà asɛ n Piɛrɛ wɔ lɛa, kɔsɔ dɔ doo mà Krita wɔ-n ka asɛ nɛ.

Korɛnti1 7:15

Sɛnɛ, bɛ̀ goleemali baãnaa lɛ pɛ, mà a nə n niɛ̃ kɔn ka goleemali wole lɛ nɛ, ta a giĩdɛnaa nɛ, ta a lɔdɛnaa nɛ, ka toa ǹ nə n na kɔn, ǹ goã ǹ dinin foo yii li. A giala, Lawa na á ka bíi, mà ka goã ka là nyantoro ne.

Korɛnti1 7:39

Lɔ n doa-n kɔn ka ǹ zuũ ni, ta maǹ beleboe kanaa lɔn. Sɛnɛ, bɛ̀ ǹ zuũ gã, min mɛn bɛ́ kɔɔ̃n a ganaa, á boe la a kɔn wɔ ka bɛ nɛ. Sɛnɛ, giĩ lɛ goã Lawa-nyankɔle lɛa.

Korɛnti1 7:7

Ka boo taãn nɛ, bɛ̀ masɛ wɔ a lɛa nɛ, man pii máa min tumaa goã ka masɛ bɛ́ lɔn, a lɔ ná a banban. Sɛnɛ, Lawa na á bǐɛ̃ baa min tumaa la, ka yɔrɔ totoro ne, á kɛ kɔ kɛ la, á kɔsɔ dɔ kɔ kɛ dɔ la.

Korɛnti1 7:8

Ma bɛ́ boo mɛn diɛ giɔmɔsɔ̃n manɛ, ka lɔ giɔɔrɔn nɛ, bɛ á ke: Bɛ̀ ka kaa tá kanaa zɛnaa ka woo ne, ka masɛ wɔ bɛ́ lɔn, á siĩni.

Galaasi minin 1:19

Sɛnɛ, bɛa lɛawaan kɛn lɛn tumaa gɔ́ɔ̃ nɛ, ma kɔn yɛ ka Yezu a dia dí-a wole kɔsɔ-n wa, yǎa Dɛnaa din dɔɔ̃ngiĩ Zaaki kɛ dinsɔɔ̃.

Timote1 3:2

Ga Lawa a sɔmɔ walan wole doamaa nɛ a goã zɛ̀rɛ baãnaa lɛa, lɔ goon-dɛnaa lɛa, din-kũli lɛa, sii saa ka yiri-n wole lɛa, a tɔ wɔ ǹ gɔn nə́ siĩni. A doamaa nɛ a goã tii-kũli lɛa, á n boe minin daraa la.

Timote1 4:3

Bɛa minin lɛn man pii, mà Lawa-nyankɔlen doamaa bie ǹ kɔn wɔ wa, mà ǹ doamaa bie ǹ màn tɛn dɔ bii wa. A da yaa, Lawa na á màn-bii tumaa da wɔa wɔ lɛa, mà wɔ bii. Min mɛnɛn bɛ́ goleemali wolen lɛa, ǹ nə́ sonbore doɛ̃, bɛa dɛnan tá boe la ǹ bɛa mànan lɛn bii, bɛ̀ ǹ nə́ Lawa nyankɔ, ǹ nə́ barka da nɛ.

Timote1 5:2

Lɔ zizin kũ n daanan lɛa, n lɔ tenən kũ n miãnɛnɛn lɛa, a yɔrɔ sonbore tumaa li.

Tiitii 1:6

Ga Lawa a sɔmɔ walan wole doamaa nɛ, a goã lɛ pɔrɔ ǹ bǎã ná a ba a ganaa wa. A goã lɔ goon toto zuũ lɛa, a nɛnyaanan doamaa nɛ, ǹ goã golee sii li wolen lɛa, ǹ tɔ baran goã ziziɛ̃-n wa, ǹ lɛ-silin baa.

Ebrəə 13:4

Min tumaa zín wɔ kɔn-wɔ nɛ. Giĩ laanka lɔ goã bɔlɔgoondɛnan lɛa. A giala, mà Lawa á re kiri kuri naarɛbaalin laanka min kɔrɔn la.