Korɛnti1 9:27 - LAWA A BOO SONBORE 2011

²⁷ Man ma din gɔ̀nɔn kuĩ doɛ̃, ma ná a lɛduĩ kaka, ń giɛ, ma din nyan goã kooro, maa minin daraa kɛ kio wa.

LAWA A BOO SONBORE

²⁷ Man ma din gɔ̀nɔn kuĩ doɛ̃, ma ná a lɛduĩ kaka, ń giɛ, ma din nyan goã kooro, maa minin daraa kɛ kio wa.

Korɛnti1 9:27 ပူးပေါင်းရင်းမြစ်များ

Loen 50:16

Sɛnɛ, Lawa n pii min baraa nɛ: Maa dí-pɛn kɛn pɛ là n ka wàa nɛ n ganaa? Maa lɛ kɔ kɔn la ǹ boo kɛ nə n lɛ-n kooro.

Bɔ bɛ̀rɛbaa nɛ 37:22

Kòròn lɛn laanka gùrùn lɛn tumaa n kɔn ka a dinmaa tumu lɛ nɛ, ǹ nə́ dɛ ǹ nə́ zɛnaa ka sana *yoreen ne.

Zeremii 6:30

Maǹ bɛa minin kɛn lɛn bíi: "wɔrɔ bɔbɔnɛɛ". A giala, maǹ màn bɔbɔnɛɛ lɛa Dɛnaa Lawa yɔrɔ-a.

Luku 18:5

Sɛnɛ, mà lɔ giɔɔrɔ kɛ bɛ́ asɛ nɔmiɛ, mà asɛ n die a kiri sii yɔrɔ boe, mà a bɛ́ giɛ màn mɛn li asɛ bɛ zɛnaa nɛ, màn mɛn bɛ́ toɛ, a baran da asɛ nɔmaa doo wa.»

Luku 9:25

A là n ka wàa nɛ min kanaa gɔn màn tumaa yɛ, a din nyin wusoo a papaã a bɔ̀n baa?

Nya ǹ dín 1:25

màn mɛn bɛ́ toɛ, Zudaasi bǎã mɛn toa walan á woo a din tɔ bǎã nɛ, bɛa dɛnaa bɛa dia dí-a wolebaa ǹ bǎã kɛ lɛ saa, a na a dí nya.»

Rɔmu minin 8:13

Bɛ̀ ka á tɔ we á kɔnpii ka gɔ̀nɔn foo siin ni, ka á re giɛ̃. Sɛnɛ, Lawa Yiri barka nɛ, bɛ̀ ka gɔ̀nɔn foo siin kɛn zɛnaa toa walan ka lenlen, ka á re yiikoonaabaa yii.

Korɛnti1 8:13

Bɛ lɛ nɛ, bɛ̀ màn-bii á die ma diɛ ma dɔɔ̃n da sii baraa-n ganaa, man siĩ tii duduu goon lɛa, bɛ á soɛ ma dɔɔ̃n da sii baraa zɛnaa ganaa nɛ.

Korɛnti1 9:25

Bɛ̀ baa-silin tá daraa ǹ bǎã nɛ, maǹ kɔn lɛ si ǹ sii kakan diɛ ǹ dinin mìi ni, saraa ǹ màn mɛn bɛ́ a beleboe wa, ǹ tá giɛ bɛ li. Sɛnɛ, saraa ǹ màn mɛn bɛ́ re goɛ̃ a ná a ziziɛ̃ wa, wɔsɛn man zɛnɛɛ wɔ á giɛ bɛ li.

Korɛnti2 11:27

Má nɔmaa ǹ dí kakan nya, biikoo gigiã li ma nyuù wɔ wa, bòo ma kũ, mu boro ma kũ. Biikoo gigiã li má n lɛ sɔɔ, má nɔmaa nyan gɔn ka mɔnaa wɛɛ nɛ.

Kolɔɔsi minin 3:5

Dùũ siin mɛnɛn bɛ́ ka nɛ, ǹ nə́ kanaa dùũ siin lɛa, ka bɛn kaa ka lenlen. Bɛa dùũ siin lɛn nə́ ke: Kɔrɔbaa nɛ, ka gɔgɔrɛbaa nɛ, ka sii baraa zɛnaa a bɔlɔ-sɛ̀-mui ni, ka dùũ sii babaraa nɛ, ka yii miminibaa nɛ bɛ mɛn bɛ́ goon ka dì wúlu bɔ nɛ.

Timote2 2:22

N bɔ tɔntɔraabaa ǹ foo sii babaraan wɔlɔ li. Min mɛnɛn bɛ́ Dɛnaa tɔ bíi ka gɔ́ɔ̃ fubaa nɛ, n doa n ga peperebaa laanka goleemali li kun ka bɛn nɛ, ka kɔn-narɛɛ laanka là nyantoro ne.

Piɛrɛ1 2:11

Ma dɔɔ̃n narɛɛ wolen lɛn, kasɛn mɛnɛn bɛ́ gùlin laanka tiin lɛa kanaa kɛ nɛ, man ka nyankoe, ka ka dinin kũ dùũ sii babaraan kɛn ganaa, dùũ siin mɛnɛn bɛ́ zia biɛ biikoo tumaa li telenboen ganaa.

Piɛrɛ2 2:15

Ǹ nə́ zii sonbore toa walan, ǹ nə́ ǹ dinin papaã ǹ wɔ saa. Maǹ nə́ Bozɔɔrɔ a nɛ Balaamu a sii-zɛnaa ǹ gɔn saa, bɛ mɛn bɛ́ á lɛ kɔ sii baraa-zɛnaa ganaa wɔrɔ a lɛa.