Korɛnti1 9:19 - LAWA A BOO SONBORE 2011

¹⁹ Hiĩ, man ma din gɔn wìi a lɛa, ma a min kɔn a bɛ̀rɛ lɛa wa. Sɛnɛ, má n din baa min tumaa a bɛ̀rɛ lɛa, màn mɛn bɛ́ toɛ, ma min gigiã yɛ.

LAWA A BOO SONBORE

¹⁹ Hiĩ, man ma din gɔn wìi a lɛa, ma a min kɔn a bɛ̀rɛ lɛa wa. Sɛnɛ, má n din baa min tumaa a bɛ̀rɛ lɛa, màn mɛn bɛ́ toɛ, ma min gigiã yɛ.

Korɛnti1 9:19 ပူးပေါင်းရင်းမြစ်များ

Suusun 11:30

Min pepere a nya ǹ dín man ka yiikoonaabaa ǹ da bɛ́ lɔn, Sii-dɔ̃li n yiikoonaabaa koe.

Matiə 18:15

Bɛ̀ n dɔɔ̃n nə́ wɔ n zɛ̀rɛ nɛ, wo dɔ a li, n dinsɔɔ̃ ka a dinsɔɔ̃, n na a sã pɛ nɛ. Bɛ̀ a ná a zɛ̀rɛ si, a na á wusoo á n dɔɔ̃n baa.

Rɔmu minin 1:14

Min din tumaa a giɔ̀mɔ n ma ganaa: Sii-doɛ̃ wolen ne woo ka sii-doɛ̃baã wolen ne, sɛ́wɔ-doɛ̃ wolen ne woo ka sɛ́wɔ-doɛ̃baã wolen ne.

Rɔmu minin 11:14

ta bɛ á re ma din tɔrɔ minin Zuifun kɛn lɛn foo busi, a gialakunun kirisibaa ǹ gòã baa.

Rɔmu minin 15:2

Min gogoonmaa n siĩni a ga li, mà a kɔɔ̃n kɔ ǹ miã kɔsɔ ganaa. Bɛ nə n baa sii bǐɛ̃ lɛa, a n dɔ ǹ miã lɛ lɛ, a wo nyɛɛnɛ golee Lawa li gɔ́ɔ̃ nɛ.

Korɛnti1 10:29

Ma bie boo diɛ ka dinin gɔ́ɔ̃ a taasiɛ kɛ wɔ gɔn la wa, sɛnɛ, min mɛn boo lɛ pɛ ka nɛ, man bɛ wɔ ganaa. Sɛnɛ, die n die nɔ̀n diɛ ma la, mà wàa na á baa? Min kɔsɔ foo a zɛ̀rɛ á boe la, a ma kurəə ma din gɔn wìi a lɛa sii-zɛnaa ganaa?

Korɛnti1 10:33

Ka zɛnaa ka masɛ bɛ́ lɔn: ma nə n doɛ, máa ma min tumaa foo kɔɔ̃n kɔ ka sii tumaa nɛ. Ma bie giɛ li mà ma din laadoon nə bǐɛ̃ kɔ wa, sɛnɛ, man giɛ min tumaa a bǐɛ̃ kɔ li, ń giɛ ǹ tá kirisibiɛ.

Korɛnti1 7:16

Nsɛ Lawa-nyankɔle lɔ dɛnaa lɛ, ma n siɛ lɔn n tɔn dɔ̃, mà n tá re n zuũ kirisibiɛ? Nsɛ Lawa-nyankɔle giĩ dɛnaa lɛ, ma n siɛ lɔn n tɔn dɔ̃, mà n tá re n lɔ kirisibiɛ?

Korɛnti1 9:1

Masɛ a ma din gɔn wìi a lɛa wa? Ma a dia dí-a wole lɛa wa? Ma Dɛnaa Yezu yɛ ka ma yii-n wa? Ma din a nya ǹ dí a lɛa bie ka á Dɛnaa wɔn lɛa wa?

Korɛnti2 12:14

Á ke ma á zoɛ̃ doo, ma da kaa piɛ ká a sɔɔbaa ǹ wɔ nɛ. Ma a re goɛ̃ guĩ lɛa ka mìi-n wa. Man giɛ ka dinin li, ma bie giɛ kaa wɔrɔ li wa. A taãnbaa li, nɛnyaanan bie giɛ wɔrɔ li ǹ nə ǹ díin laadoo zɛnaa-n ma, sɛnɛ, díin man giɛ li ǹ nə ǹ nɛnyaanan laadoo saa nɛ.

Korɛnti2 4:15

Sii mɛn tumaa bɛ́ ma yii maa tá kanaa gɔ́ɔ̃ nɛ, ka dinin lɛa nɛ; bɛ lɛ n toɛ, Lawa a bǐɛ̃baa á doe min gigiã ganaa, ń giɛ min damata á boe la, ǹ barka da Lawa nɛ, Lawa a tɔ golebaa a lɛa.

Korɛnti2 4:5

Sonbore, bɛ̀ ma á boo laakalɛɛ, ma bie ma din boo diɛ wa: Yezu Krita mɛn bɛ́ Dɛnaa lɛa, man bɛ boo diɛ ka nɛ. Masɛ n kaa dí-nyali dinsɔɔ̃ lɛa Yezu taman yii.

Galaasi minin 5:1

*Krita na á wɔ si bɛ̀rɛbaa la, mà wɔ goã wɔ gɔn wìi a lɛa taãn-taãnɛ. Ka toa ka goã doa-n sɔnbɔraanɛ bɛa tá ma din gɔn wìi a lɛa kɛ lɛ gɔ́ɔ̃ nɛ. Ka nyan toa, ka wusoo ka ka dinin kɔ bɛ̀rɛbaa la doo wa.

Galaasi minin 5:13

Kasɛn wɔ paǹ li, ma dɔɔ̃nɔn lɛn, Lawa na á kasɛn bíi mà ka goã ka gɔn wìi a lɛa. Sɛnɛ, ka bɛ́ ka dinin gɔn wìi a lɛa ke, ka nyan taasɛ, mà ka á boe la ka sii tumaa zɛnaa kanna, a kɔnpɛ ka ka gɔ̀nɔn foo siin kɛn nɛ wa. Sɛnɛ, ka n dɔ kɔn lɛ ka kɔn-narɛɛ nɛ.

Timote1 4:16

N yiri kɔ n din laanka n minin daraa li. Sii si n ganaa a gɔ́ɔ̃ nɛ. Bɛ̀ n zɛnaa miɛ̃, n tá re n dinmaa kirisibiɛ. Min mɛnɛn dɔn bɛ́ n too koe n lon, n tá re bɛn dɔn kirisibiɛ.

Timote2 2:10

Bɛ lɛ na á toa, Lawa min mɛnɛn bɔ, man sii tumaa sii ma ganaa bɛn lɛn taman yii, màn mɛn bɛ́ toɛ, Yezu Krita bɛ́ kirisibaa mɛn koe, ǹ dɔn nə bɛ lɛ yɛ, ǹ gugurubaa nyabaã wole dɔ yɛ bɛ lɛ gɔ́ɔ̃ nɛ.

Piɛrɛ1 3:1

Kasɛn dɔn lɔn lɛn, ka dɔn nə ka zuũn bɔlɔ si a din yɔrɔ kɛ lɛ la, màn mɛn bɛ́ toɛ, ta ǹ tɛnɛn manə n piɛ̃, mà ǹ ba golee Lawa a boo li wa, ǹ lɔn tɔ wɔ ǹ gɔn dinsɔɔ̃ nə ǹ kũ, bɛ̀ boo diɛ ná a ba a-n dinin wa.