Korɛnti1 9:16 - LAWA A BOO SONBORE 2011

¹⁶ A giala, Boo Tii Kɔɔ̃n kɛ a laakalaa bie din-koa ǹ sii lɛa masɛ gɔn wa. A n pàã lɛa ma ganaa. Bɛ̀ ma a Boo Tii Kɔɔ̃n kɛ laakalɛɛ wa, koe na á bɔ ma ganaa.

LAWA A BOO SONBORE

¹⁶ A giala, Boo Tii Kɔɔ̃n kɛ a laakalaa bie din-koa ǹ sii lɛa masɛ gɔn wa. A n pàã lɛa ma ganaa. Bɛ̀ ma a Boo Tii Kɔɔ̃n kɛ laakalɛɛ wa, koe na á bɔ ma ganaa.

Korɛnti1 9:16 ပူးပေါင်းရင်းမြစ်များ

Izayii 6:5

Má tɔ́n pɛ kəni: «Koe bɔ ma ganaa! Maa wɔ nya lenlen! A giala, man gɔ̀dɛnaa lɛa, ma bɛ́ giã-n tɔrɔn mɛnɛn dɔn bii, bɛn dɔn man gɔ̀dɛnan lɛa. A giala ma yii Kii gole yɛ, Dɛnaa Lawa Pàãyiidɛnaa lɛ!»

Zeremii 1:17

Nsɛ Zeremii, n yɔrɔ bɔ kəni. Yoo! Ma bɛ́ re boo mɛn tumaa diɛ n nɛ, n wo ǹ pɛ. N nyan toa nyɛ́ɛ nə n gɔ̀nɔn bìn da ǹ yɔrɔ-a wa. Bɛ bie wa, masɛ din nə die n gɔ̀nɔn diɛ bìn diɛ ganaa ǹ yɔrɔ-a.

Zeremii 20:7

Dɛnaa Lawa, ń ma sã, má toa ń ma sã. N pàã zɛnaa ma nɛ, ń boo ma la. Lɛawaa tumaa gɔ́ɔ̃ nɛ, minin man yaa we ma ganaa, min tumaa n ma foo siɛ.

Zeremii 20:9

Má taasɛ ma gɔ́ɔ̃ nɛ, máa ma a re n taasɛ Dɛnaa Lawa n doo wa, máa ma a re a boo diɛ ka a tɔ-n doo wa. Sɛnɛ, ma gɔ́ɔ̃ nɛ, a boo lɛ n ka tɛ bɛ lɔn ma kuĩ. Ma nə n din nɔmɛɛ máa ma pàã yɛ ma la bɛa tɛ lɛ nɛ, sɛnɛ ma a boe la wa.

Amɔɔsi 3:8

Bɛ̀ yàra wɔɔsaa wɔ, nyɛ́ɛ na a die kuĩ wa? Bɛ̀ Dɛnaa Lawa boo da, die nə n piɛ̃ mà asɛ a bɛ pii wa?

Amɔɔsi 7:15

Sɛnɛ, Dɛnaa Lawa masɛ kũ tɔɔn kio, á tɔ́n pɛ ma nɛ mà ma wo asɛ a boo gii da asɛ a zaman, Izirayeli tɔrɔn kɛn manɛ.

Matiə 25:16

A bɛ́ á sana kuturu sooro kɔ min mɛn la, bɛ kiɛ̃ gɔrɔ á woo pii kɔ ka bɛa sana lɛ nɛ, á wusoo á ǹ miã sana kuturu sooro yɛ.

Luku 9:62

Yezu pɛ nɛ: «Min woo min nə́ n gɔn da diin buu kɔsɔ ǹ kána-a, á wusoo á n yii bɔyaa á ga a kio, Lawa a boe la a na a kiibaa ǹ dí kɛ nya ka bɛa dɛnaa-n wa.»

Nya ǹ dín 4:20

Piɛrɛ laanka Zaã pɛ: «Sonbore, wɔsɛn yii bɛ́ á màn mɛn yɛ, wɔsɛn too nə ǹ mɛn ma, wɔsɛn ba boe la wɔ n lɛ tã bɛ-a wa.»

Nya ǹ dín 9:15

Sɛnɛ, Dɛnaa pɛ nɛ: «Woo, a giala giĩ kɛ lɛ, min ni, ma din bɔ, màn mɛn bɛ́ toɛ, a masɛ tɔ kɛ laakalaa tɔrɔ kɔsɔn manɛ, ka kiin ni, ka Izirayeli minin ni.

Nya ǹ dín 9:6

Sɛnɛ, yoo, n wɔ kiwi, n doamaa bɛ́ nɛ n sii mɛn zɛnaa, ǹ tá re bɛ pii n ni walan.»

Rɔmu minin 1:14

Min din tumaa a giɔ̀mɔ n ma ganaa: Sii-doɛ̃ wolen ne woo ka sii-doɛ̃baã wolen ne, sɛ́wɔ-doɛ̃ wolen ne woo ka sɛ́wɔ-doɛ̃baã wolen ne.

Rɔmu minin 15:17

Bɛ lɛ na á toa, masɛ á boe la ma n din gole kɔ, maa kaa-kun ka Yezu Krita-n lɛ gɔ́ɔ̃ nɛ, Lawa a dí kɛ lɛ wɔ gɔn la.

Rɔmu minin 4:2

Lawa na á lɛ kɔ a ganaa a nya ǹ dín lɛa? Sonbore, Abrahamu sɛ kɔn nə́ dí nya, màn mɛn bɛ́ boe la a tá a tɔ boe, sɛnɛ, Lawa yɔrɔ-a bie wa.

Korɛnti1 4:15

Sonbore ka á doɛ̃, ta min duu fù na á ka daraa Krita a siin ganaa, ka dí n goon toto. Masɛ din nə má Boo Tii Kɔɔ̃n kɛ pɛ ka nɛ, má kaa díi baa, má daa ka nɛ Yezu Krita ganaa.

Korɛnti1 9:12

Bɛ̀ min kɔsɔn tá bɛ miã yii ka li, wɔsɛn ba kɔnboe ne, a la bɛn wɔ-n ma? Sɛnɛ, wɔsɛn nə bɛa màn kɛ lɛ kɔ́n yɛ ka li wa. Wɔ n wɔ́ sii tumaa si wɔ ganaa dinin, ń giɛ wɔ bɛ́ Boo Tii Kɔɔ̃n zii mɛn nyɛɛ ka nɛ, á n *Krita wɔ lɛa, màn kɔ́n nyan ka kurəə bɛ ganaa wa.

Korɛnti1 9:14

A din yii goon ne, min mɛnɛn bɛ́ Boo Tii Kɔɔ̃n kɛ laakalɛɛ, Dɛnaa pɛ mà ǹ dɔn màn-bii die a bɔ bɛa dí lɛ nɛ.

Korɛnti2 2:12

Má dɔ Troasi kiwi kəni, má n die Krita a Boo Tii Kɔɔ̃n kɛ laakalɛɛ walan. Dɛnaa din zii bũ ma nɛ foaãnɛ.

Kolɔɔsi minin 4:17

Ka pɛ Arsipu dɔ nɛ mà «Dɛnaa dí mɛn kɔ la mà a nya, mà a yiri bɔ bɛ li, a toa a nya sɔnbɔraanɛ a na a lɛ pã.»

Samayeli1 12:23

Masɛ din wɔ paǹ li, bɛ̀ má Lawa nyankɔ lɛ da kaa lɛa, man má sii baraa zɛnaa Lawa nɛ. Màn mɛn nə́ ke siĩni, pepere, masɛ n die ka darɛɛ bɛa zɛnaa ganaa.