Korɛnti1 9:12 - LAWA A BOO SONBORE 2011

¹² Bɛ̀ min kɔsɔn tá bɛ miã yii ka li, wɔsɛn ba kɔnboe ne, a la bɛn wɔ-n ma? Sɛnɛ, wɔsɛn nə bɛa màn kɛ lɛ kɔ́n yɛ ka li wa. Wɔ n wɔ́ sii tumaa si wɔ ganaa dinin, ń giɛ wɔ bɛ́ Boo Tii Kɔɔ̃n zii mɛn nyɛɛ ka nɛ, á n *Krita wɔ lɛa, màn kɔ́n nyan ka kurəə bɛ ganaa wa.

LAWA A BOO SONBORE

¹² Bɛ̀ min kɔsɔn tá bɛ miã yii ka li, wɔsɛn ba kɔnboe ne, a la bɛn wɔ-n ma? Sɛnɛ, wɔsɛn nə bɛa màn kɛ lɛ kɔ́n yɛ ka li wa. Wɔ n wɔ́ sii tumaa si wɔ ganaa dinin, ń giɛ wɔ bɛ́ Boo Tii Kɔɔ̃n zii mɛn nyɛɛ ka nɛ, á n *Krita wɔ lɛa, màn kɔ́n nyan ka kurəə bɛ ganaa wa.

Korɛnti1 9:12 ပူးပေါင်းရင်းမြစ်များ

Siin Giala 24:56

Bɛ̀rɛgiĩ lɛ tɔ́n pɛ ǹ nɛ: «Ka baran ma kurəə wa. Dɛnaa bɛ́ á masɛ a tɔ-wɔ bǐɛ̃ kɔ, ka toa man bɔyaa, ma wo maa dɛnaagiĩ lɛ li.»

Nehemii 4:8

Ma bɛ́ má a yii a koa ǹ bǎã yɛ, má yoo má kɛ pɛ goledɛnan manɛ ka sii yɔrɔ-bɔlen laanka zaman lɛ gialakun ni: «Ka baran nyɛ́ɛ baa ǹ nɛ wa! Ka yiri baran toa a bɔ ka Dɛnaa Lawa-n wa, asɛ mɛn bɛ́ gole, a sii n nyɛ́ɛ diɛ. Ka zia da ka dɔɔ̃nɔn lɛa, kaa nɛgiĩn laanka kaa nɛlɔn lɛa, kaa lɔn laanka kaa kionən lɛa!»

Luku 11:52

Kaa wɔ n ka bɔ̀n nɛ, kasɛn landa sii-daraalin lɛn. Ka n ka wɔ sii-doɛ̃ nɛ ǹ kiɛnlɛ lɛ a goo nɛ saa. Ka dinin ba we wa, min mɛnɛn dɔn bɛ́ zoɛ̃ mà ǹ wɔ, ka n bɛn dɔn kurii.»

Nya ǹ dín 18:3

Pooli laanka Akilaasi bɛ́ ǹ nə́ goã dí tɔrɔ goon nyɛɛ, mɔnaa kion zɛnaa ǹ dí ke, á woo giã ǹ li, á dí nya kunun ǹ ni.

Rɔmu minin 15:22

Bɛa dí gole lɛ na á ma sàabaa gunyin damata, ma boo la má dɔ ka li wa.

Korɛnti1 13:7

Kɔn-narɛɛ n toɛ min nə ǹ miã a sã tumaa toa nɛ. A n toɛ min golee ǹ miã li ka sii tumaa nɛ. A din nə toɛ dɔn min foo-doa yɛ sii tumaa gɔ́ɔ̃ nɛ, a sii tumaa si a ganaa.

Korɛnti1 6:7

Ta á n baa lɔn, màn mɛn bɛ́ toɛ, kiri á goɛ̃ ka dininmaan bii ni, bɛ n ka dinin bɔ a mɛnaa duduu giala pii gɔrɔ. Wàa na á baa ka a lɛ koe ǹ sii kɔkɔrɔ zɛnaa ka-n wa, ka a lɛ koe ǹ ka koã wa?

Korɛnti1 9:14

A din yii goon ne, min mɛnɛn bɛ́ Boo Tii Kɔɔ̃n kɛ laakalɛɛ, Dɛnaa pɛ mà ǹ dɔn màn-bii die a bɔ bɛa dí lɛ nɛ.

Korɛnti1 9:15

Sɛnɛ, masɛ tɔn bɛ miã màn kɛ kɔ́n yɛ ka li wa, ma bie sɛ́wɔ kɛ diɛ ka la, ma á nɔ̀n dɔ diɛ li wa. Bɛ̀ má gã gɔrɔ bɛ á soɛ! Min kɔ́n ba re boe la, a bɛa din-koa ǹ gɔn kɛ si ma la wa.

Korɛnti1 9:16

A giala, Boo Tii Kɔɔ̃n kɛ a laakalaa bie din-koa ǹ sii lɛa masɛ gɔn wa. A n pàã lɛa ma ganaa. Bɛ̀ ma a Boo Tii Kɔɔ̃n kɛ laakalɛɛ wa, koe na á bɔ ma ganaa.

Korɛnti1 9:18

Maa saraa n ka wàa-n kəni? Ma bɛ́ boe la, ma á Boo Tii Kɔɔ̃n kɛ laakalɛɛ ka-n kooro, maa saraa lɛ n bɛ nɛ. Ma gii bɛ́ ka màn mɛn nɛ, Boo Tii Kɔɔ̃n laakalaa kɛ a lɛa, ma nɔ̀n da bɛ li wa.

Korɛnti1 9:2

Ta ma a dia dí-a wole lɛa min kɔsɔn yii li wa, ma tá a lɛa kasɛn kɔ́n yii li; a giala, kaa tá kun ka Dɛnaa-n lɛ, a n masɛ a dia dí-a wolebaa nyɛɛ.

Korɛnti2 11:12

Doo, ma bɛ́ maa sii zɛnɛɛ lɔn, man tɔn die zɛnɛɛ miɛ̃, ń giɛ min mɛnɛn bɛ́ giɛ gɔn kũ ǹ bǎã li, mà ǹ nə n dinin laakalaa, ǹ pɛ mà ǹsɛn dɔn man dí tɔrɔ goon nyɛɛ ka masɛ nɛ, bɛ nyan yɔrɔ yɛ ǹ li wa.

Korɛnti2 11:20

Ka ǹ lɛ koe mà ǹ ka lɛduə̃ ka bɛ̀rɛn bɛ́ lɔn, ǹ ka bebere ǹ ka gɔn mànan si ka la, ǹ ka yiri sã, ǹ ga ka ganaa màn bɔnboɛɛnɛn lɛa, ǹ ka dɛ ka yɔrɔ-a.

Korɛnti2 2:12

Má dɔ Troasi kiwi kəni, má n die Krita a Boo Tii Kɔɔ̃n kɛ laakalɛɛ walan. Dɛnaa din zii bũ ma nɛ foaãnɛ.

Korɛnti2 6:3

Ma ba li ma min kɔ́n mìi ziziɛ̃ ka yɔrɔ kɔ́n nɛ wa, ń giɛ, ǹ nyan maa dí kɛ pɔpɔsɛ wa.