Korɛnti1 7:11 - LAWA A BOO SONBORE 2011

¹¹ Bɛ̀ á boo la á n na kɔn nɛ dɔn, a nyan wɔ giĩ kɔsɔ li wa, hinlaa a wusoo, a wo kaa kun ka ǹ zuũ zizi ni. Giĩ dɔ doamaa bie, a na a lɔ loo wa.

LAWA A BOO SONBORE

¹¹ Bɛ̀ á boo la á n na kɔn nɛ dɔn, a nyan wɔ giĩ kɔsɔ li wa, hinlaa a wusoo, a wo kaa kun ka ǹ zuũ zizi ni. Giĩ dɔ doamaa bie, a na a lɔ loo wa.

Korɛnti1 7:11 ပူးပေါင်းရင်းမြစ်များ

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Zeremii 3:1

Dɛnaa Lawa pɛ: «Bɛ̀ giĩ ná a lɔ loo, lɔ lɛ soo li, yǎa giĩ kɔsɔ saa lɔ lɛa, ǹ zuũ zizi lɛ á boe la a wusoo a saa lɔ lɛa? Haayii, a giala, *gɔ̀ n die gána lɛ kuĩ bɛ lɛ taman yii. Sɛnɛ nsɛ Izirayeli, ń kɔrɔbaa zɛnaa ka giĩ gigiã nɛ. Ma n giɛ li n wusoo n da masɛ li?» Dɛnaa Lawa a da ǹ boo ne.

Matiə 5:32

Sɛnɛ, masɛ n pii ka nɛ, bɛ̀ giĩ mɛn ná a lɔ loo, a da yaa a ná a naarɛbaa zɛnaa wa, yǎa lɔ lɛ wusoo a wo wɔ gìĩ kɔsɔ li, bɛa dɛnaa din na á ná a lɔ da naarɛbaa zɛnaa ganaa. Ǹ bɛ́ ǹ nə́ lɔ mɛn loo, bɛ̀ giĩ mɛn nə́ bɛ saa, ǹ dɛnaa na á naarɛbaa zɛnaa.

Marki 10:12

Bɛ̀ lɔ dɔ́ nə́ n moɛ ǹ zuũ li á woo wɔ giĩ kɔsɔ li, a din goon ne, a dɔ na á sii naarɛ zɛnaa.»

Marki 10:2

*Fariziɛ̃n kɔnɔn nə́ n zɔ̃ ǹ nə́ dɔ a li, ǹ nə́ nɔ̀n da la mà ǹsɛn landa lɛ á lɛ koe min na a lɔ loo ya? Maǹ nə́ bɛ pɛ ǹ tá n diɛ a gɔ́ɔ̃ li.

Luku 16:18

Min woo min ná a lɔ loo, á kɔsɔ saa, bɛa dɛnaa na á naarɛbaa zɛnaa. Lɔ mɛn dɔ bɛ́ ǹ zuũ loo, bɛ̀ min mɛn bɛ dɔ saa, ǹ dɛnaa na á naarɛbaa zɛnaa.

Korɛnti1 7:10

Kasɛn Lawa-nyankɔlen mɛnɛn bɛ́ ká kɔn wɔ, man boo nyaǹ zii kɛ nyɛɛ ka nɛ (sɛnɛ, a bie boe masɛ li wa, a n boe Dɛnaa din li): Lɔ kɔn-wɔle doamaa bie, a n na kɔn ka ǹ zuũ-n wa.

Korɛnti1 7:12

Man pii gialakunun kɛn manɛ (ma din a boo n bɛ nɛ, Dɛnaa wɔ bie wa): Bɛ̀ giĩ Lawa-nyankɔle mɛn a lɔ n goleemali baãnaa lɛa, lɔ lɛ lɛ kɔ mà asɛ tá a tá kanaa zɛnɛɛ kun ni a wo ne, a nyan loo wa.

Timəə dí-pɛn 22:19

Ǹ doamaa nɛ ǹ wɔrɔ paabiɛ da a mìi ni, ǹ bɛ si ǹ kɔ nɛlɔ lɛ a díi la. A giala, giĩ lɛ na á soɛ da Izirayeli minin nɛlɔ la. A giĩ lɛ toa a yii n koo, lɔ lɛ na a wɔ lɛa, a doamaa dɔ bie a loo wa.