Korɛnti1 6:2 - LAWA A BOO SONBORE 2011

² Ka á doɛ̃ mà Lawa a zaman minin lɛn man die kiri we kanaa minin ganaa wa? Bɛ̀ ka dinin man die kiri we kanaa minin ganaa, a n siɛ lɔn, sii bɔnboɛɛnɛn mɛnɛn bɛ́ ǹ ba màn kɔ́n lɛa wa, ka a boe la ka á bɛn kiri kuri wa?

LAWA A BOO SONBORE

² Ka á doɛ̃ mà Lawa a zaman minin lɛn man die kiri we kanaa minin ganaa wa? Bɛ̀ ka dinin man die kiri we kanaa minin ganaa, a n siɛ lɔn, sii bɔnboɛɛnɛn mɛnɛn bɛ́ ǹ ba màn kɔ́n lɛa wa, ka a boe la ka á bɛn kiri kuri wa?

Korɛnti1 6:2 ပူးပေါင်းရင်းမြစ်များ

Loen 49:14

Min mɛnɛn bɛ́ n foo doɛ ǹ dinin ganaa ka kaka, boo-diɛ n kɔɔ̃nɛ ǹ ganaa ka wàa baa, bɛn sii bɛ́ re n biɛ lɔn biɛ̃, á ke. *Doa

Danayeli sɛ́wɔ 7:18

Bɛ kio, kiibaa lɛ á re doe lon a Lawa gole a zaman ganaa, á re goɛ̃ ǹ gɔn miɛ̃ yǎa duduu.»

Danayeli sɛ́wɔ 7:22

Sɛnɛ, giĩ gole zizi lɛ bɛ́ á daa, á sonbore kɔ lon a Lawa gole a minin lɛn la. Biikoo bɛ́ á dɔ, Lawa a minin lɛn nə́ kiibaa lɛ si ǹ nə́ giã la.

Zakarii 14:5

Bɛa nyankɔrɔ lɛ kɛ lɛ kelen lɛn bii ni, ka n die baa sii ka bɔ ka bɛ lɛ nɛ, a giala, a n woe yǎa Asali. Ka n die baa sii, ka ka digolon wɔ bɛ́ lɔn, Zudaan kii Oziasi a waáraa, tán a bìn diɛ pinaa. A da yaa, Dɛnaa Lawa, maa Lawa n die die ka a lon a dia dí-a wolen kɛn tumaa nɛ.

Matiə 19:28

Yezu tɔ́n pɛ ǹ nɛ: – Masɛ n pii ka nɛ sonbore: Bɛ̀ Min a Nɛgiĩ giã a gugurubaa ǹ kii dankan la, kasɛn min fulupaa mɛn kɔ ma kio lɛ, ka dɔn tá re giɛ̃ kii dankanan la, ka kiri wɔ Izirayeli tɔrɔ fulupaa kɛ lɛ ganaa.

Luku 22:30

Ka á re màn bii ka màn mi kun ka masɛ nɛ, maa kiibaa ǹ bǎã kɛ nɛ, ka á re giɛ̃ kii dankanan la, ka goã Izirayeli tɔrɔ fulupaa kɛ mìi la kun ka masɛ nɛ.»

Rɔmu minin 6:16

Táa ka á doɛ̃, mà bɛ̀ ǹ nə́ min kɔ bɛ̀rɛ lɛa min kɔsɔ la, mà ǹ dɛnaa n bɛa min kɛ lɛ bɔlɔ sii, a na a bɛ̀rɛ baa. Bɛ̀ ka á sii baraa zɛnɛɛ, ka ǹ sii baraa a bɛ̀rɛn lɛa, á n woe ka kiɛ gɛ̀ nɛ. Bɛ̀ ka á Lawa bɔlɔ sii, ka ǹ bɔlɔ-sii a bɛ̀rɛn lɛa, bɛ n ka bii kɔɔ̃n koe kɔn ka Lawa nɛ.

Korɛnti1 1:20

Ka bɛ nɛ, Lawa nyaa ǹ nɛ, mà kanaa a sii-doɛ̃ siin kɛn lɛn dinin man gàãnaabaa lɛa. Sii-dɔ̃lin man pii mà wàa? Sɛ́wɔ-dɔ̃len man pii mà wàa? Boo doɛ̃ wole dadaran kɛn dɔn man pii mà wàa?

Korɛnti1 1:21

Sonbore, kanaa minin nə boo la, ka ǹ dinin sii-doɛ̃ kɛ barka nɛ, ǹ nə́ Lawa a sii-doɛ̃ kɛ giala ma wa. Wɔ bɛ́ dí mɛn pii ka nɛ Yezu a gɛ̀ wɔ gɔn la, a n gàãnaabaa lɛa kanaa minin yii li, a da yaa Lawa golee la, mà min mɛnɛn bɛ́ golee bɛa gàãnaabaa ǹ dí kɛ lɛ li, mà á re bɛn kirisibiɛ.

Korɛnti1 6:4

Bɛ̀ bɛ miã sii lɔlɔkɔn kɛ tá kasɛn bii ni, min mɛnɛn bɛ́ ǹ ba màn kɔ́n lɛa Lawa a sɔmɔ-n wa, ka ǹ woe bɛn kuĩ mà ǹ da kaa kiri kuru!

Korɛnti2 4:18

A giala, yii bɛ́ màn mɛn yii, ma bie n yiri koɛ bɛ ganaa wa. Yii bɛ́ a ba ǹ mɛn yii wa, ma yiri n bɛ ganaa. Yii bɛ́ màn mɛn yii, bɛa beleboe taãn ma. Sɛnɛ, yii bɛ́ a ba màn mɛn yii wa, bɛ n beleboe yǎa duduu.

Tesaloniki1 3:13

A die a ka foo taã, màn mɛn bɛ́ toɛ, wɔa Dɛnaa Yezu a daa pinaa kun ka a wɔn nɛ, ka boo la ka golee Díi Lawa yɔrɔ-a *yoreen ne, kaa sii lɛ n piɛ̃ nɛ.

Sii-nyaan 20:4

Má tɔ́n kii dankanan yɛ. Min mɛnɛn bɛ́ giã nɛ ǹ la, ǹ nə́ lɛ kɔ ǹ la, mà ǹ dinin nə kiri kuru. Min mɛnɛn bɛ́ ǹ nə́ gɛ̀ wɔ lɛlɛ, Yezu a boo taãn laanka Lawa a boo a lɛa, ka ǹ mɛnɛn bɛ́ ǹ goã Tɔɔ kɛ laanka a nyín guguru koe wa, ǹ lɛ dɔ kɔ ǹ ná a nyaǹ kiɛ̃ ǹ nyanlɛ-a ka ǹ gɔn nɛ wa, má wusoo má bɛn telenboenən yɛ. Bɛn tumaa wusoo ǹ nə́ yiikoonaabaa yɛ, ǹ nə́ giã pàã la kun ka Krita nɛ, yǎa lɛ̀ duu goon.

Sii-nyaan 3:21

Min mɛn bɛ́ re gɔ̀lɔ̀ biɛ, ma á re lɛ koe la, a giã kun ma nɛ maa kii dankan nɛ, ka ma dɔ bɛ́ má gɔ̀lɔ̀baa yɛ, má woo giã maa Díi li a kii dankan nɛ lɔn.