Korɛnti1 6:13 - LAWA A BOO SONBORE 2011

¹³ Ka á pii doo: «Màn-bii n nɔ̀ wɔ lɛa, nɔ̀ dɔ n màn-bii wɔ lɛa.» Hiĩ, Lawa á re ǹ dinin paanan ziziɛ̃. Sɛnɛ, minbuiin gɔ̀nɔn bie á n zɛnaa din kũ doɛ̃baã siin lɛa wa. Gɔ̀nɔn nə Dɛnaa wɔ lɛa, Dɛnaa dɔ n gɔ̀nɔn wɔ lɛa.

LAWA A BOO SONBORE

¹³ Ka á pii doo: «Màn-bii n nɔ̀ wɔ lɛa, nɔ̀ dɔ n màn-bii wɔ lɛa.» Hiĩ, Lawa á re ǹ dinin paanan ziziɛ̃. Sɛnɛ, minbuiin gɔ̀nɔn bie á n zɛnaa din kũ doɛ̃baã siin lɛa wa. Gɔ̀nɔn nə Dɛnaa wɔ lɛa, Dɛnaa dɔ n gɔ̀nɔn wɔ lɛa.

Korɛnti1 6:13 ပူးပေါင်းရင်းမြစ်များ

Matiə 15:17

Ka a doɛ̃ mà màn mɛn din tumaa bɛ́ we minbuiin nɛ lɛ-n, mà a n woe a gɔ́ɔ̃ nɛ, bɛ kio a tɔn soo goɛ̀rɛ lɛa wa?

Matiə 15:20

Siin mɛnɛn bɛ́ min gɔgɔrɛ koe, bɛn lɛn man ka bɛn nɛ! Sɛnɛ, màn bii bɛ̀ n nə́ n nə n gɔn pii ka landa bɛ́ pii lɔn wa, bɛa min gɔgɔrɛ koe wa.»

Marki 7:19

A giala, a bie we a foo-n wa, sɛnɛ, a n we a nɔ̀ nɛ, bɛ kio, á tɔ́n soo goɛɛ̀rɛ lɛa.» Yezu na á bɛa boo kɛ lɛ da á nyaa mà màn-bii din tumaa á boe la a n bii.

Zaã a sɛ́wɔ 6:27

Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Zaã a sɛ́wɔ 6:49

Ka digolon nə́ maánə sɔ̃ don, sɛnɛ, ǹ nə́ gã.

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Rɔmu minin 14:17

A giala, *Lawa a kiibaa ǹ sii bie màn-bii laanka màn-mii sii lɛa wa. Sɛnɛ, a n peperebaa sii lɛa, là nyantoro ne, ka nyɛnyɛɛ nɛ, Yiri Fu bɛ́ ǹ mɛnɛn lɛn koe.

Rɔmu minin 6:12

Ka baran toa sii baraa goã kii lɛa ka gɔ̀nɔn siĩ gã wole kɛ la doo wa. Ka baran kɔ dùũ sii babaraan kɛn lɛ doo wa.

Rɔmu minin 7:4

Ma dɔɔ̃nɔn lɛn, ka dɔn man miɛ̃. *Krita a gɛ̀ lɛ gɔ́ɔ̃ nɛ, ka dɔn man ká gã dí-pɛn wɔ gɔn la. Sisia, ka ǹ min kɔsɔ wɔn lɛa, min mɛn bɛ́ a yii kaa á n bɔ geren bii. Wɔ ǹ bɛ wɔn lɛa, màn mɛn bɛ́ toɛ, wɔ dí nya Lawa nɛ.

Korɛnti1 3:16

Táa ka dinin tá doɛ̃ mà ka ǹ Lawa a Kion lɛa, Lawa a Yiri Fu n ka gɔ́ɔ̃ nɛ.

Korɛnti1 6:15

Ka a doɛ̃ mà ka gɔ̀nɔn lɛ n Krita gùn lɛa wa? Ma á re Krita gù lɛ siɛ má baa lɔ naarɛbaali wɔ lɛa? Haayii! Ma a re bɛ zɛnɛɛ ka duduu wa!

Korɛnti1 6:19

Hinlaa ka n ka a doɛ̃ mà ka gɔ̀nɔn lɛ n Yiri Fu a giã ǹ kion lɛa wa? Bɛa Yiri Fu kɛ lɛ ka nɛ, Lawa din na á kɔ ka la. Ka bie ka dinin wɔ lɛa doo wa.

Korɛnti2 11:2

Lawa bɛ́ zuu boe ka la lɔn, masɛ dɔ n zuu boe ka la miɛ̃. A giala, ka n goon ka nɛniɛ mɛn bɛ́ a tɔn giĩ dɔ̃ wa, má wɔsɔ giĩ goon toto la, bɛ n ka *Krita nɛ.

Korɛnti2 5:15

A na á gã min tumaa a lɛa, ń giɛ min mɛnɛn yii bɛ́ koo, bɛn baran ǹ yiikoonaabaa zɛnaa ǹ dinin lɛa doo wa, sɛnɛ, min mɛn bɛ́ á gã a yii kaa ǹ lɛa, ǹ zɛnaa bɛa lɛa.

Galaasi minin 5:24

Min mɛnɛn bɛ́ Yezu Krita wɔn lɛa, bɛn man nə́ ǹ gɔ̀nɔn foo sii kɛn dere gɔn ganaa, kun ka ǹ lɛ mui ǹ sii baraan nɛ.

Efɛɛzi minin 5:23

A giala, giĩ na a lɔ mìilandɛnaa lɛa, ka Krita bɛ́ Lawa a sɔmɔ mìilandɛnaa lɛa lɔn. Krita lɛ din nə Lawa a sɔmɔ lɛ kirisibaali lɛa, sɔmɔ mɛn bɛ́ a din gɔ̀nɔn lɛa.