Korɛnti1 4:6 - LAWA A BOO SONBORE 2011

⁶ Ma dɔɔ̃nɔn lɛn, ma boo mɛn da sisia, man má bɛ zɔɔ̃ Apolɔɔsi laanka ma din ganaa, máa ka n daraa bɛ lɛ ganaa wɔ dinin li: «Màn mɛn bɛ́ kiɛ̃ nɛ, ka nyan sii zɛnaa ka bɛ la bɔ-n wa.» Min kɔ́n doamaa bie a n din koa, ka minin-daraali goon a sii ni, a ǹ miã kɔsɔ baa zɔ́ɔ wa.

LAWA A BOO SONBORE

⁶ Ma dɔɔ̃nɔn lɛn, ma boo mɛn da sisia, man má bɛ zɔɔ̃ Apolɔɔsi laanka ma din ganaa, máa ka n daraa bɛ lɛ ganaa wɔ dinin li: «Màn mɛn bɛ́ kiɛ̃ nɛ, ka nyan sii zɛnaa ka bɛ la bɔ-n wa.» Min kɔ́n doamaa bie a n din koa, ka minin-daraali goon a sii ni, a ǹ miã kɔsɔ baa zɔ́ɔ wa.

Korɛnti1 4:6 ပူးပေါင်းရင်းမြစ်များ

Loen 146:3

Ka baran n foo doa pàãdɛnan ganaa wa, minbuiin nɛn manɛ, ǹ ba boe la ǹ ka kirisibaa wa.

Loen 8:4

Bɛ̀ má ga lon ganaa, n din gɔn dí kɛ lɛ, n mui laanka leeren mɛnɛn kaa lon,

Izayii 2:22

Ka nyan nə n foo doa minbuiin nɛ ganaa wa! Ǹ yiikoonaabaa n piɛ̃ lɛa. Là ba a ganaa wa.

Nya ǹ dín 18:24

Bɛa biikoo kɛ li Zuifu goon ne, a tɔ n Apolɔɔsi, a n boe Alɛksandrii kiwi, á daa á dɔ Efɛɛzi kiwi. A na á goã boo-doɛ̃ wole gole lɛa, á n daraa Lawa a boo lɛ ganaa taãn-taãnɛ.

Nya ǹ dín 19:1

Apolɔɔsi bɛ́ Korɛnti kiwi, Pooli Galaasi laanka Frizii gána a kele bǎãn wɔsɔ, á daa dɔ Efɛɛzi kiwi. Pooli woo kialandɛnan kɔnɔn yaa Efɛɛzi kiwi lɛ nɛ.

Rɔmu minin 12:3

Lawa din na á dí kɛ lɛ kɔ ma la, ka a din a bǐɛ̃baa barka nɛ. Bɛ lɛ tɔ ganaa, man pii ka tumaa nɛ, máa min kɔ́n baran taasiɛ wɔ, a n din da bǎã gole-n wa. Sɛnɛ, didie din boɛɛn kɔ ǹ taasiɛ wɔ a din wɔ gɔn la, Lawa goleemali pàã lɛ mɛn kɔ la, a kɔnpɛ ka bɛ nɛ.

Korɛnti1 1:12

Ma bɛ́ màn mɛn pii ka nɛ á ke: Kaa didie tumaa n boo totoro diɛ. Ke mà asɛ n Pooli wɔ lɛa, ke mà asɛ n Apolɔɔsi wɔ lɛa, kɔsɔ dɔ mà asɛ n Piɛrɛ wɔ lɛa, kɔsɔ dɔ doo mà Krita wɔ-n ka asɛ nɛ.

Korɛnti1 1:19

Ka boo taãn nɛ, ǹ nə́ kiɛ̃ Lawa a sɛ́wɔ nɛ: «Masɛ Lawa á re yiridɛnan yiri ziziɛ̃, ma á re màn-dɔ̃len màn-doɛ̃ nyɛɛ.»

Korɛnti1 1:31

Bɛ lɛ a lɛa nɛ, ǹ nə́ kiɛ̃ Lawa a sɛ́wɔ nɛ: «Bɛ̀ min mɛn tá zoɛ̃ mà a n din koa, a n din koa ka Dɛnaa a sii-zɛnaa nɛ.»

Korɛnti1 13:4

Kɔn-narɛɛ n toɛ min nə n foo kũ, a sii n kɔɔ̃nɛ, a yii ná a mimini wa. A toɛ min nə n din kalaa wa, a toɛ a n din koa wa.

Korɛnti1 3:19

A giala, kanaa kɛ a sii-doɛ̃ n gàãnaabaa lɛa Lawa yii li. Taãn nɛ, ka a n pɛ Lawa a sɛ́wɔ-n lɔn, «Sii-dɔ̃lin sii-zɛnaan bɛ́ kan mɛn koe, Lawa n die ǹ kuĩ ka bɛa kan lɛ-n gɔrɔ.»

Korɛnti1 3:21

Bɛ lɛ nɛ, min kɔ́n doamaa bie a n din koa ka daraa-wɔlen sii ni, a da yaa ǹ dɔn nə́ minbuiinin lɛa wa. A giala, mà ǹ tumaa n kaa wɔ lɛa:

Korɛnti1 5:2

Ka n tɔn piɛ̃-n ka din-koa nɛ! A n kɔnboe ka pã ka foo-ziziɛ̃ nɛ. Min mɛn bɛ́ á sii kɛ lɛ zɛnaa, bɛ̀ ka doamaa nɛ ka bɛ loo ka bɔ ka bii.

Korɛnti1 5:6

Kaa din-koa kɛ lɛ a siĩn wa! Ka tumaa suusu kɛ ma mà yɔ bù boɛɛn nə toɛ buuru yia tumaa yoo.

Korɛnti1 8:1

Bɛ̀ á daa dì wúlu bɔ ǹ siĩ boo wɔ paǹ li, sonbore ne, «wɔ tumaa á màn doɛ̃,» ka ka tɛnɛn bɛ́ pii lɔn. Màn-doɛ̃ kɛ lɛ n minbuiin piɛ̃ gole koe, sɛnɛ, kɔn-narɛɛ n wɔa goleemali gole koe.

Korɛnti1 9:23

Man bɛ tumaa zɛnɛɛ Boo Tii Kɔɔ̃n kɛ a lɛa, máa ma gii boo la a yɛ a sii bǐɛ̃n gɔ́ɔ̃ nɛ.

Korɛnti2 10:12

Min mɛnɛn bɛ́ n dinin piɛ̃ gole koe, masɛ ba n zoɛ̃ kɔn ka bɛn nɛ wa. A giala, ǹ mìi we banban, maǹ nə n zoɛ̃ kɔn ka ǹ dinin ni, ǹ kɔnboe n ka ǹ dinin ni.

Korɛnti2 10:15

Ma miãn nə dí mɛn nya, ma a n din gole koe ka bɛ-n wa. Sɛnɛ, ma á taasɛ máa kaa goleemali á re gole koe, màn mɛn bɛ́ toɛ, ma boo la ma dí nya ka bii, dí mɛn bɛ́ gole parsiini. Lɛ doa ǹ bǎã mɛn nə n koa, ma a re bɛ la boe wa.

Korɛnti2 10:7

Ka ga siin ganaa doɛ̃. Bɛ̀ bɛ nɛ, bɛ̀ min mɛn golee li mà asɛ n Krita wɔ lɛa, ǹ dɛnaa nə n yiri koa kɛ li gɔrɔ. Masɛ dɔ n Krita wɔ lɛa ka a dɔ bɛ́ lɔn.

Korɛnti2 11:4

A giala, ta min na á daa Yezu kɔsɔ boo da ka nɛ, a ná a goon ka masɛ bɛ́ má ǹ mɛn pɛ ka-n wa, hinlaa á yiri kɔsɔ wɔ ka nɛ a ná a goon ka kɛ nɛ ká yɛ wa, hinlaa á Boo Tii Kɔɔ̃n kɔsɔ pɛ ka nɛ tɔtɔ ka kɛ nɛ masɛ pɛ ka nɛ, ka ǹ lɛ koe bɛ ganaa taãn-taãnɛ.

Korɛnti2 12:19

Kɔntan, ka ǹ taasɛ haalɛ bibi, mà ma nə n din biɛ min pepere lɛa kasɛn yɔrɔ-a. Haayii, maa giaáran lɛn, Krita bɛ́ giɛ màn mɛn li, wɔ ǹ bɛ pii ka nɛ Lawa yɔrɔ-a. Man bɛ tumaa zɛnɛɛ, ka dinin bǐɛ̃ kɔ a wo nyɛɛn a lɛa goleemali gɔ́ɔ̃ nɛ.

Korɛnti2 12:20

Nyɛ́ɛ n ma ganaa, máa kɔntan ma a re die ka yiɛ, ka ma bɛ́ giɛ li lɔn wa, ka dɔn nə́ ka a re ma yii, ka ka bɛ́ giɛ li lɔn wa. Nyɛ́ɛ n ma ganaa, máa ma nyan da yaa bɛ̀ zian tá ka bii, ka foo wuu-pɛ nɛ, foo-yoo ne, ka miã lɔ zuũbaa nɛ, sɔ-kaa kɔn la nɛ, ka boo giməə da kɔn ganaa nɛ, din-koa nɛ, ka sii-lɔlɔkɔn nɛ.

Korɛnti2 12:6

Ta man zoɛ̃ mà man din koa, ma a gàãnaa sɛ biɛ wa, a giala, man die sonbore dinsɔɔ̃ pii. Sɛnɛ, ma nə n nyanɛɛ din-koa nɛ, a giala, ma a giɛ li mà min ma baa màn gole lɛa, á la maa sii-zɛnaa nɛ ka maa boo-diɛ-n ma.

Korɛnti2 4:15

Sii mɛn tumaa bɛ́ ma yii maa tá kanaa gɔ́ɔ̃ nɛ, ka dinin lɛa nɛ; bɛ lɛ n toɛ, Lawa a bǐɛ̃baa á doe min gigiã ganaa, ń giɛ min damata á boe la, ǹ barka da Lawa nɛ, Lawa a tɔ golebaa a lɛa.

Kolɔɔsi minin 2:18

Ka baran toa minin nə koɛ̃ɛn wɔ ka-n wa. Bɛa minin kɛn lɛn man taasɛ, mà ǹsɛn man min dadaran lɛa, ǹ yii wɔlɔ yɛ siin lɛa, maǹ soɛ bɔ ǹ din-gisiĩ narɛ, ka lon a dia dí-a wolen guguru kɔ nɛ. Bɛa minin kɛn tɔrɔ piɛ̃maa-n ka din gole kɔ nɛ, mìi dɔ ba la wa, bɛ̀ á n bɔ ǹ dinin minbuiin nɛbaa ǹ taasiɛ wɔ ǹ gɔn kɛ lɛ nɛ,

Tesaloniki1 1:5

A giala, wɔ bɛ́ Boo Tii Kɔɔ̃n mɛn pii, a bie á n pɛ ka nɛ ka lɛ-a ǹ boo dinsɔɔ̃-n wa; sɛnɛ, pàã gole gole na á goã boo lɛ nɛ ka Yiri Fu barka nɛ, wɔ ǹ waa nɛ a sonborebaa dɔ la. Wɔ giã ǹ gɔn mɛn wɔ ka bii, ka dinin laadoo bǐɛ̃ kɔ taman yii, ka bɛ́ bɛ doɛ̃.

Timote2 2:10

Bɛ lɛ na á toa, Lawa min mɛnɛn bɔ, man sii tumaa sii ma ganaa bɛn lɛn taman yii, màn mɛn bɛ́ toɛ, Yezu Krita bɛ́ kirisibaa mɛn koe, ǹ dɔn nə bɛ lɛ yɛ, ǹ gugurubaa nyabaã wole dɔ yɛ bɛ lɛ gɔ́ɔ̃ nɛ.