Korɛnti1 4:4 - LAWA A BOO SONBORE 2011

⁴ Maa taasiɛ a sii kɔ́n diɛ ma mìi-n wa, sɛnɛ, bɛ dɔ bie nyɛɛ, mà ma sii kɔ́n zɛnaa duduu wa. Maa kiri-kuruli n ka Dɛnaa dinsɔɔ̃ nɛ.

LAWA A BOO SONBORE

⁴ Maa taasiɛ a sii kɔ́n diɛ ma mìi-n wa, sɛnɛ, bɛ dɔ bie nyɛɛ, mà ma sii kɔ́n zɛnaa duduu wa. Maa kiri-kuruli n ka Dɛnaa dinsɔɔ̃ nɛ.

Korɛnti1 4:4 ပူးပေါင်းရင်းမြစ်များ

Zɔbu 15:14

Minbuiin nɛ n siɛ lɔn, a tɔn goã *yoreen ne? Lɔ min mɛn yɛ, a n siɛ lɔn a tɔn goã pepere?

Zɔbu 25:4

Minbuiin nɛ n siɛ lɔn a tɔn sonbore yɛ Lawa ganaa? Lɔ a yii kɛ lɛ n siɛ lɔn a tɔn goã *yoreen ne?

Zɔbu 27:6

Maa peperebaa ke, ma lɛ n bɛ ganaa, ma a re n lɛ boe wa. Ma foo a ma zɛ̀rɛ biɛ ǹ kɔn pinaa wa.

Zɔbu 40:4

«Kaa, ma mìi á kiɛɛrɛ bɛ ganaa. Man die n lɛ sii mà wàa? Man die n gɔn koe ma lɛ lɛ.

Zɔbu 9:20

Ta man pepere, ma din lɛ n die ma diɛ sii ni. Ta zɛ̀rɛ ba ma-a wa, ma din lɛ n die ma zɛ̀rɛ biɛ.

Loen 130:3

Bɛ̀ ma n wɔ kuĩ wɔa sã ǹ siin kɛn li, Dɛnaa Lawa, die n boe la a la?

Loen 143:2

N baran kiri wɔ n bɛ̀rɛgiĩ lɛ-a wa, a giala, min kɔn ba pepere nsɛ yɔrɔ-a wa.

Loen 19:12

Man nə n gɔn wɛɛ ma dinmaa lɛ nɛ, Dɛnaa Lawa, masɛ mɛn bɛ́ n dí-nyali lɛa, n foo siin lɛn kɔmalɛ n là gole lɛa.

Loen 26:12

Má gòãn doa ǹ bǎã yɛ, bɛ lɛ nɛ, ma á re Dɛnaa Lawa guguru koe zaman bii.

Loen 50:6

Lon mànan tá a peperebaa kɛ kalɛɛ, kiri-kuruli n ka Lawa nɛ. *Doa

Suusun 21:2

Minbuiin nɛ a sii zɛnaan tumaa n pepere a din yii li. Sɛnɛ, Dɛnaa Lawa dinsɔɔ̃ n gɔ́ɔ̃ doɛ̃.

Suusun 29:26

Min gigiã n giɛ goledɛnaa a laakalaa li. Sɛnɛ Dɛnaa Lawa n kiri we didie ganaa.

Zaã a sɛ́wɔ 21:17

A sɔɔbaa ǹ wɔ, á wusoo á pɛ nɛ doo: «Zaã a nɛgiĩ Simɔn, n tá masɛ narɛ?» Yezu a wusoo á pɛ Piɛrɛ nɛ kɛ lɛ a gunyin sɔɔbaa ǹ wɔ mà a tá asɛ narɛ ya, bɛ́ Piɛrɛ yɔrɔ kɔsɛ. Á tɔ́n pɛ Yezu ni: «Dɛnaa, n tá sii din tumaa doɛ̃, n tá doɛ̃ mà masɛ tá n narɛ!» Yezu tɔ́n pɛ nɛ: «Ga masɛ a sèren lɛn walan.

Nya ǹ dín 23:1

Pooli nə́ n yii doa kiri-wɔlen kuru lɛ la, á pɛ: «Dɔɔ̃nɔn lɛn, masɛ bɛ́ má maa tɔ wɔ lɔn Lawa yɔrɔ-a, á daa kaa pelo lɛ, ma foo ba ma din zɛ̀rɛ biɛ ka sii kɔ́n nɛ bɛ wɔ a paǹ li wa.»

Rɔmu minin 2:13

Bɛ̀ min tá giɛ li a boo la, a n baa min pepere lɛa Lawa yɔrɔ-a, dí-pɛn kɛn doɛ̃ dinsɔɔ̃ bie boe wa, yǎa a tɔ we a kɔnpii ka Lawa a zii kɛ nɛ.

Rɔmu minin 4:2

Lawa na á lɛ kɔ a ganaa a nya ǹ dín lɛa? Sonbore, Abrahamu sɛ kɔn nə́ dí nya, màn mɛn bɛ́ boe la a tá a tɔ boe, sɛnɛ, Lawa yɔrɔ-a bie wa.

Korɛnti1 4:3

Ta ma á pepere, ta ma a pepere wa, kasɛn bie kɔnboe ka pɛ wa. Minbuiinin kiri-kuruli kɔ́n dɔ doamaa bie a pɛ wa. Ma bie ma din dɔ a kiri kuri wa.

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Korɛnti2 5:10

A giala, wɔ tumaa doamaa nɛ, wɔ golee *Krita a kiri kuru ǹ bǎã kɛ yɔrɔ-a. A n die kiri we wɔ ganaa, a didie saraa a kɔnpɛ ka a nyaǹ dí ni kanaa, ta a bǐɛ̃ nɛ, ta a baraa nɛ.