Korɛnti1 4:2 - LAWA A BOO SONBORE 2011

² Ǹ bɛ́ ǹ nə́ màn tamaa min mɛnɛn li, maǹ giɛ li mà ǹ goã min pepere taãnan lɛa.

LAWA A BOO SONBORE

² Ǹ bɛ́ ǹ nə́ màn tamaa min mɛnɛn li, maǹ giɛ li mà ǹ goã min pepere taãnan lɛa.

Korɛnti1 4:2 ပူးပေါင်းရင်းမြစ်များ

Kiin2 12:15

Maǹ nə́ goã paa lɛ koe dí-nyalin lɛn la, ǹ tá siɛ Dɛnaa Lawa a kion lɛ zɛnɛɛ nɛ.

Kiin2 22:7

Wɔrɔ mɛn nə n wɔ ǹ gɔn, min baran toa a nɔ̀n da ǹ la ka bɛa woo ǹ bǎã-n wa, a giala ǹ tá dí nyɛɛ ka peperebaa nɛ.»

Suusun 13:17

Dia dí-a wole baraa n die ka koe ne. Sɛnɛ, dia dí-a wole bɔlɔgoondɛnaa n die ka yii-nyɛɛ nɛ.

Minin nimi 12:7

Sɛnɛ, masɛ a dí-nyali Muizu wɔ bie miɛ̃ wa, kɛ lɛ giɛ masɛ a zaman lɛ walan ka bɔlɔgoondɛnaabaa nɛ.

Matiə 25:21

A mìinaa tɔ́n pɛ nɛ: «Á siĩni, dí-nyali sonbore, bɔlɔgoondɛnaa. Ma n nə́ n bɔlɔgoondɛnaa baa sii boɛɛn nɛ, bɛ lɛ taman yii, masɛ á die n koɛ sii gole mìi la. Da n nyɛnyɛɛ kun ka masɛ nɛ.»

Matiə 25:23

A mìinaa tɔ́n pɛ nɛ: «Á bǐɛ̃ kɔ, dí-nyali sonbore, bɔlɔgoondɛnaa. Ma n nə́ n bɔlɔgoondɛnaa baa sii boɛɛn nɛ, bɛ lɛ taman yii, ma á die n koɛ sii gole mìi la. Da n nyɛnyɛɛ kun ka masɛ nɛ.»

Luku 12:42

Dɛnaa ná a lɛ si: – Ga mànan walan wole mɛn bɛ́ bɔlɔgoondɛnaa lɛa, yiri dɔ ná a lon, a dɛnaagiĩ da ǹ miã dí-nyalin mìi la mà a màn-bii gii ǹ ni, a kɔnpɛ a biikoo ne.

Korɛnti1 4:1

A bɛ́ miɛ̃, wɔsɛn man dien lɛa ka yii li? Ka ǹ kɔnboe ka ga wɔ ganaa *Krita a dí-nyalin lɛa, Lawa a sonbore duriin kɛn man tamaa-n wɔ li.

Korɛnti1 4:17

Bɛ lɛ a lɛa nɛ, ma á Timote diɛ ka li. A n maa nɛ narɛɛ wole lɛa wɔa Dɛnaa wɔ gɔ́ɔ̃ nɛ, má foo n doa-n a ganaa. Ma dinmaa a giã ǹ gɔn bɛ́ lɔn, á re ka yiri diɛ bɛ nɛ, má ka daraa siin mɛnɛn ganaa, kaa tá kun ka Yezu Krita-n a lɛa, á re bɛn dɔn nyɛɛ ka nɛ. A din daraa ǹ gɔn goon ne, ma á pii bǎã tumaa nɛ Lawa a sɔmɔn gɔ́ɔ̃ nɛ.

Korɛnti1 4:3

Ta ma á pepere, ta ma a pepere wa, kasɛn bie kɔnboe ka pɛ wa. Minbuiinin kiri-kuruli kɔ́n dɔ doamaa bie a pɛ wa. Ma bie ma din dɔ a kiri kuri wa.

Korɛnti1 7:25

Min mɛnɛn bɛ́ ǹ tɔn kɔn wɔ wa, Dɛnaa a boo nyaǹ zii ba ma gɔn ǹ wɔ paǹ li wa. Sɛnɛ, ma din yiri boo n ke, ma á pii. Dɛnaa bǐɛ̃ mɛn baa ma la, bɛ á toɛ min waa ma la.

Korɛnti2 2:17

Masɛ bie pii koe Lawa a boo ganaa, ka min gigiã kɔsɔn kɛn bɛ́ lɔn wa. Haayii, Krita wɔbaa gɔ́ɔ̃ nɛ, masɛ n boo diɛ ka fubaa nɛ, ka Lawa din tɔ nɛ, a din yɔrɔ-a.

Korɛnti2 4:2

Siin mɛnɛn bɛ́ durii ni, ǹ nə́ sìi diɛ, má n piã ka bɛn nɛ. Ma a sii zɛnɛɛ ma minin yiri sã-n wa, ma a Lawa a boo lɛ bɔbɔyɛɛ wa. Haayii, man Lawa a boo a taãnbaa nyɛɛ minin ni foaãnɛ. Man giɛ li, máa min tumaa nə n foo doa ma ganaa Lawa yɔrɔ-a.

Kolɔɔsi minin 1:7

Ka dinin Epafrasi mɛn bɛ́ wɔa giaára lɛa, á n wɔ miã dí-nyali dɔ lɛa, bɛ na á ka daraa bɛ ganaa. A n bɔlɔgoondɛnaa lɛa a dí kɛ nɛ, á nyɛɛ Krita nɛ kaa lɛa.

Kolɔɔsi minin 4:17

Ka pɛ Arsipu dɔ nɛ mà «Dɛnaa dí mɛn kɔ la mà a nya, mà a yiri bɔ bɛ li, a toa a nya sɔnbɔraanɛ a na a lɛ pã.»

Kolɔɔsi minin 4:7

Wɔ dɔɔ̃ngiĩ sonbore Tisiki mɛn bɛ́, Dɛnaa a dí-nyali bɔlɔgoondɛnaa lɛa, a n ma miã dí nya kun wole lɛa Dɛnaa nɛ, bɛ á re maa sii din tumaa yɔrɔ pii ka nɛ.