Korɛnti1 4:10 - LAWA A BOO SONBORE 2011

¹⁰ Wɔsɛn man gàãnaan lɛa Krita a lɛa; kasɛn man sii-dɔ̃lin lɛa, kaa tá kun ka Krita-n gɔ́ɔ̃ nɛ. Wɔsɛn man pàãwɛɛnaan lɛa, kasɛn man pàãdɛnan lɛa. Wɔsɛn man màn kooron lɛa, maǹ kasɛn guguru koe!

LAWA A BOO SONBORE

¹⁰ Wɔsɛn man gàãnaan lɛa Krita a lɛa; kasɛn man sii-dɔ̃lin lɛa, kaa tá kun ka Krita-n gɔ́ɔ̃ nɛ. Wɔsɛn man pàãwɛɛnaan lɛa, kasɛn man pàãdɛnan lɛa. Wɔsɛn man màn kooron lɛa, maǹ kasɛn guguru koe!

Korɛnti1 4:10 ပူးပေါင်းရင်းမြစ်များ

Kiin2 9:11

Zewu soo á woo a dɛnaagiĩ a dí-nyalin lɛn li, ǹ nə́ nɔ̀n da la: Bǐɛ̃ tan? Wàa na á baa kɛa gàãndɛnaa kɛ daa n li? Á ǹ lɛ si: Ka dininmaan tá giĩ lɛ laanka a da ǹ boo doɛ̃.

Suusun 11:12

Min mɛnɛn bɛ́ ǹ miãn pɔpɔsɛ, yiriwɛɛ nə ǹ ganaa. Yiridɛnaa nə n lɛ tiɛ̃.

Izayii 53:3

Ǹ nə́ n la bɔ a ganaa, ǹ nə́ da ǹ gɔn dɔ̀ɔ̃ nɛ. Nɔmaa wole ne, a lɛ mui ka fuu ni. A n ka min mɛn bɛ́ min kɔn ba li mà a ga a ganaa wa. Ǹ nə́ n la bɔ a ganaa, a màn kɔn lɛa wɔ yii li wa.

Ozee 9:7

Dɔlɔ bɔ lɛawaa dɔ, saraa lɛawaa dɔ. Izirayeli minin tá re bɛ doɛ̃. Lawa a boo gii-dali lɛ n gàãnaa lɛa, a yiri na á n si la, a giala, kaa sã lɛ la yii ni, kaa baraabaa lɛ dɔ la yii ni.

Matiə 24:9

Bɛa biikoo li, kaa zɔ́ɔn tá re ka koe tɔrɔ kɔsɔn la ǹ fuu nyaa ka yii ni, ǹ tá re ka dii ka gã. Ka tìĩ á re boe min tumaa nyin ni masɛ tɔ a lɛa.

Matiə 5:11

Ǹ bɛ́ sɔ kiɛ kasɛn mɛnɛn la, bɛ̀ ǹ ka nɔmaa masɛ a kialandɛnaabaa lɛ taman yii, bɛ̀ ǹ sii baraa tɔrɔ din tumaa zɛnaa ka nɛ, ǹ soɛ da ka la, Lawa á re barka diɛ ka ganaa.

Luku 10:16

Yezu mà a kialandɛnan lɛn ganaa: «Bɛ̀ min mɛn nə́ n too kɔ ka lon, bɛa dɛnaa na á n too kɔ masɛ dinmaa lon. Bɛ̀ min mɛn dɔ nə́ n piã ka nɛ, bɛa dɛnaa na á n piã ka masɛ dinmaa nɛ. Sɛnɛ, bɛ̀ min mɛn nə́ n piã ka masɛ nɛ, bɛa dɛnaa na á n piã ka masɛ a Dia Wole lɛ nɛ.»

Luku 18:9

Yezu na á boo giməə kɛ da. Min mɛnɛn bɛ́ n dinin biɛ min peperen lɛa Lawa yɔrɔ-a, ǹ nə́ giɛ ǹ miãn-a min kɔrɔn lɛa, a na á da bɛn manɛ:

Luku 6:22

Bɛ̀ minin tá ka biɛ zɔ́ɔ, ǹ nə́ n nyanɛɛ ka nɛ, ǹ nə́ sɔ koe ka ganaa, ǹ nə́ ka tɔ baraa pii Min a Nɛgiĩ a lɛa, ka dɔ̃ mà Lawa á re barka diɛ ka ganaa.

Nya ǹ dín 17:18

Yiridɛnan kɔnɔn dɔn dinin tan, ǹ nə́ ǹ bíi mà Sitoyisiɛ̃n ka Epikuriɛ̃n, bɛn nə́ goã sùn biɛ kun ni. Ǹ tɛnɛn man nə́ goã pii: «Kɛa boo gigiã dali kɛ n pii mà wàa sɛn?» Kɔsɔn dɔn man pii: «A n die goɛ̃ dì tiin boo-laakalaali lɛa.» Sonbore, Pooli na á goã Yezu laanka geren yii-kaa boo diɛ.

Nya ǹ dín 17:32

Ǹ bɛ́ ǹ nə́ geren yii-kaa boo kɛ ma, ǹ tɛnɛn man nə́ goã yaa we. Gialakunun mà ǹsɛn tá re n too koe bɛa boon kɛn lɛn-a Pooli lon biikoo kɔsɔ li.

Nya ǹ dín 26:24

Pooli bɛ́ boo diɛ miɛ̃, Fɛstusu nə́ n lɛ bũ á pɛ ka lɛn gole ne: «Pooli ganaa, n yii a kɔɔ̃n wa! N daraa gole lɛ ná a n yiri yoo.»

Nya ǹ dín 9:16

A bɛ́ re fuu mɛn yii masɛ tɔ kɛ a lɛa, masɛ dinmaa á re bɛn nyɛɛ nɛ.»

Korɛnti1 1:21

Sonbore, kanaa minin nə boo la, ka ǹ dinin sii-doɛ̃ kɛ barka nɛ, ǹ nə́ Lawa a sii-doɛ̃ kɛ giala ma wa. Wɔ bɛ́ dí mɛn pii ka nɛ Yezu a gɛ̀ wɔ gɔn la, a n gàãnaabaa lɛa kanaa minin yii li, a da yaa Lawa golee la, mà min mɛnɛn bɛ́ golee bɛa gàãnaabaa ǹ dí kɛ lɛ li, mà á re bɛn kirisibiɛ.

Korɛnti1 1:23

Sɛnɛ, Krita mɛn bɛ́ ǹ nə́ dere gɔn ganaa, wɔsɛn man bɛ boo diɛ. Bɛ n sii kaka lɛa Zuifun ganaa, a n gàãnaabaa lɛa tɔrɔ kɔsɔn yii li.

Korɛnti1 1:25

Bɛ lɛ taman yii, Lawa a sii mɛn bɛ́ gàãnaabaa lɛa minbuiinin yii li, bɛ n sii-doɛ̃ lɛa, á la minbuiinin sii-doɛ̃ nɛ. Minbuiinin bɛ́ giɛ Lawa a sii mɛn ganaa pàãwɛɛnaabaa ǹ sii lɛa, bɛ pàã á gole á la minbuiinin pàãdɛnaabaa nɛ.

Korɛnti1 10:12

Bɛa yɔrɔ kɛ lɛ la kəni, min mɛn bɛ́ taasɛ mà asɛ n golee-n lon, bɛ nə n doa a nyan toa a bɔ a mɛnaa wa.

Korɛnti1 2:14

Lawa a Yiri Fu bɛ́ a ba min mɛn lon wa, bɛa boe la a lɛ kɔ Yiri Fu a boo taãnan ganaa wa. A n gàãnaabaa lɛa ǹ dɛnaa yii li, a boe la a tá a giala miɛ wa, a giala, Yiri Fu dinsɔɔ̃ n boe la á sii a bɔkɔnlɛ doɛ̃.

Korɛnti1 2:3

Bɛ lɛ nɛ, má n din nyaa ka nɛ pàãwɛɛnaa lɛa, nyɛ́ɛ n ma ganaa, ma gɔ̀nɔn yii n bìn diɛ.

Korɛnti1 3:18

Ka nyan ka dinin yiri sã wa. Bɛ̀ min tá ka bii á n taasɛ, ka kanaa minin kɛn wɔ bɛ́ lɔn, mà asɛ n sii-dɔ̃li lɛa, ǹ dɛnaa nə n din baa gàãnaa lɛa bɔrɔ, a tɔn sii-doɛ̃ taãn yɛ.

Korɛnti1 3:2

A n goon ka man má bɔ̀nyaa kɔ ka la ká mi, ka ma bie má màn-bii kəkə kɔ ka la wa. A giala, mà ka a boe la, ka tá a kuubaa sii ka ganaa wa. Haalɛ tɔn pelo, ka a boe la ka tá a kuubaa sii ka ganaa wa.

Korɛnti1 4:8

Kasɛn yiri ni, mà ka yiri bɛ́ màn mɛn ganaa, mà ka ǹ ká bɛ yɛ gɔrɔ! Ka pàãman baa! Ka kiin baa dinin, bɛ̀ wɔsɛn gòɛ̃ ná a ba a-n wa! A n kɔɔ̃n wɔ ganaa ka n baa miɛ̃, ń giɛ, wɔ dɔn tá kii biɛ kun ka nɛ!

Korɛnti2 10:10

A giala, maǹ pii mà maa sɛ́wɔn lɛn tá guguru, ǹ nə́ kaka. Sɛnɛ, mà bɛ̀ ma tá ka li, mà ma pàã a tɛ wa, mà ma a boo dɔ diɛ doɛ̃ wa.

Korɛnti2 11:19

Kasɛn mɛnɛn bɛ́ sii-dɔ̃lin lɛa, min mɛnɛn bɛ́ ǹ mìi we banban, ka ǹ lɛ koe bɛn ganaa ka dinin li.

Korɛnti2 11:29

Die n pàãwɛɛnaa lɛa, man ma a doɛ̃ la wa? Die n sii baraa zɛnɛɛ, a ná a ma kuĩ tɛ lɛa wa?

Korɛnti2 13:9

Bɛ̀ ma á pàãwɛɛnaa lɛa, kasɛn nə́ kaka, ma foo á kɔɔ̃nɛ. Maa Lawa nyankɔ ǹ mìi á ke: Man máa ka min lɛ-piɛ̃ wolen baa goleemali gɔ́ɔ̃ nɛ.

Korɛnti2 4:12

Bɛa yɔrɔ kɛ lɛ la, masɛ n we-n gɛ̀ gɔn, sɛnɛ, bɛ n yiikoonaabaa koe kasɛn la.

Korɛnti2 6:8

Maǹ ma guguru koe, bɛ̀ ǹ sìi dɔ da ma ganaa. Maǹ ma tɔ baraa pii, ǹ ná a bǐɛ̃ dɔ pii. Maǹ giɛ ma ganaa soɛ-bɔle lɛa, a da yaa man sonbore dɔ pii.

Tesaloniki1 4:8

Bɛ lɛ nɛ, bɛ̀ min mɛn nə́ n piã bɛa doroo lɛ nɛ, ǹ dɛnaa bie á n piã ka minbuiin nɛ-n wa, a na á n piã ka Lawa nɛ, asɛ mɛn bɛ́ a Yiri Fu koe ka la.

Piɛrɛ1 4:14

Bɛ̀ ǹ tá sɔ koe ka ganaa Krita tɔ kɛ a lɛa, Lawa á re barka diɛ ka ganaa, a giala, Lawa din Yiri kɛ lɛ guguru ke lɛn, bɛ n ka li.