Korɛnti1 3:8 - LAWA A BOO SONBORE 2011

⁸ Min mɛn bɛ́ zumi ka min mɛn bɛ́ mu kiɛ a ganaa, maǹ goon. Lawa din nə die ǹ didie a saraa koe la, a nya ǹ dí yii li.

LAWA A BOO SONBORE

⁸ Min mɛn bɛ́ zumi ka min mɛn bɛ́ mu kiɛ a ganaa, maǹ goon. Lawa din nə die ǹ didie a saraa koe la, a nya ǹ dí yii li.

Korɛnti1 3:8 ပူးပေါင်းရင်းမြစ်များ

Loen 62:12

Má gunyin gigiã bɔ, bɛ̀ ma Lawa a boo kɛ ma kɛnɛn: mà pàã na asɛ din wɔ lɛa.

Suusun 27:18

Bɛ̀ n nə́ n da gɔnɔn kũ, ń tá re a nɛ bii. Dí-nyali mɛn bɛ́ a mìilandɛnaa guguru koe, ǹ tá re a tɔ boe.

Danayeli sɛ́wɔ 12:3

Min mɛnɛn bɛ́ sii doɛ̃, bɛn tá re tɛ pii ka lon gɔ̀nɔn kɛ bɛ́ lɔn. Min mɛnɛn nə zaman damata daraa peperebaa ganaa, bɛn tá re tɛ pii ka leeren bɛ́ lɔn yǎa duduu.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Luku 19:19

Á pɛ bɛ dɔ nɛ mà a dɔ giã kiwi sooro mìi la kii lɛa.

Rɔmu minin 2:6

Lawa n die min gogoonmaa sarɛɛ, a kɔnpɛ a nya ǹ dí ni.

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Korɛnti1 3:14

Bɛ̀ min mɛn màn dɔ kion gòã-daa kɛ la, tɛ ná a boe la á kuĩ wa, bɛa dɛnaa á re saraa yii.

Korɛnti1 3:7

A n miɛ̃, da-zumuli a màn kɔ́n lɛa wa, a mu-kaali a màn kɔ́n lɛa wa. Lawa dinsɔɔ̃ n màn lɛa. A din nə da lɛ gole koe.

Korɛnti1 3:9

Wɔsɛn man kun Lawa a dí-nyalin lɛa, kasɛn man Lawa a wuru lɛa, á n kɔsɛ. Lawa bɛ́ kion mɛn dɔ doe, ka ǹ bɛ lɛa.

Korɛnti1 4:15

Sonbore ka á doɛ̃, ta min duu fù na á ka daraa Krita a siin ganaa, ka dí n goon toto. Masɛ din nə má Boo Tii Kɔɔ̃n kɛ pɛ ka nɛ, má kaa díi baa, má daa ka nɛ Yezu Krita ganaa.

Korɛnti1 9:7

Die n kun ka sɔraasin ni zia-baali lɛa, a ná a din dɔ a màn-bii boe? Die n dù gɔrɔ dí nyɛɛ, a ná a ba a da nɛ bii wa? Hinlaa, die n tɔɔn lɛduĩ, a ná a ba tɔɔn lɛn nyɔ mii wa?

Galaasi minin 6:4

Didie ga a din a zɛnaa ǹ sii ganaa. Bɛ̀ a tá a din laakalaa ǹ sii lɛa, bɛ n kɔɔ̃n a dinsɔɔ̃ ganaa. Bɛ ba n zoɛ̃ kɔn ka min kɔsɔn wɔ-n wa.

Galaasi minin 6:5

A giala, didie n die a din a guĩ guĩ.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

Piɛrɛ1 5:4

Bɛ̀ Ga Zaman Walan Wole gole lɛ din daa ǹ mɛn pinaa, á re gɔ̀lɔ̀baa ǹ kii bafolo koe ka la, kii bafolo mɛn a siĩnbaa bɛ́ a nyɛɛ duduu wa.

Zaã2 1:8

Ka n yiri kɔ ka dinin li, màn mɛn bɛ́ toɛ kaa tɛ̀fuu giɔ̀mɔ baran papaã wa, sɛnɛ, ka kaa saraa lɛ piɛ̃maa yɛ.

Sii-nyaan 2:23

Ma á re a nɛnyaanan tumaa dii. Ka bɛ nɛ, Lawa a sɔmɔ minin tumaa á re doɛ̃, mà min mɛn bɛ́ minbuiin tumaa a taasiɛn doɛ̃, ka ǹ foo sii duriin ni, mà bɛ n ka masɛ nɛ. Ma á re ka gogoonmaa sarɛɛ, a kɔnpɛ ka a din a sii-zɛnaan nɛ.

Sii-nyaan 22:12

Yezu n pii wɔ-n doo: «Á ke, ma á die kànaa ka boɛɛn nɛ! Man die ka kaa saraan nɛ ma gɔn, man die koe didie tumaa la a sii-zɛnaa yii li.