Korɛnti1 2:9 - LAWA A BOO SONBORE 2011

⁹ Sɛnɛ, a n ka Lawa a sɛ́wɔ bɛ́ á pɛ lɔn: «Min mɛnɛn bɛ́ Lawa narɛ, a màn mɛn zɛnaa á koa bɛn manɛ, min kɔ́n yii bin nə n miã yɛ wa, min kɔ́n too bin ma wa, min kɔ́n a taasiɛ tɔn dɔ a ganaa wa.»

LAWA A BOO SONBORE

⁹ Sɛnɛ, a n ka Lawa a sɛ́wɔ bɛ́ á pɛ lɔn: «Min mɛnɛn bɛ́ Lawa narɛ, a màn mɛn zɛnaa á koa bɛn manɛ, min kɔ́n yii bin nə n miã yɛ wa, min kɔ́n too bin ma wa, min kɔ́n a taasiɛ tɔn dɔ a ganaa wa.»

Korɛnti1 2:9 ပူးပေါင်းရင်းမြစ်များ

Loen 31:19

Ǹ soɛ bɔ ǹ lɛn kɛn lɛn, bɛn lɛn tã. Min mɛn bɛ́ n din bɔlɔ sii, maǹ nə n tìã dii bɛ li, maǹ din koa ǹ boo diɛ a ganaa, ǹ tá a puusə koe.

Izayii 64:4

Min mɛnɛn bɛ́ koe peperebaa lɛ ka foo kɔɔ̃nbaa nɛ, ǹ nə́ n yiri koɛ li ǹ tá koe n ziin kɛn lɛ, maǹ die n diɛ bɛn lɛ. Bɛ̀ n foo yoo, wɔa siɛ̃n lɛa nɛ. Sɛnɛ, bɛ̀ wɔ kɔ lɛlɛ ǹ ziin kɛn lɛ, wɔ á re kirisibiɛ.

Izayii 65:17

A giala, á ke, man die lon dii laanka tán dii zɛnɛɛ. Min kɔn yiri a re goɛ̃ ka lɛlɛ ǹ nɛ duduu wa, haalɛ kɛnɛn dinin wa.

Matiə 20:23

Yezu tɔ́n pɛ ǹ nɛ: «Ka tá re masɛ a là-paparɛɛ kɛ tɔrɔ yii sɛn. Sɛnɛ, min mɛn bɛ́ re giɛ̃ ma gusin hinlaa ma gɔsɛ, masɛ bie bɛ yɔrɔ boe wa. Maa Díi Lawa bǎãn lɛn zɛnaa min mɛnɛn manɛ, bɛa dɛnan wɔn manɛ.»

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Zaã a sɛ́wɔ 3:16

A giala Lawa kanaa narɛ parsiini, yǎa a ná a Nɛgiĩ kɔ, a Nɛgiĩ goon toto, màn mɛn bɛ́ toɛ, bɛ̀ min woo min golee li, ǹ dɛnaa baran bɔ̀n baa wa, sɛnɛ, a nyin nyabaã yɛ.

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Ebrəə 11:16

Sonbore, maǹ nə́ goã giɛ dikion li, màn mɛn bɛ́ soɛ ǹ miãn manɛ, bɛ giala, mà lon wɔ ke. Bɛ lɛ nɛ, bɛ̀ bɛa minin kɛn lɛn tá Lawa bíi, mà ǹsɛn Lawa, a ba sìi lɛa a ganaa wa. Á kiwi zɛnaa ǹ nɛ dinin.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Piɛrɛ1 1:12

Lawa nyaa boo gii-dalin lɛn manɛ, mà boo kɛ lɛ ǹ tá diɛ, mà a bie ǹsɛn wɔ lɛa wa, sɛnɛ, mà kasɛn wɔ nɛ. Kanna, Boo Tii Kɔɔ̃n pɛlen kɛn man nə́ bɛa boo kɛ lɛ saa, ǹ nə́ pɛ ka nɛ ka Yiri Fu pàã nɛ, Lawa Yiri Fu mɛn dia á bɔ lon ke lɛn. Haalɛ lon a dia dí-a wolen dinin man giɛ li, ǹ nə n yii wɔ bɛa boo kɛ lɛ gɔ́ɔ̃ nɛ, ǹ na a giala ma.

Zaã1 4:19

Wɔsɛn wɔ paǹ li, wɔ ǹ Lawa narɛ, a giala, Lawa na á wɔ narɛ bibinaanɛ.