Korɛnti1 2:7 - LAWA A BOO SONBORE 2011

⁷ Haayii, Lawa a sii-doɛ̃ mɛn bɛ́ durii-n minbuiinin la, man bɛ yɔrɔ pii ka nɛ. Kanaa bɛ́ a tɔn nə n giala kɔ wa, Lawa din sii-doɛ̃ mɛn yɔrɔ bɔ, a n zoɛ̃ mà a na a tɔ golebaa gii kɔn ka wɔ nɛ, bɛ nɛ. Sɛnɛ, a na á toa durii ni.

LAWA A BOO SONBORE

⁷ Haayii, Lawa a sii-doɛ̃ mɛn bɛ́ durii-n minbuiinin la, man bɛ yɔrɔ pii ka nɛ. Kanaa bɛ́ a tɔn nə n giala kɔ wa, Lawa din sii-doɛ̃ mɛn yɔrɔ bɔ, a n zoɛ̃ mà a na a tɔ golebaa gii kɔn ka wɔ nɛ, bɛ nɛ. Sɛnɛ, a na á toa durii ni.

Korɛnti1 2:7 ပူးပေါင်းရင်းမြစ်များ

Loen 78:2

Man die n lɛ buĩ ma boo giməə da, man die lɛlɛ siin pii ka nɛ.

Matiə 11:25

A din waáraa kɛ lɛ nɛ, Yezu pɛ: «Ma Di Lawa ganaa, lon laanka tán a Dɛnaa, masɛ n barka diɛ n nɛ. A giala n din ni ń siin kɛn duru sii-dɔ̃lin laanka yiridɛnan la, ń nyaa baãnaanan manɛ.

Matiə 13:35

A na á goã zɛnɛɛ miɛ̃, màn mɛn bɛ́ toɛ, Lawa a boo gii-dali màn mɛn pɛ, bɛ lɛ lɛ pã. A na á pɛ: Masɛ á die n lɛ buĩ ma boo giməə da ǹ nɛ. Masɛ á die n lɛ buĩ ma sii-duriin boo da, ǹ mɛnɛn bɛ́ durii-n haalɛ kanaa diɛ biikoo li.

Rɔmu minin 11:25

Ma dɔɔ̃nɔn lɛn, man giɛ li ma sii-durii goon nyaa ka nɛ, màn mɛn bɛ́ toɛ, ka baran ka dinin baa sii-dɔ̃lin lɛa wa. Sonbore ne, Zuifun gigiã yiri tã, ǹ ba boe la ǹ tá màn kɔ́n giala miɛ wa. Sɛnɛ, bɛa re beleboe wa. A n die goɛ̃ miɛ̃, yǎa Lawa din a bíi wolen kɛn tumaa tɔrɔn kɔsɔn bii, bɛn nə die a ganaa ǹ nyɛɛ.

Rɔmu minin 8:29

A giala, Lawa din bɛ́ á saa lɛlɛ á min mɛnɛn bɔ, a din na á bɛn kaa ǹ gɔrɔn. A na á ǹ baa a Nɛgiĩ a kɔnboen lɛa, ǹ nə́ ǹ diɛ̃n lɛa, màn mɛn bɛ́ toɛ, Nɛgiĩ lɛ goã gole ǹ bii.

Rɔmu minin 8:30

Lawa din bɛ́ á min mɛnɛn kaa ǹ gɔrɔn, a din na á bɛn bíi, mà ǹ na asɛ a minin baa. A min mɛnɛn bíi, a din na á lɛ kɔ bɛn ganaa min peperen lɛa. A din lɛ kɔ min mɛnɛn ganaa min peperen lɛa, á gugurubaa kɔ bɛn la.

Korɛnti1 2:1

Ma dɔɔ̃nɔn lɛn, masɛ dinmaa bɛ́ ma daa ka li, ma bie ma Lawa a sii-durii kɛ laakalaa ka nɛ, ka boo dadaran nɛ, ka sii-doɛ̃-n wa.

Efɛɛzi minin 1:4

Wɔa tá kun ka Krita-n lɛ a lɛa nɛ, Lawa wɔ bɔ a din wɔn lɛa, bɛ̀ a bɛ́ a tɔn kanaa zɛnaa wa. A n mà wɔ goã min sonboren lɛa a din yɔrɔ-a, zɛ̀rɛ ná a ba wɔ ganaa wa. A din a kɔn-narɛɛ gɔ́ɔ̃ nɛ,

Efɛɛzi minin 3:10

A na á bɛ zɛnaa, màn mɛn bɛ́ toɛ, lon màn pàãdɛnan laanka ǹ goledɛnan na a sii-doɛ̃ gole kɛ dɔ̃ kanna, ka a sɔmɔ kɛ barka nɛ.

Timote2 1:9

Lawa din na á wɔ kirisibaa, á wɔ bíi á wɔ baa a din a minin lɛa. Wɔa zɛnaa ǹ siin lɛa bie wa; sɛnɛ, a na á wɔ bíi, a giala, mà a din foo sii ni. Haalɛ kanaa bɛ́ a tɔn nə n giala kɔ wa, a din na á bǐɛ̃ baa wɔ la ka Yezu Krita nɛ.

Ebrəə 1:2

Sɛnɛ sisia, giala-nyɔmiɛ biikoo kɛ li, Lawa na á boo da wɔ nɛ, ka a din a Nɛgiĩ kɛ barka nɛ. Lawa na á kanaa da ka bɛa Nɛgiĩ kɛ lɛ pàã nɛ, a na á ná a din dɔ bɔ á koa, mà a màn din tumaa a dɛnaa baa.

Ebrəə 11:3

Golee Lawa li n toɛ, wɔ á doɛ̃ wáa Lawa na á kanaa da ka a boo ne. Bɛ lɛ nɛ, wɔ yii bɛ́ kanaa mɛn ganaa, bɛ bie á n zɛnaa ka màn yɛ ka yii-n wole-n wa.

Piɛrɛ1 1:11

Krita Yiri mɛn goã Lawa a boo gii-dalin lɛn li, bɛ na á saa lɛlɛ á nyaa ǹ nɛ, mà Krita lɛ á re fuu yii, mà bɛa fuun lɛn kio, mà á re wusii a gugurubaa yɛ. Lawa a boo gii-dalin lɛn man nə́ goã giɛ li ǹ dɔ̃, Krita Yiri bɛ́ á boon mɛnɛn nyaa ǹ nɛ, mà bɛn man die n zɛnɛɛ wàa biikoo laanka wàa siin li.

Piɛrɛ1 5:1

Min mɛnɛn bɛ́ ka bii, ǹ nə́ Lawa a sɔmɔ lɛ a minin nyɛɛnaandɛnan lɛa, man kɔn ka bɛn nɛ sisia. Ma dɔ dinmaa lɛ n nyɛɛnaandɛnaa lɛa. *Krita fuun mɛnɛn yɛ, ma bɛn yɛ ma yii ni, ma nə ǹ siére lɛa. Krita lɛ bɛ́ re die ǹ mɛn pinaa, ma á re maa wɔ gii yii a gugurubaa kɛ nɛ. Ma á màn mɛn nyankoe bɛa nyɛɛnaandɛnan lɛn lon, bɛ n ka kɛ nɛ:

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Piɛrɛ2 1:3

Sonbore ne, wɔ laadoo bɛ́ màn mɛn tumaa ganaa, wɔ boo la wɔ tɔ wɔ ka nyɛ́ɛbaa Lawa yii-n ni, Dɛnaa na á bɛ kɔ wɔ la ka a din pàã nɛ. Wɔ n bɛ tumaa yii, bɛ̀ wɔ á Dɛnaa doɛ̃, asɛ mɛn bɛ́ á wɔ bíi, wɔ́ daa a ganaa, ka a din a gugurubaa laanka a sonborebaa barka nɛ.

Sii-nyaan 13:8

Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.