Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Korɛnti1 2:15 - LAWA A BOO SONBORE 2011

15 Lawa a Yiri Fu bɛ́ min mɛn lon, bɛa dɛnaa á boe la a sii tumaa bɔ kɔn lɛ. Sɛnɛ, min kɔ́n ba boe la a kiri wɔ asɛ ganaa doɛ̃ wa.

အခန်းကိုကြည့်ပါ။ ကော်ပီ

LAWA A BOO SONBORE

15 Lawa a Yiri Fu bɛ́ min mɛn lon, bɛa dɛnaa á boe la a sii tumaa bɔ kɔn lɛ. Sɛnɛ, min kɔ́n ba boe la a kiri wɔ asɛ ganaa doɛ̃ wa.

အခန်းကိုကြည့်ပါ။ ကော်ပီ




Korɛnti1 2:15
21 ပူးပေါင်းရင်းမြစ်များ  

Bɛ lɛ n ke má tɔ́n pɛ ma din gɔ́ɔ̃ nɛ: «Lawa die a toa maa dɛnaagiĩ kii a boo lɛ yii-nyɛɛ kɔ ma la. A giala, maa dɛnaagiĩ n goon ka Lawa a lon a dia dí-a wole bɛ́ lɔn.» A tá sii bǐɛ̃ laanka a baraa a bɔkɔnlɛ doɛ̃. Dɛnaa Lawa mɛn bɛ́ a Lawa lɛa, Bɛ die a n dɔ lɛ.


Min mɛnɛn bɛ́ nyɛ́ɛ biɛ Dɛnaa Lawa nɛ, a nə n gɔ́ɔ̃ pii bɛn manɛ, a na a lɛ kɔ kɔn la ǹ boo lɛ giala pii bɛn manɛ.


Min baraa ba boo kɔn giala miɛ dí-pɛn gɔ́ɔ̃-n wa. Sɛnɛ, min mɛnɛn bɛ́ giɛ Dɛnaa Lawa li, bɛn ta a tumaa giala miɛ.


Min mɛn bɛ́ gɔn-waa sii, sii a re bɛa dɛnaa yii wa. Sii-dɔ̃li á doɛ̃, mà ǹ kɔn pinaa, mà kiri tan.


Bɛ̀ min mɛn tá li a Lawa foo sii zɛnaa, bɛa dɛnaa á die doɛ̃ bɛ̀ maa doɛ̃ lɛ n boe Lawa li, hinlaa masɛ dinmaa li.


A na á goã Pooli gɔ́ɔ̃ nɛ a wo-n kun ka a din ni. Pooli kũ á kuru, Zuifun mɛnɛn bɛ́ bɛa bǎãn lɛn nɛ, a na á zɛnaa bɛn lɛa, a giala, ǹ tumaa goã doɛ̃ sonbore, mà Timote lɛ di na á goã Grɛki lɛa.


Bɛ̀ min mɛn tá taasɛ ma asɛ n Lawa a boo gii-dali lɛa, hinlaa mà Yiri Fu a bǐɛ̃baa ǹ màn kɔ́n tá asɛ lon, a doamaa nɛ a dɔ̃, mà sɛ́wɔ ke ma á diɛ ka la, mà Dɛnaa din a dí-pɛ nɛ.


Ma dɔɔ̃nɔn lɛn, ma boo la má boo da ka nɛ ka Yiri Fu bɛ́ min mɛnɛn nɛ wa. Sɛnɛ, a n ka man má boo da ka gɔ̀nɔn foo sii zɛnaa wolen ne, ǹ nə́ ka nɛnyaan bɔnboɛɛnɛn bɛ́ lɔn *Krita a sii gɔ́ɔ̃ nɛ.


Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.


Ma dɔɔ̃nɔn lɛn, bɛ̀ ka min kũ sã ǹ sii zɛnɛɛ, kasɛn mɛnɛn bɛ́ Lawa a Yiri Fu n ka li, ka toa ka da zii pepere la. Sɛnɛ, ka zɛnaa ka foo-basiɛ̃ nɛ a wɔ paǹ li. Ka ga ka dinin walan, ka nyan toa ǹ ka bebere ǹ ka da sii-n wa.


màn mɛn bɛ́ toɛ, ka sii sonbore gɔgɔɔ̃ doɛ̃. Bɛa yɔrɔ lɛ la ka á re goɛ̃ *yoreen ne, ǹ ba re boe la ǹ ka zɛ̀rɛ baa ka sii kɔ́n nɛ, Krita a lɛawaa kɛ a pinaa wa.


Bɛ lɛ nɛ, a kũ boo kɛ lɛ a miɛ pinaa ganaa kaa wɔ gɔn la, wɔ ǹ Lawa nyankoe kaa lɛa biikoo tumaa li. Wɔ ǹ Lawa nyankoe wáa a sii-doɛ̃ kɔ ka la parsiini, a yiri kɔɔ̃n kɔ ka la, a din a Yiri Fu barka nɛ, a toa ka a din dùũ siin dɔ̃.


Sɛnɛ, ka ga sii tumaa ganaa doɛ̃, ka a bɔkɔnlɛ wɔ; ǹ mɛn bɛ́ siĩni ka lɛ kɔ bɛ ganaa.


Sɛnɛ, min golen sɛn, màn-bii kaka nə ǹsɛn wɔ lɛa. Baraabaraa a sii-zɛnaa nə́ ǹsɛn daraa, sii bǐɛ̃ laanka a baraa dɔ̃ a bɔkɔnlɛ ganaa.


Kasɛn wɔ paǹ li, Krita Yiri Fu mɛn kɔ ka la, bɛ lɛ n toɛ ka tumaa á sonbore doɛ̃.


Maa giaáran lɛn, minin mɛnɛn bɛ́ n dinin biɛ Lawa Yiri kɛ a dɛnan lɛa, ka nyan golee bɛn tumaa li wa. Ka n da ǹ gɔ́ɔ̃ li bɔrɔ ka ga ǹ ganaa, bɛ̀ ǹ yiri lɛ n boe Lawa li. A giala, Lawa a boo gii-dali soɛ-bɔlen nə́ mɔnaa kanaa lɛ gɔ́ɔ̃ nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ