Korɛnti1 2:1 - LAWA A BOO SONBORE 2011

¹ Ma dɔɔ̃nɔn lɛn, masɛ dinmaa bɛ́ ma daa ka li, ma bie ma Lawa a sii-durii kɛ laakalaa ka nɛ, ka boo dadaran nɛ, ka sii-doɛ̃-n wa.

LAWA A BOO SONBORE

¹ Ma dɔɔ̃nɔn lɛn, masɛ dinmaa bɛ́ ma daa ka li, ma bie ma Lawa a sii-durii kɛ laakalaa ka nɛ, ka boo dadaran nɛ, ka sii-doɛ̃-n wa.

Korɛnti1 2:1 ပူးပေါင်းရင်းမြစ်များ

Bɔ bɛ̀rɛbaa nɛ 4:10

Muizu pɛ Dɛnaa nɛ: «Dɛnaa, ma nə n nyankoe, masɛ a boe boo la wa. Bɛ bie á n giala kɔ gunun wa, giĩ bie wa, a kũ n din a boo da masɛ-n ganaa, ma tɔn nə n bɔyaa wa. Ma lɛ á guguru.»

Izayii 8:20

ka die ka ǹ lɛ si kɛnɛn: «Wɔ doamaa nɛ, wɔ kɔ Dɛnaa Lawa a boon laanka a doroon lɛ.» Min mɛn bɛ́ a zɛnɛɛ miɛ̃ wa, bɛa re baayɛlɛ a wɔlɔ fúlu yii wa.

Nya ǹ dín 20:21

Masɛ a siérebaa toa Zuifun laanka tɔrɔ kɔsɔn nə́ n bɔyaa, ǹ nə́ daa Lawa ganaa, ǹ nə́ golee wɔa Dɛnaa Yezu li.

Nya ǹ dín 22:18

Dɛnaa nɛ, á pɛ ma nɛ: «Haya! Soo fufuu n nə n bɔ Zeruzalɛmu, a giala, n bɛ́ re siérebaa ǹ boo mɛn pii masɛ lɛa ke, kiwi lɛ a minin ba re sii wa.»

Rɔmu minin 16:18

A giala, bɛa minin kɛn lɛn bie dí nyɛɛ wɔa Dɛnaa Krita-n wa, maǹ dí nyɛɛ ǹ dinin nɔ̀ nɛ. Maǹ yiri baãnaanan siɛ̃, ka ǹ minin bebele ǹ boo paparɛn kɛn nɛ.

Rɔmu minin 16:25

Ka daa wɔ barka da Lawa nɛ! Á boe la a wɔ pàã gole kɔ golee a din li gɔ́ɔ̃ nɛ. Bɛ nə n zɛnɛɛ a Boo Tii Kɔɔ̃n kɛ barka nɛ man pii. Man bɛa Boo Tii Kɔɔ̃n kɛ lɛ pii, Yezu Krita wɔ gɔn la. Bɛa boo lɛ n sonbore durii kɔ́n nyɛɛ wɔ nɛ, sonbore mɛn bɛ́ á goã durii ni haalɛ lɛlɛ-lɛlɛ.

Korɛnti1 1:17

Krita masɛ dia batɛmu diɛ wa. Sɛnɛ, a na á ma dia Boo Tii Kɔɔ̃n kɛ pii minin manɛ. Ma bie má pɛ ka ma din a yiridɛnaabaa boon ne, n ma yaa barka boe Krita a gã gɔn ganaa kɛ-n wa.

Korɛnti1 1:6

Ka siérebaa ǹ boo mɛn ma Krita wɔ paǹ li, bɛ giã ka nɛ, á pàã yɛ.

Korɛnti1 2:13

Wɔ bie boo diɛ ka minbuiinin minin daraa ǹ yiri-n wa, sɛnɛ, wɔ ǹ diɛ ka Lawa a minin daraa ǹ yiri ni. A n miɛ̃, Yiri Fu n goɛ̃ min lon, bɛ̀ wɔ tɔn boo la wɔ Lawa a sii taãn nyaa nɛ.

Korɛnti1 2:4

Maa boo ne, ka maa laakalaa ǹ gɔn nɛ, ǹ kɔ́n goã sii-dɔ̃ ǹ lɛ gɔ́ɔ̃ boo lɛa wa. Sɛnɛ, Yiri Fu pàã màn mɛn kɔ ma la, man má bɛ dinsɔɔ̃ a sii nyaa ka nɛ.

Korɛnti1 2:7

Haayii, Lawa a sii-doɛ̃ mɛn bɛ́ durii-n minbuiinin la, man bɛ yɔrɔ pii ka nɛ. Kanaa bɛ́ a tɔn nə n giala kɔ wa, Lawa din sii-doɛ̃ mɛn yɔrɔ bɔ, a n zoɛ̃ mà a na a tɔ golebaa gii kɔn ka wɔ nɛ, bɛ nɛ. Sɛnɛ, a na á toa durii ni.

Korɛnti2 10:10

A giala, maǹ pii mà maa sɛ́wɔn lɛn tá guguru, ǹ nə́ kaka. Sɛnɛ, mà bɛ̀ ma tá ka li, mà ma pàã a tɛ wa, mà ma a boo dɔ diɛ doɛ̃ wa.

Korɛnti2 11:6

Ma a boo diɛ doɛ̃ wa, bɛ á taãn biɛ. Sɛnɛ, màn-doɛ̃ wɔ paǹ li, màn kɔ́n ma nyaabaa wa. Ma bɛ sɛ nyaa ka-n foaãnɛ biikoo tumaa li, sii tumaa gɔ́ɔ̃ nɛ.

Tesaloniki2 1:10

Min mɛnɛn bɛ́ a wɔn lɛa ǹ nə́ golee-n li, bɛn tá re a guguru koe, ǹ nə n kaãbaa a ganaa a daa pinaa. Ka dɔn tá re goɛ̃ kun ka bɛa dɛnan kɛn lɛn nɛ, a giala, wɔ siére mɛn pɛ ka nɛ, ká golee li.

Timote1 1:11

Màn mɛn bɛ́ kɔnpii ka Boo Tii Kɔɔ̃n kɛ nɛ, á n kɔ ma la, bɛ lɛ n ka bɛ nɛ. Lawa mɛn bɛ́ gugurubaa ná a lon, a sii tumaa lɛ n piɛ̃ nɛ, bɛ lɛ a boo ne.

Timote2 1:8

Bɛ lɛ taman yii, n doa n siére pɛ Dɛnaa wɔ gɔn la, n baran sìi kɔ wa. Masɛ mɛn dɔ bɛ́ kòso nɛ lɛa a din lɛ taman yii, ma dɔ a sii baran sìi da n ganaa wa. Sɛnɛ, lɛ kɔ nɔmaa ganaa ka masɛ bɛ́ lɔn, Boo Tii Kɔɔ̃n kɛ a lɛa, Lawa á die a sii simaganaa ǹ pàã koe n la.

Zaã1 4:14

Wɔsɛn yii yɛ, wɔ na a siére pii, wáa Díi Lawa na á ná a Nɛgiĩ dia, mà a kanaa kirisibaali baa.

Sii-nyaan 1:2

Zaã bɛ́ á sii mɛn tumaa yɛ, a dɔ́ bɛ laakalaa. Boo mɛn bɔ Lawa li, ka Yezu Krita sonbore mɛn nyaa nɛ, a n bɛn pii kanna.

Sii-nyaan 1:9

Masɛ Zaã, man ka dɔɔ̃n lɛa, man kun ka nɛ kaa fuun gɔ́ɔ̃ nɛ, ma nə́ n yii diɛ *Lawa a kiibaa kɛ a daa la, ma nə foo kuĩ, a giala man doa kɔn Yezu ni kun ka nɛ. Man gùli lɛa Patmɔsi gána nɛ, mu nə ǹ mɛn lɛ da bii, a giala mà man Lawa a boo diɛ, ka taãn pɛ kɛ nɛ Yezu nyaa ma nɛ.

Sii-nyaan 19:10

Má kaa tán lon a dia dí-a wole lɛ giulun, máa ma na a guguru koe. Sɛnɛ, á pɛ ma nɛ: «N nyan toa n bɛ zɛnaa wa! Lawa din sɔɔ̃ guguru kɔ. Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃nɔn mɛnɛn bɛ́ Yezu boo taãn nyaa ǹ nɛ, a nə́ ǹ gɔn.» Yezu boo taãn mɛn nyaa, a din ni Yiri Fu nyaa Lawa a boo gii-dalin dɔn manɛ.