Korɛnti1 16:1 - LAWA A BOO SONBORE 2011

¹ Ka bɛ́ dɔmalɛ ǹ màn mɛn boboe Zeruzalɛmu a Lawa a sɔmɔ minin lɛa, bɛa boon man ke ma á re diɛ ka nɛ. Má a yɔrɔ nyaa Galaasin Lawa a sɔmɔ minin ni lɔn, ka dɔn nə kɔ lɛ ka zɛnaa miɛ̃ sɔnbɔraanɛ.

LAWA A BOO SONBORE

¹ Ka bɛ́ dɔmalɛ ǹ màn mɛn boboe Zeruzalɛmu a Lawa a sɔmɔ minin lɛa, bɛa boon man ke ma á re diɛ ka nɛ. Má a yɔrɔ nyaa Galaasin Lawa a sɔmɔ minin ni lɔn, ka dɔn nə kɔ lɛ ka zɛnaa miɛ̃ sɔnbɔraanɛ.

Korɛnti1 16:1 ပူးပေါင်းရင်းမြစ်များ

Nya ǹ dín 11:28

Ǹ goon mɛn tɔ bɛ́ Agabusu, Yiri Fu nyaa bɛ nɛ á pɛ, mà bòo gole á die we kanaa paǹ din tumaa nɛ. Sonbore, bɛa bòo lɛ wɔ Klodo a kiibaa wasa nɛ.

Nya ǹ dín 11:30

Ǹ nə́ bɛ lɛ zɛnaa, ǹ nə́ kɔ Barnabaasi laanka Sooli la, mà ǹ wo wɔ Lawa a sɔmɔ minin lɛn nyɛɛnaandɛnan gɔn Zeruzalɛmu kiwi.

Nya ǹ dín 16:6

Pooli laanka Silaasi Frizii laanka Galaasi gána wɔsɔ, a giala, Yiri Fu lɛ kɔ ǹ la mà ǹ Lawa a boo pɛ Azii gána-n wa.

Nya ǹ dín 18:23

Á biikoo kɔ́n zɛnaa walan, bɛ kio, á wusoo á zii kũ doo, á woo Galaasi gána nɛ ka Frizii gána nɛ, bɛ̀ a ǹ Lawa-nyankɔlen foo taã.

Nya ǹ dín 24:17

Lɛ̀ gigiã á kiɛ̃ kio, má wusoo má daa dɔmalɛ ǹ màn kɔ ma tɔrɔ minin la, má daa dɔn, má *wúlu màn bɔ má kɔ Lawa la Zeruzalɛmu.

Nya ǹ dín 9:13

Ananiasi pɛ: «Dɛnaa, masɛ min gigiã lɛ ma boo diɛ giĩ kɛ lɛ wɔ gɔn la, ka a bɛ́ á sii baraan mɛnɛn zɛnaa Dɛnaa din a minin kɛn manɛ Zeruzalɛmu.

Nya ǹ dín 9:41

Piɛrɛ kũ a gɔn ganaa, á n dɔ lɛ á yoo lon. Á tɔ́n lɔ giɔɔrɔn lɛn bíi, ka Lawa-nyankɔle gialakunun kɛn nɛ, á Tabita lɛ nyaa ǹ nɛ a yii n koo.

Rɔmu minin 12:13

Ka n doa ka Lawa-nyankɔlen laadoo bǐɛ̃ kɔ, ka tiin kũ doɛ̃ sɔnbɔraanɛ.

Korɛnti1 11:34

Bɛ̀ bòo tá min mɛn ganaa, a màn bii piɛ, ń giɛ kaa lɛsɔkɔn lɛ nyan nə n baa kaa dɔlɔ damala ǹ sii lɛa Lawa gunun wa. Sii gialakunun kɛn, bɛ̀ ma din daa biikoo mɛn li, ma á re bɛn yɔrɔ boe.

Korɛnti1 16:15

Dí goon nə ke doo, ma dɔɔ̃nɔn lɛn: Ka á doɛ̃ mà Tefanaasi laanka a kion minin man nə́ golee Lawa li bibinaanɛ Grɛki gána nɛ. A kũ bɛ lɛ ganaa, ǹ nə́ n dinin kɔ, ǹ nə́ dí nyɛɛ Lawa a sɔmɔ minin manɛ.

Korɛnti1 4:17

Bɛ lɛ a lɛa nɛ, ma á Timote diɛ ka li. A n maa nɛ narɛɛ wole lɛa wɔa Dɛnaa wɔ gɔ́ɔ̃ nɛ, má foo n doa-n a ganaa. Ma dinmaa a giã ǹ gɔn bɛ́ lɔn, á re ka yiri diɛ bɛ nɛ, má ka daraa siin mɛnɛn ganaa, kaa tá kun ka Yezu Krita-n a lɛa, á re bɛn dɔn nyɛɛ ka nɛ. A din daraa ǹ gɔn goon ne, ma á pii bǎã tumaa nɛ Lawa a sɔmɔn gɔ́ɔ̃ nɛ.

Galaasi minin 1:2

Dɔɔ̃nɔn mɛnɛn tumaa bɛ́ kànaa kun ka masɛ nɛ, wɔ n fòo diɛ kasɛn Galaasi gána a Lawa a sɔmɔn manɛ.

Galaasi minin 2:10

Ǹ boo n ka kɛ dinsɔɔ̃ nɛ, ǹ nə́ da wɔ nɛ. Mà wɔ n yiri koa ǹsɛn Lawa a sɔmɔ a doobaan li Zeruzalɛmu. Masɛ dɔ́ ga bɛ lɛ walan sɔnbɔraanɛ má zɛnaa.

Filemɔn 1:7

Ma dɔɔ̃n-giĩ Filemɔn, n dɔɔ̃nɔn narɛɛ lɛ foo kɔɔ̃nbaa gole laanka foo tãbaa sonbore kɔ ma la. Bɛa kɔn-narɛɛ lɛ na á dɔɔ̃nɔn lɛn tumaa foo kɔɔ̃n kɔ.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

Zaã1 3:17

Bɛ̀ min pàãma goon yii nə ǹ dɔɔ̃n ganaa laadoo-dɛnaa lɛa, a nə́ n tiɛ̃ a ganaa a din gɔ́ɔ̃ nɛ, a n siɛ lɔn a pɛ mà Lawa narɛɛ tá asɛ foo ne?