Korɛnti1 14:3 - LAWA A BOO SONBORE 2011

³ Sɛnɛ, min mɛn bɛ́ Lawa a boo gii diɛ, bɛ n boo diɛ minbuiinin ni, a nə́ n doe ǹ lɛ, a tá ǹ foo taɛ̃, a tá ǹ foo basɛ̃.

LAWA A BOO SONBORE

³ Sɛnɛ, min mɛn bɛ́ Lawa a boo gii diɛ, bɛ n boo diɛ minbuiinin ni, a nə́ n doe ǹ lɛ, a tá ǹ foo taɛ̃, a tá ǹ foo basɛ̃.

Korɛnti1 14:3 ပူးပေါင်းရင်းမြစ်များ

Luku 3:18

Bɛa gòã kɛ lɛ la, Zaã na á goã Boo Tii Kɔɔ̃n kɛ pii minin manɛ, ka foo doa ǹ boo gigiã kɔsɔn nɛ doo.

Nya ǹ dín 13:15

Muizu a Landa sɛ́wɔ laanka Lawa a boo gii-dalin sɛ́wɔ pɛ kio, lɛsɔkɔn kion lɛ a goledɛnan nə́ pɛ ǹ nɛ: – Wɔ dɔɔ̃nɔn lɛn, bɛ̀ kɔn doroo hinlaa kɔn foo taã ǹ boo kɔ́n tá ka lɛ-n, ka n die pii zaman nɛ, zii tan.

Nya ǹ dín 14:22

Ǹ nə́ Lawa-nyankɔlen foo taã bɛa kiwin lɛn nɛ, ǹ nə́ ǹ nyankɔ mà ǹ nə n doa ǹ wo nyɛɛnɛ golee Lawa li gɔ́ɔ̃ nɛ. Ǹ nə́ pɛ ǹ nɛ, mà ǹsɛn doamaa nɛ ǹ nɔmaa gigiã bii wɔsɔ ǹ kiɛ̃, ǹ tɔn wɔ Lawa kiibaa ǹ bǎã lɛ nɛ.

Nya ǹ dín 15:32

Zudaasi laanka Silaasi bɛ́ Lawa a boo gii-dalin lɛa, ǹ nə́ biikoo gigiã saa ǹ nə́ boo da ǹ nɛ, ǹ nə́ n dɔ ǹ lɛ, ǹ nə́ ǹ foo taã.

Nya ǹ dín 4:36

Bɛ lɛ nɛ, giĩ goon dɔ́ zɛnaa miɛ̃. Bɛa giĩ lɛ tɔ na á goã Zozɛfu, Siipri gána min ni, Levii tɔrɔ lɛa, dia dí-a wolen man nə́ goã bíi Barnabaasi, bɛ giala, mà "Minin foo-taãli".

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Rɔmu minin 12:8

Bɛ̀ minin foo taã n min mɛn wɔ lɛa, bɛ dɔ minin foo taã. Bɛ̀ Lawa wɔ gii bɔ n min mɛn wɔ lɛa, bɛ dɔ bɛ zɛnaa ka foo sonbore ne. Bɛ̀ min mɛn dɔ n minin nyɛɛnaan boe, bɛa dɛnaa dɔ bɛ zɛnaa sɔnbɔraanɛ. Bɛ̀ min mɛn dɔ n doobaan goe màn nɛ, a zɛnaa ka foo kɔɔ̃n nɛ.

Rɔmu minin 14:19

Sii mɛn bɛ́ toɛ, wɔ goã là nyantoro la kun, wɔ n dɔ kɔn lɛ, wɔ pàã yɛ kun golee Lawa li gɔ́ɔ̃ nɛ, ka daa wɔ n doa wɔ ga bɛ li.

Rɔmu minin 15:2

Min gogoonmaa n siĩni a ga li, mà a kɔɔ̃n kɔ ǹ miã kɔsɔ ganaa. Bɛ nə n baa sii bǐɛ̃ lɛa, a n dɔ ǹ miã lɛ lɛ, a wo nyɛɛnɛ golee Lawa li gɔ́ɔ̃ nɛ.

Korɛnti1 10:23

Min tɛnɛn man pii: «Ǹ nə́ lɛ kɔ wɔ la ka màn tumaa nɛ.» Hiĩ, sɛnɛ, màn tumaa ba siĩn wa. «Ǹ nə́ lɛ kɔ wɔ la ka màn tumaa nɛ.» Sɛnɛ, màn tumaa là ba ka dɔɔ̃n kɔsɔn kɛn ganaa wa.

Korɛnti1 14:12

A din goon ne ka ka dɔn wɔ nɛ. Ka bɛ́ giɛ Yiri Fu a bǐɛ̃baa ǹ mànan li, ka ga ǹ li taãn-taãnɛ, sɛnɛ, ka zɛnaa Lawa a sɔmɔ kɛ a dɔmalɛ taman yii.

Korɛnti1 14:17

Haalɛ ta n barka da ǹ Lawa nyankɔ lɛ á siĩni, a dɔmalɛ lɛa n miã kɔsɔ kɛ lɛ ganaa wa.

Korɛnti1 14:26

A nə n pii kɛ ganaa mà wàa, ma dɔɔ̃nɔn lɛn? Bɛ̀ ka n lɛ sɔkɔn ka á Lawa guguru koe, loe n min goon li, minin daraa n kɛ dɔ li. Lawa sii mɛn nyaa, bɛ n kɔsɔ li, kɔsɔ dɔ n boo diɛ ka bɔlɔ soree ne, kɛ dɔ n bɔlɔ soree lɛ giala pii. Sɛnɛ, ka toa bɛ tumaa boo la a n dɔ Lawa a sɔmɔ lɛ.

Korɛnti1 14:31

Ka tumaa á boe la ka Lawa a boo gii-dalibaa ǹ boo da, sɛnɛ, ka da kɔn kio, ń giɛ min tumaa a boe la, a daraa yɛ a nɛ ka foo tãbaa nɛ.

Korɛnti1 8:1

Bɛ̀ á daa dì wúlu bɔ ǹ siĩ boo wɔ paǹ li, sonbore ne, «wɔ tumaa á màn doɛ̃,» ka ka tɛnɛn bɛ́ pii lɔn. Màn-doɛ̃ kɛ lɛ n minbuiin piɛ̃ gole koe, sɛnɛ, kɔn-narɛɛ n wɔa goleemali gole koe.

Korɛnti2 1:4

Lawa din nə ma foo taɛ̃ maa fuu-yɛ tumaa gɔ́ɔ̃ nɛ. Ma foo tãbaa mɛn yɛ a din li, a n mà ma boo la ma fuu-yɛlen tumaa foo taã ka bɛ lɛ nɛ.

Korɛnti2 2:7

Bɛ lɛ nɛ sisia, ka bǐɛ̃ kɔ ka a sii toa nɛ, ka a foo taã, ń giɛ foo-ziziɛ̃ gole nyan saa a bɔ a yiri la wa.

Efɛɛzi minin 4:29

A kɔnboe boo baraa kɔ́n bɔ ka lɛ-n wa. Sɛnɛ, bɛ̀ ka á boo diɛ, a goã boo sonbore lɛa, á n boe la á n doe min kɔsɔ lɛ, á n bǐɛ̃ zɛnɛɛ a ma wolen ne.

Efɛɛzi minin 6:22

Man diɛ ka li bɛ lɛ tɔ ganaa, máa a da wɔa giã ǹ gɔn pɛ ka nɛ, a ka foo taã nɛ.

Kolɔɔsi minin 4:8

Man diɛ ka li a tɔ-a, màn mɛn bɛ́ toɛ, a wɔ boo pɛ ka nɛ, a ka foo taã dɔn.

Tesaloniki1 2:11

Ka á doɛ̃ dɔn, wɔ ǹ wɔ́ ka dinin gogoonmaa kũ, ka díi bɛ́ a nɛnyaanan kuĩ lɔn.

Tesaloniki1 2:3

A giala, wɔ bɛ́ minin bíi sii mɛn ganaa, sã ba a-n wa, wɔ bie pii ka taasiɛ naarɛ kɔsɔn nɛ wɔ yiri-n wa, wɔ bie pii wɔ á min kɔ́n siɛ̃-n wa.

Tesaloniki1 3:2

má ma dɔɔ̃n Timote dia ka li. A dɔ n Lawa a dí nyɛɛ ka masɛ bɛ́ lɔn, á n Boo Tii Kɔɔ̃n pii *Krita wɔ gɔn la. Man má dia ka li, máa a ka gù we yii, a ka foo taã kaa goleemali gɔ́ɔ̃ nɛ,

Tesaloniki1 4:1

Bɛ tumaa woo a n tiləə, dɔɔ̃nɔn lɛn, ka doamaa bɛ́-n ka tɔ wɔ lɔn, ka sii tɔn kɔɔ̃n kɔ Lawa ganaa, wɔ́ ka daraa bɛ ganaa. Sonbore, ka n tɔ we miɛ̃; sɛnɛ sisia, wɔ ǹ ka nyankoe parsiini ka wɔa Dɛnaa Yezu tɔ nɛ, wáa ka n doa ka wusoo ka màn da li.

Tesaloniki1 4:18

Ka kɔn foo wɔraa ka bɛa boon lɛn nɛ.

Tesaloniki2 3:12

Wɔ ǹ pii bɛa dɛnan lɛn manɛ, wɔ á laɛ ǹ ganaa ka wɔa Dɛnaa Yezu Krita tɔ nɛ, wáa ǹ bɛ lɛ da, ǹ di nya baraabaraa, ǹ nə ǹ dininmaan sɛ̀fuu màn bii.

Timote1 1:4

Mà ǹ baran n paraa lɛlɛ boon kɛn ganaa, ka digolon tɔrɔ basa bɔ ǹ boo punpunun kɛn nɛ wa. Bɛ lɛ n die ka liere gigiã nɛ, a da yaa ǹ ba Lawa a dí nya ǹ gɔn kɛ nyɛɛ wa. Goleemali dinsɔɔ̃ n bɛ doɛ̃.

Timote1 4:13

Ma laan bɛ̀ ma daa, n doa n Lawa a boo lɛ pɛ min tumaa yɔrɔ-a, n na a laakalaa ǹ nɛ, n nə ǹ daraa a ganaa.

Timote1 6:2

Bɛ̀rɛn mɛnɛn goledɛnan bɛ́ Lawa-nyankɔlen lɛa, bɛn baran pɛ mà ǹsɛn man kɔn dɔɔ̃nɔn lɛa ka ǹ nɛ, ǹ nə ǹ yii puusə kɔ bɛ taman yii wa. Sɛnɛ, ǹ doamaa nɛ ǹ nə n doa doo, ǹ dí nya ǹ nɛ sɔnbɔraanɛ. A giala, ǹ bɛ́ dɔɔ̃n Lawa-nyankɔlen mɛnɛn lɛn narɛ, bɛn lɛn manə ǹ dí lɛ a là yii. N doamaa bɛ́ n minin daraa, n nə n gɔn waa ǹ nɛ ka sii mɛn nɛ, a din ni ka kɛ nɛ.

Timote2 4:2

Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.

Tiitii 1:9

Boo taãn mɛn bɛ́ kɔnpii ka wɔa daraa ǹ yiri kɛ nɛ, a doamaa nɛ a n paraa bɛ ganaa taãn-taãnɛ. Bɛa yɔrɔ kɛ la, á re boe la, a min kɔsɔn foo taã ka minin daraa ǹ yiri taãn kɛ nɛ, min mɛnɛn bɛ́ a liere koe, a bɛn sã nyaa ǹ nɛ.

Tiitii 2:15

N doamaa nɛ n minin daraa bɛa yɔrɔ kɛ lɛ la. N nə ǹ foo taã, n zɛ̀rɛdɛnan zɛ̀rɛ baa. Bɛ zɛnaa ka n parsii din tumaa nɛ. Min kɔ́n dɔ nyan sàn kɔ n nɛ wa.

Tiitii 2:6

A din goon ne, nɛ tenən dɔn foo taã, ǹ goã mìiwedɛnan lɛa.

Tiitii 2:9

Bɛ̀rɛn dɔn doamaa nɛ, ǹ nə ǹ mìinaan lɛ si sii din tumaa gɔ́ɔ̃ nɛ. Ǹ toa ǹ sii kɔɔ̃n kɔ ǹ ganaa bɛ̀ ǹ nə́ ǹ ba ǹ lɛn boboe wa.

Ebrəə 10:25

Min tɛnɛn lɛ mui ka wusu lɛsɔkɔn bǎã-n nɛ. Bɛ a siĩn wa. Ka daa wɔ n doa wɔ kɔn foo taã lɛsɔkɔn gɔ́ɔ̃ nɛ, sanparɛ ka yii bɛ́ Dɛnaa a lɛawaa lɛ ganaa dirii.

Ebrəə 13:22

Dɔɔ̃nɔn lɛn, man ka nyankoe, ka doroo ǹ boon kɛn si ka ganaa. Kɛ din nə boo nɛ paa kooro lɛa ma á diɛ ka la.

Ebrəə 3:13

Sɛnɛ, Lawa bɛ́ tɔn boo diɛ ka-n "pelo" ke, a n mà ka kɔ́n baran toa sii baraa sã, a na a too kaka kɔ wa. Ka n gɔn waa kɔn nɛ baraabaraa.

Piɛrɛ1 5:12

Boo nɛ paa ke má n die diɛ ka la, Silaasi na á n dɔ ma lɛ, á ǹ kiɛ̃, Silaasi mɛn bɛ́, man kuĩ ma dɔɔ̃n Lawa-nyankɔle bɔlɔgoondɛnaa lɛa. Man sɛ́wɔ kɛ diɛ ma á ka foo taɛ̃. Man maa siérebaa ǹ boo kɛ pii ka nɛ, máa Lawa a bǐɛ̃baa kɛ n sonbore lɛa, máa ka goã bɛ lɛ gɔ́ɔ̃ nɛ.

Zude 1:20

Sɛnɛ, maa giaáran lɛn, kasɛn nə ga wo-nyɛɛn li kaa goleemali sonbore kɛ gɔ́ɔ̃ nɛ. Ka Lawa nyankɔ ka Yiri Fu pàã nɛ.