Korɛnti1 14:2 - LAWA A BOO SONBORE 2011

² A giala, min mɛn bɛ́ bɔlɔ soree pii, a bie boo diɛ ka minbuiinin ni wa, sɛnɛ, a n diɛ ka Lawa nɛ. Min kɔ́n ba a boo giala miɛ wa. A n sonbore durii taãnan pii ka Yiri Fu pàã nɛ.

LAWA A BOO SONBORE

² A giala, min mɛn bɛ́ bɔlɔ soree pii, a bie boo diɛ ka minbuiinin ni wa, sɛnɛ, a n diɛ ka Lawa nɛ. Min kɔ́n ba a boo giala miɛ wa. A n sonbore durii taãnan pii ka Yiri Fu pàã nɛ.

Korɛnti1 14:2 ပူးပေါင်းရင်းမြစ်များ

Siin Giala 11:7

Haya! Ka daa wɔ gisĩ, wɔ ǹ bɔlɔ lɔlɔkɔn, màn mɛn bɛ́ toɛ, ǹ baran kɔn a boo giala ma doo wa.»

Siin Giala 42:23

Ǹ goã doɛ̃ mà Zozɛfu tá ǹsɛn boo lɛ miɛ wa, a giala, min kɔsɔ na á goã Zozɛfu a boo lɛ bɔyɛɛ, á pii ǹ ni.

Kiin2 18:26

Ilkia a nɛgiĩ Eliakimu ni, ka Sebunaa laanka Zoa nɛ, bɛn nə́ pɛ sɔraasin mìilandɛnaa lɛ-n kɛnɛn: «Bǐɛ̃ kɔ n boo da ka wɔ nɛ ka Aramu bɔlɔ nɛ, a giala wɔ á miɛ̃. Sɛnɛ n baran *Ebrəə bɔlɔ pɛ wɔsɛn manɛ, zaman kɛ yii-n kungɔn la wa.»

Loen 78:2

Man die n lɛ buĩ ma boo giməə da, man die lɛlɛ siin pii ka nɛ.

Matiə 13:11

Yezu tɔ́n pɛ ǹ nɛ: – Lon a kiibaa a sii-duriin kɛn, Lawa na á bɛn nyaa kasɛn manɛ. Sɛnɛ, a nyaa ǹsɛn man wa.

Marki 16:17

Masɛ a goleemali wolen bɛ́ re n doɛ̃ sii a kɔnbɔn mɛnɛn li, bɛn man ka kɛn nɛ: Ǹ tá re nɔ̀ɔnɔn lui ǹ nə ǹ bɔ minin ganaa ka masɛ tɔ nɛ. Ǹ tá re bɔlɔ soreen pii.

Marki 4:11

Yezu tɔ́n pɛ ǹ nɛ: – Lawa bɛ́ a kiibaa ǹ dí lɛ nyɛɛ lɔn lɛlɛ, a n sii-durii lɛa. Sɛnɛ, bɛ lɛ na á n nyaa kasɛn manɛ sisia. Sɛnɛ, min gialakunun kɛn, sii din tumaa nə n nyɛɛ bɛn manɛ ka boo giməə ne,

Nya ǹ dín 10:46

Sonbore, maǹ nə́ goã bɛa minin kɛn lɛn lɛ miɛ boo diɛ ka bɔlɔ kɔsɔn nɛ, ǹ nə́ Lawa a golebaa boo diɛ nɛ. Piɛrɛ wusoo á n lɛ bũ á pɛ:

Nya ǹ dín 19:6

Pooli nə́ n gɔn da ǹ la, á Lawa nyankɔ, Yiri Fu gisĩ ǹ la. Ǹ nə́ bɔlɔ soreen pɛ, ǹ nə́ Lawa a boo gii da.

Nya ǹ dín 22:9

Maa tá kun wolen lɛn nə́ wɔlɔ fúlu lɛ sɛ yɛ, sɛnɛ, lɛn mɛn bɛ́ boo diɛ ma nɛ, ǹ bɛ ma wa.

Rɔmu minin 16:25

Ka daa wɔ barka da Lawa nɛ! Á boe la a wɔ pàã gole kɔ golee a din li gɔ́ɔ̃ nɛ. Bɛ nə n zɛnɛɛ a Boo Tii Kɔɔ̃n kɛ barka nɛ man pii. Man bɛa Boo Tii Kɔɔ̃n kɛ lɛ pii, Yezu Krita wɔ gɔn la. Bɛa boo lɛ n sonbore durii kɔ́n nyɛɛ wɔ nɛ, sonbore mɛn bɛ́ á goã durii ni haalɛ lɛlɛ-lɛlɛ.

Korɛnti1 12:10

A n kaãbaa ǹ sii zɛnaa koe min la, a Lawa a boo gii dalibaa kɔ min kɔsɔ la. A n yiri koe min tɛn la, a boo la a yiri baraa bɔkɔnlɛ dɔ̃ ka Lawa a Yiri Fu ni. A n bɔlɔ soree pɛ koe min tɛn dɔ la, a bɔlɔ soree lɛ a bɔyaa doɛ̃ kɔ min kɔsɔ dɔ la.

Korɛnti1 12:28

A n miɛ̃, Lawa tɔ́n siin kɛn koa a sɔmɔ-n: bibinaa nɛ, dia dí-a wolen manɛ, a paabaa ǹ wɔ, Lawa a boo gii-dalin manɛ, a sɔɔbaa ǹ wɔ, minin-daraalin manɛ. Bɛ kio, kaãbaa ǹ sii-zɛnaalin manɛ. Bɛ kio doo, busu-nyalin manɛ, ka dɔ minin lɛ wolen ne, ka sii nyɛɛnaan-bɔlen ne, ka bɔlɔ soree pɛlen ne.

Korɛnti1 13:1

Haalɛ ta má minbuiinin bɔlɔ pɛ, má lon a dia dí-a wole dinin wɔ pɛ, bɛ̀ kɔn-narɛɛ ba ma lon wa, maa boo laakalaa lɛ a màn kɔ́n lɛa wa. A n goon ka màn wuu n boe, hinlaa ka fɔlɔ màn wuu bɛ́ lɔn.

Korɛnti1 13:2

Ta má Lawa a boo gii-dali baa, ta má màn-doɛ̃ tumaa yɛ, man sii-duriin tumaa doɛ̃, goleemali mɛn bɛ́ boe la a kelen goa a ǹ bɔ ǹ bǎã nɛ, ta má bɛ yɛ, bɛ̀ kɔn-narɛɛ ba ma lon wa, ma a màn kɔ́n lɛa wa.

Korɛnti1 14:16

Sonbore, bɛ̀ n Lawa nyankɔ, n barka da Lawa nɛ ka n yiri dinsɔɔ̃ nɛ, min mɛn bɛ́ too-kɔle kooro lɛa, bɛ n siɛ lɔn a pɛ mà «A n miɛ̃» n barka da Lawa-n lɛ kio? A giala, n bɛ́ boo mɛn diɛ a boe la á bɛ doɛ̃ wa.

Korɛnti1 14:26

A nə n pii kɛ ganaa mà wàa, ma dɔɔ̃nɔn lɛn? Bɛ̀ ka n lɛ sɔkɔn ka á Lawa guguru koe, loe n min goon li, minin daraa n kɛ dɔ li. Lawa sii mɛn nyaa, bɛ n kɔsɔ li, kɔsɔ dɔ n boo diɛ ka bɔlɔ soree ne, kɛ dɔ n bɔlɔ soree lɛ giala pii. Sɛnɛ, ka toa bɛ tumaa boo la a n dɔ Lawa a sɔmɔ lɛ.

Korɛnti1 15:51

Man die sii-durii kɔ́n nyɛɛ ka nɛ: wɔ tumaa bie re giɛ̃ wa, sɛnɛ, maǹ die wɔ tumaa bɔyɛɛ.

Korɛnti1 2:10

Sɛnɛ, Lawa bɛa sii-durii kɛ lɛ nyaa wɔsɛn nɛ Yiri Fu pàã ganaa. Taãn nɛ, Yiri Fu dinsɔɔ̃ n boe la a ga sii ganaa a dɔ̃, haalɛ Lawa a sii mɛn bɛ́ durii-n zuzulu, á bɛ tumaa doɛ̃.

Korɛnti1 2:7

Haayii, Lawa a sii-doɛ̃ mɛn bɛ́ durii-n minbuiinin la, man bɛ yɔrɔ pii ka nɛ. Kanaa bɛ́ a tɔn nə n giala kɔ wa, Lawa din sii-doɛ̃ mɛn yɔrɔ bɔ, a n zoɛ̃ mà a na a tɔ golebaa gii kɔn ka wɔ nɛ, bɛ nɛ. Sɛnɛ, a na á toa durii ni.

Efɛɛzi minin 6:19

Ka Lawa nyankɔ masɛ dɔ a lɛa, bɛ̀ ma á boo diɛ, Lawa boo peperen wɔ ma lɛ-n, man bɔlɔ pɛ ka foo tãbaa nɛ, minin nə boo la, ǹ Boo Tii Kɔɔ̃n a sii-durii kɛ dɔ̃.

Timəə dí-pɛn 28:49

Dɛnaa Lawa á re tɔrɔ kɔsɔn diɛ, ǹ bɔ bǎã sɔsɔɔ nɛ kanaa lɛ dàn ganaa ǹ da ka gialaa. Ka a bɛa tɔrɔn lɛn dinin bɔlɔ miɛ̃ wa. Maǹ die die ka gialaa, ka giogialatã-a wɔ bɛ́ lɔn.

Kolɔɔsi minin 2:2

Man giɛ li máa ka foo tãbaa yɛ, ka kaa kun taãn-taãnɛ kɔn-narɛɛ gɔ́ɔ̃ nɛ. Man giɛ li máa ka sii-doɛ̃ sonbore yɛ parsiini, là bɛ́ sii-doɛ̃ mɛn nɛ, Lawa din duru á daa dɔ pelo ganaa, bɛ giala, mà *Krita din.

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Timote1 3:9

Sonbore mɛn nə n nyaa goleemali gɔ́ɔ̃ nɛ, ǹ doamaa nɛ ǹ bɛ tamaa ka gɔ́ɔ̃ fubaa nɛ.

Sii-nyaan 10:7

Sɛnɛ, bɛ̀ lon a dia dí-a wole sɔbaabaa ǹ wɔ ná a bɛn kɛ pɛ pin mɛn-a, ka bɛ nɛ, Lawa bɛ́ a ná a sii-duriin yɔrɔ bɔ, á kɔ a boo gii-dalin la, mà ǹ pɛ lɔn, bɛa biikoo lɛ na á dɔ.»