Korɛnti1 14:1 - LAWA A BOO SONBORE 2011

¹ Ka ga kɔn-narɛɛ li. Ka n yiri koa Yiri Fu a bǐɛ̃baa ǹ mànan ganaa, sanparɛ Lawa a boo gii-dalibaa ke.

LAWA A BOO SONBORE

¹ Ka ga kɔn-narɛɛ li. Ka n yiri koa Yiri Fu a bǐɛ̃baa ǹ mànan ganaa, sanparɛ Lawa a boo gii-dalibaa ke.

Korɛnti1 14:1 ပူးပေါင်းရင်းမြစ်များ

Suusun 15:9

Min baraan giã ǹ gɔn ba Lawa foo sii wa, sɛnɛ, min mɛn bɛ́ zoɛ̃ bǐɛ̃ zɛnaa li, bɛ n kɔɔ̃n Dɛnaa Lawa ganaa.

Suusun 21:21

Min mɛn bɛ́ giɛ peperebaa li ka sonborebaa nɛ, bɛ á re nyin sasa yii, peperebaa ka gugurubaa nɛ.

Izayii 51:1

Dɛnaa Lawa n kɛ pii: Ka n too kɔ ma lon, kasɛn mɛnɛn bɛ́ giɛ peperebaa li, ka n li mà ka Dɛnaa Lawa dɔ̃. Ka ga gɛ̀fu kɛ ganaa ǹ nə́ ka sɛlɛ a nɛ, ká yala kɛ nɛ ǹ nə́ ka bɔ a nɛ.

Rɔmu minin 12:6

Lawa bɛ́ á bǐɛ̃baa ǹ màn tɔtɔ kɔ wɔ la, á kɔnpɛ a din a bǐɛ̃ kɛ nɛ, wɔ doamaa nɛ wɔ dí nya ǹ nɛ. Bɛ̀ Lawa a boo gii diɛ na á n kɔ min mɛn la, ǹ dɛnaa doamaa nɛ a zɛnaa, a kɔnpɛ ka a golee Lawa li ni.

Rɔmu minin 14:19

Sii mɛn bɛ́ toɛ, wɔ goã là nyantoro la kun, wɔ n dɔ kɔn lɛ, wɔ pàã yɛ kun golee Lawa li gɔ́ɔ̃ nɛ, ka daa wɔ n doa wɔ ga bɛ li.

Rɔmu minin 9:30

Wɔ ǹ die pii mà wàa kəni? Á ke, min kɔsɔn mɛnɛn bɛ́ ǹ ba Zuifun lɛa wa, ǹ nə́ ǹ goã giɛ li dɔn, mà Lawa lɛ kɔ ǹsɛn-a min peperen lɛa wa, Lawa na á lɛ kɔ bɛn ganaa min peperen lɛa, golee a din li barka nɛ.

Korɛnti1 12:1

Yiri Fu a bǐɛ̃baa ǹ mànan wɔ paǹ li, ma dɔɔ̃nɔn lɛn, ma ba li máa ka yii goã tì ǹ sii gɔ́ɔ̃-n wa.

Korɛnti1 12:31

Yiri Fu a bǐɛ̃baa ǹ mànan mɛnɛn bɛ́ soɛ, ka ga bɛn li. Sɛnɛ, zii mɛn bɛ́ siĩni á la yii ni, man die bɛ nyɛɛ ka-n kanna.

Korɛnti1 13:13

Kanna kəni, sii sɔɔ kɛ na a tan, goleemali ni, foo-doa nɛ, kɔn-narɛɛ nɛ, sɛnɛ, kɔn-narɛɛ n gole ǹ tumaa nɛ.

Korɛnti1 13:2

Ta má Lawa a boo gii-dali baa, ta má màn-doɛ̃ tumaa yɛ, man sii-duriin tumaa doɛ̃, goleemali mɛn bɛ́ boe la a kelen goa a ǹ bɔ ǹ bǎã nɛ, ta má bɛ yɛ, bɛ̀ kɔn-narɛɛ ba ma lon wa, ma a màn kɔ́n lɛa wa.

Korɛnti1 14:22

Bɛa yɔrɔ kɛ lɛ la, bɔlɔ soree pɛ bie sii-nyaa ǹ sii lɛa goleemali wolen ne wa, sɛnɛ, a n sii-nyaa ǹ sii lɛa goleemali baãnaan nɛ. Lawa a boo gii diɛ sɛ n sii-nyaa ǹ sii lɛa goleemali wolen ne; sɛnɛ, a ba sii-nyaa ǹ sii lɛa goleemali baãnaan nɛ wa.

Korɛnti1 14:37

Bɛ̀ min mɛn tá taasɛ ma asɛ n Lawa a boo gii-dali lɛa, hinlaa mà Yiri Fu a bǐɛ̃baa ǹ màn kɔ́n tá asɛ lon, a doamaa nɛ a dɔ̃, mà sɛ́wɔ ke ma á diɛ ka la, mà Dɛnaa din a dí-pɛ nɛ.

Korɛnti1 14:39

Bɛa yɔrɔ kɛ lɛ la, ma dɔɔ̃nɔn lɛn, ka n yiri koa Lawa a boo gii-dalibaa ganaa, sɛnɛ, ka baran n piã ka bɔlɔ soreen pɛ dɔ-n wa.

Korɛnti1 16:14

Ka sii tumaa zɛnaa ka kɔn-narɛɛ nɛ.

Efɛɛzi minin 1:3

Barka tá Lawa ganaa, asɛ mɛn bɛ́ wɔa Dɛnaa Yezu Krita n Di Lawa lɛa. Wɔa tá kun ka Krita-n a lɛa nɛ, á barka da wɔ ganaa, ka lon a bǐɛ̃ màn tɔrɔ tumaa nɛ.

Tesaloniki1 5:20

Bɛ̀ ǹ nə́ Lawa a boo gii da ka nɛ, ka nyan baa sii kiɛɛrɛ lɛa ka n piã-n wa.

Timote1 4:14

Lawa a bǐɛ̃baa ǹ màn mɛn bɛ́ n lon, n nyan bɛ da n gɔn para li wa. A din lɛ na á n kɔ n la, á kɔnpɛ ka Lawa a boo gii-dalin da ǹ boo ne, bɛ̀ ga Lawa a sɔmɔ walan wolen bɛ́ ǹ nə́ n gɔn da n la ǹ mɛn pinaa.

Timote1 5:10

Yǎa a tɔ goɛ̃ boe-n sii sonbore zɛnaa gɔ́ɔ̃ nɛ, a goã a ná a nɛnyaanan too sɔnbɔraanɛ. Min mɛnɛn bɛ́ die a piɛ a bɛn kũ doɛ̃, á n din gisĩ ǹ dí nyɛɛ Lawa a minin manɛ, a nə́ n doe nɔmaa-wɔlen lɛ, á n sii sonbore tɔrɔ tumaa zɛnɛɛ.

Timote1 6:11

Nsɛ mɛn bɛ́ Lawa a min lɛa, n nyanaa bɛa siin lɛn manɛ. Sɛnɛ, ga peperebaa li, ka nyɛ́ɛ baa Lawa n nɛ, ka golee Lawa li ni, ka kɔn-narɛɛ nɛ, ka sii simaa nɛ, ka sabarabaa nɛ.

Timote2 2:22

N bɔ tɔntɔraabaa ǹ foo sii babaraan wɔlɔ li. Min mɛnɛn bɛ́ Dɛnaa tɔ bíi ka gɔ́ɔ̃ fubaa nɛ, n doa n ga peperebaa laanka goleemali li kun ka bɛn nɛ, ka kɔn-narɛɛ laanka là nyantoro ne.

Ebrəə 12:14

Ka n doa ka ga là nyantoro li ka bii ni, ka min din tumaa nɛ, ka *yoreenbaa nɛ. Bɛ̀ bɛ gòɛ̃ ba a-n wa, min kɔ́n ba Dɛnaa yii wa.

Piɛrɛ2 1:7

Ka dɔɔ̃nbaa a kɔn kũ doɛ̃ naa nyɛ́ɛ baa Lawa-n lɛ ganaa. Bɛ din tumaa kio kəni, ka kɔn-narɛɛ naa dɔɔ̃nbaa a kɔn kũ doɛ̃ kɛ ganaa.

Zaã3 1:11

Maa giaára sonbore, sii mɛn bɛ́ baraa, n baran bɛ lɛn zɔɔ̃ wa, sɛnɛ sii mɛn bɛ́ siĩni, bɛ lɛn zɔɔ̃. Min mɛn bɛ́ sii bǐɛ̃ zɛnɛɛ, bɛa dɛnaa n Lawa wɔ lɛa; min mɛn bɛ́ sii baraa zɛnɛɛ, bɛa dɛnaa Lawa yɛ wa.

Samayeli1 10:5

Bɛ kio, n tá re die doe Gibea-Eloyimu, bɛ n Filisiti minin sɔraasin giã ǹ bǎã goon lɛa. Bɛ̀ n tá re we kiwi lɛ nɛ, n tá re kɔnpii ka Lawa a boo gii-dali zaman kɔn nɛ, boe *wúlu bɔ ǹ bǎã nɛ, minin nə́ ǹ nyɛɛnɛ, tùtun didii, maàn didi, pìin pipii, kɔnkoɛɛ̃nɛn didii, bɛ̀ ǹ dininmaan tá Lawa a boo gii-dali baa ǹ siin zɛnɛɛ.