Korɛnti1 13:4 - LAWA A BOO SONBORE 2011

⁴ Kɔn-narɛɛ n toɛ min nə n foo kũ, a sii n kɔɔ̃nɛ, a yii ná a mimini wa. A toɛ min nə n din kalaa wa, a toɛ a n din koa wa.

LAWA A BOO SONBORE

⁴ Kɔn-narɛɛ n toɛ min nə n foo kũ, a sii n kɔɔ̃nɛ, a yii ná a mimini wa. A toɛ min nə n din kalaa wa, a toɛ a n din koa wa.

Korɛnti1 13:4 ပူးပေါင်းရင်းမြစ်များ

Siin Giala 30:1

Raseli bɛ́ á yɛ, mà asɛ a nɛ yii Zakɔba-n wa, á foo wuu pɛ ǹ gololɔ lɛ li. Á pɛ Zakɔba nɛ: «Nɛnyaanan kɔ ma la, bɛ bie wa, man giɛ̃ dɛ!»

Siin Giala 37:11

Ǹ golon lɛn nə́ baa zɔ́ɔ, sɛnɛ, ǹ di lɛ bɛa sii lɛ koa a yiri ni.

Nehemii 9:17

Ǹ nə́ n piã ǹ nə n too kɔ wa, n goã ń kaãbaa ǹ sii mɛnɛn zɛnaa ǹ nɛ, ǹ nə n yiri kɔ ka bɛn nɛ wa, ǹ nə́ n too laa. Ǹ gòãn dii lɛ gɔ́ɔ̃ nɛ, á wɔ ǹ mìi ni, mà ǹsɛn manə n lɛ goɛ ǹ wo bɛ̀rɛbaa ǹ bǎã lɛ-n doo. Sɛnɛ n nə ǹ toa walan wa, a giala n nə Lawa lɛa, Lawa mɛn nə́ ke minin sii baraan toɛ ǹ nɛ, bǐɛ̃ zɛnɛɛ, min makara doɛ̃, a foo ná a ba yui fufuu wa, a bǐɛ̃baa á gole taãn-taãnɛ.

Loen 10:5

A din yii li, asɛ wɔ n bǐɛ̃ koe biikoo tumaa li. Lawa a kiri kurii ke lon walan, bɛ wɔlɔ á sɔsɔɔ asɛ ganaa, a na a zɔ́ɔn kɛn tumaa diɛ yaa lɛa.

Suusun 10:12

Min mɛn bɛ́ ǹ miã tìĩ n boe n ne, bɛ n yui ka zia nɛ. Sɛnɛ kɔn-narɛɛ n toɛ n nə n miã sãn toa nɛ.

Suusun 13:10

Din gole kɔlen man zia yiɛ. Sɛnɛ, min mɛnɛn bɛ́ lɛ koe doroo ganaa, sii-doɛ̃ n bɛn wɔ lɛa.

Suusun 17:14

Bɛ̀ n zia giala kɔ, ma nə n mu tii lɛ bũ. Zia lɛ laan bɛ̀ a n yui, n basã.

Suusun 17:9

Min mɛn bɛ́ giɛ giaárabaa li, a toa a yiri bɔ ka sãn nɛ. Yiri kɔ sãn li n giaáran niɛ̃ kɔn.

Suusun 19:22

N bɛ́ zoɛ̃ li mà n min goã ka yɔrɔ mɛn nɛ, bɛ n ka sonborebaa nɛ. Doobaa á soɛ soɛ-bɔli ni.

Suusun 31:20

A nə n doe nɔmaa-wɔlen lɛ, a n doobaan goe.

Suusun 31:26

A n boo diɛ ka sii-doɛ̃ nɛ, a n doroo koe ka foo basiɛ̃ nɛ.

Boo-laakalaali 10:4

Bɛ̀ goledɛnaa foo yoo n li, giã ka n din ni. A giala, boo ma foo la tá min kanbiɛ sii baraa dadaran ganaa.

Matiə 27:18

A giala Pilati dɔ̃ parsiini, mà foo a wuu pɛ na á toa ǹ nə́ Yezu wɔ asɛ gɔn.

Nya ǹ dín 7:9

Foo wuu pɛ a lɛa, bɛa digolon kɛn lɛn nə́ ǹ diɛ̃ Zozɛfu sã minin la, bɛn nə́ woo ne Ezipti gána nɛ. Sɛnɛ, Lawa goã kun ka Zozɛfu ni.

Rɔmu minin 1:29

Ǹ piɛ̃maa-n ka kɔkɔrɔbaa laanka sii baraa tɔrɔ tumaa nɛ. Ǹ foo n wuu pii, ǹ dinin dɔn man baraa. Maǹ minin bebele, maǹ zia diɛ, maǹ gɛ̀ dii. Maǹ gɔn diɛ ǹ miãn ganaa. Maǹ boo baraa diɛ kɔn kio ganaa,

Rɔmu minin 13:13

Ka daa wɔ tɔ pepere wɔ, ka wɔlɔ fúlu minin bɛ́ zɛnɛɛ lɔn. Ka daa wɔ n parabaa ka màn dadaran bii laanka yɔ mii baraa nɛ, ka naarɛbaa laanka kɔkɔrɔbaa nɛ, ka zia laanka foo a wuu pɛ minin li ni.

Korɛnti1 3:3

Bɛ n nyɛɛ mà ka n tɔn sii zɛnɛɛ, ka ga kanaa foo sii li wolen wɔ bɛ́ lɔn. Màn mɛn toa foo wuu-pɛn laanka zian tá tɔn ka bii, bɛ n nyɛɛ mà ka n ga kanaa foo sii li wolen lɛa, ka n tɔn sii zɛnɛɛ ka minbuiinbaa ǹ sii bɛ́ lɔn.

Korɛnti1 4:18

Kaa min tɛnɛn nə́ n dinin koa, ǹ nə́ taasɛ mà ma a re die n yii koe ka li doo wa.

Korɛnti1 4:6

Ma dɔɔ̃nɔn lɛn, ma boo mɛn da sisia, man má bɛ zɔɔ̃ Apolɔɔsi laanka ma din ganaa, máa ka n daraa bɛ lɛ ganaa wɔ dinin li: «Màn mɛn bɛ́ kiɛ̃ nɛ, ka nyan sii zɛnaa ka bɛ la bɔ-n wa.» Min kɔ́n doamaa bie a n din koa, ka minin-daraali goon a sii ni, a ǹ miã kɔsɔ baa zɔ́ɔ wa.

Korɛnti1 5:2

Ka n tɔn piɛ̃-n ka din-koa nɛ! A n kɔnboe ka pã ka foo-ziziɛ̃ nɛ. Min mɛn bɛ́ á sii kɛ lɛ zɛnaa, bɛ̀ ka doamaa nɛ ka bɛ loo ka bɔ ka bii.

Korɛnti1 8:1

Bɛ̀ á daa dì wúlu bɔ ǹ siĩ boo wɔ paǹ li, sonbore ne, «wɔ tumaa á màn doɛ̃,» ka ka tɛnɛn bɛ́ pii lɔn. Màn-doɛ̃ kɛ lɛ n minbuiin piɛ̃ gole koe, sɛnɛ, kɔn-narɛɛ n wɔa goleemali gole koe.

Korɛnti2 12:20

Nyɛ́ɛ n ma ganaa, máa kɔntan ma a re die ka yiɛ, ka ma bɛ́ giɛ li lɔn wa, ka dɔn nə́ ka a re ma yii, ka ka bɛ́ giɛ li lɔn wa. Nyɛ́ɛ n ma ganaa, máa ma nyan da yaa bɛ̀ zian tá ka bii, ka foo wuu-pɛ nɛ, foo-yoo ne, ka miã lɔ zuũbaa nɛ, sɔ-kaa kɔn la nɛ, ka boo giməə da kɔn ganaa nɛ, din-koa nɛ, ka sii-lɔlɔkɔn nɛ.

Korɛnti2 6:6

Man maa Lawa a dí-nyalibaa nyɛɛ ka maa *yoreenbaa nɛ, maa màn-doɛ̃ nɛ, ka maa foo-kũ ni, ka maa min bǐɛ̃baa nɛ. Man nyɛɛ dɔn ka Yiri Fu pàã nɛ, ka maa minin narɛ taãn-taãn nɛ,

Galaasi minin 5:26

Wɔ nyan din-koalin baa wa. Ga kɔn lɛ li nyan goã wɔ bii wa, yii bɔ kɔn gɔn màn li dɔ nyan goã wa.

Efɛɛzi minin 4:2

Ka goã din boɛɛn-kɔlen lɛa, ka foo n basiɛ̃nɛ, sii simaa wolen lɛa baraabaraa. Ka kɔn a sii si ka ganaa ka kɔn-narɛɛ nɛ.

Efɛɛzi minin 4:32

Ka min bǐɛ̃ baa kɔn ganaa ka foo sonbore ne. Ka sii toa kɔn nɛ, ka Lawa bɛ́ á toa wɔ-n lɔn Krita wɔbaa gɔ́ɔ̃ nɛ.

Filipi minin 1:15

Taãn nɛ, ǹ tɛnɛn tá ǹ bii, ǹ nə́ Krita boo diɛ ka foo a wuu pɛ nɛ, ǹ nə́ giɛ zia li; sɛnɛ, ǹ tɛnɛn dɔn tá Krita boo lɛ diɛ ka taasiɛ sonbore ne.

Kolɔɔsi minin 1:11

Lawa die a toa ka pàã gole kɔ, ká a din a boo sii la laanka a din a Lawabaa ǹ pàãdɛnaabaa kɛ barka nɛ, màn mɛn bɛ́ toɛ, ka sii si ma-a laanka gɔ̀lɔ̀baa yɛ fuu tumaa gɔ́ɔ̃ nɛ,

Kolɔɔsi minin 2:18

Ka baran toa minin nə koɛ̃ɛn wɔ ka-n wa. Bɛa minin kɛn lɛn man taasɛ, mà ǹsɛn man min dadaran lɛa, ǹ yii wɔlɔ yɛ siin lɛa, maǹ soɛ bɔ ǹ din-gisiĩ narɛ, ka lon a dia dí-a wolen guguru kɔ nɛ. Bɛa minin kɛn tɔrɔ piɛ̃maa-n ka din gole kɔ nɛ, mìi dɔ ba la wa, bɛ̀ á n bɔ ǹ dinin minbuiin nɛbaa ǹ taasiɛ wɔ ǹ gɔn kɛ lɛ nɛ,

Kolɔɔsi minin 3:12

Lawa din na á ka bɔ, ka na a din a tɔrɔ lɛa, a tá ka narɛ. Bɛ lɛ tɔ ganaa, ka toa makara-doɛ̃ laanka bǐɛ̃baa goã ka foo ne, ka din-gisiĩ ni, ka sabarɛbaa nɛ, ka sii simaa nɛ.

Tesaloniki1 5:14

Min mɛnɛn bɛ́ yoo biɛ, wɔ ǹ ka nyankoe, dɔɔ̃nɔn lɛn, wáa ka bɛn doroo, foo tãbaa bɛ́ a ba min mɛnɛn lon taãn wa, ka bɛn foo taã, min mɛnɛn pàã bɛ́ kiɛɛrɛ, ka n dɔ bɛn lɛ, ka sii si ka ganaa min tumaa wɔ paǹ li.

Timote1 6:4

Bɛa minin kɛn lɛn din gole kɔ la yii ni, ǹ ba màn kɔ́n doɛ̃ wa. Liere gengeleen kɔ n kɔɔ̃nɛ ǹ ganaa, ka kɔn lɛ babaã boon ganaa nɛ. Bɛ lɛ n die ka foo wuu-pɛ nɛ, ka mɛ-kɔn ganaa nɛ, sɔ kaa-kɔn la laanka kɔn da-kɔn gɔ́ɔ̃-n nɛ,

Timote2 2:25

Min mɛnɛn bɛ́ a boo liere koe, a doamaa nɛ, a bɛn doroo ka sabarabaa nɛ. Kɔntan, Lawa á die n doe ǹ lɛ, ǹ wusoo ǹ zɛnaa ǹ siin kio, ǹ sonbore dɔ̃.

Timote2 3:10

Sɛnɛ, ma bɛ́ minin darɛɛ siin mɛnɛn ganaa, nsɛ Timote á bɛn doɛ̃. Maa tɔ wɔ ǹ gɔn nɛ, ka ma sii mɛn koa ma yɔrɔ-a, n tá bɛ dɔ doɛ̃. N maa goleemali boo ma, maa foo-kuĩ ni, ka maa kɔn-narɛɛ laanka maa sii simaa nɛ.

Timote2 4:2

Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

Zaaki 4:5

Lawa a boo na á pɛ: «Lawa yiikoonaabaa ǹ fɔfoã mɛn da wɔ nɛ, a n zuũ boe bɛ la.» Ka n taasɛ mà boo kooro na á diɛ kən le?

Piɛrɛ1 2:1

Haya, ka baraabaa tɔrɔ tumaa kaa, ka soɛ tɔrɔ tumaa nɛ, ká bɔlɔ paa pɛ tɔrɔ tumaa nɛ. Ka foo wuu pɛ kaa, ká kɔn tɔ ziziɛ̃ nɛ.

Piɛrɛ1 3:8

Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.

Piɛrɛ1 4:8

Sii mɛn bɛ́ ka doamaa-n ka da sii tumaa nyɛɛnɛ, bɛ n ka kɛ nɛ: Ka kɔn narɛ ka ka foo din tumaa nɛ. A giala, kɔn-narɛɛ á pìi koe sii baraa gigiã lɛ.

Piɛrɛ2 1:7

Ka dɔɔ̃nbaa a kɔn kũ doɛ̃ naa nyɛ́ɛ baa Lawa-n lɛ ganaa. Bɛ din tumaa kio kəni, ka kɔn-narɛɛ naa dɔɔ̃nbaa a kɔn kũ doɛ̃ kɛ ganaa.

Zaã1 4:11

Maa giaáran lɛn, bɛ̀ Lawa wɔ narɛ miɛ̃, wɔ dɔn doamaa nɛ wɔ kɔn narɛ.