Korɛnti1 12:3 - LAWA A BOO SONBORE 2011

³ Bɛ lɛ nɛ, ma á pii ka nɛ foaãnɛ: Min kɔ́n ba boe la a goã Lawa a Yiri Fu pàã giulun, a boo baraa dɔ da Yezu ganaa wa. Min kɔ́n dɔ a boe la a pɛ mà Yezu n Dɛnaa lɛa, bɛ̀ Yiri Fu ná a ba kun ni wa.

LAWA A BOO SONBORE

³ Bɛ lɛ nɛ, ma á pii ka nɛ foaãnɛ: Min kɔ́n ba boe la a goã Lawa a Yiri Fu pàã giulun, a boo baraa dɔ da Yezu ganaa wa. Min kɔ́n dɔ a boe la a pɛ mà Yezu n Dɛnaa lɛa, bɛ̀ Yiri Fu ná a ba kun ni wa.

Korɛnti1 12:3 ပူးပေါင်းရင်းမြစ်များ

Loen 109:20

Taarɛ! Dɛnaa Lawa n die ma zɛ̀rɛ-baalin lɛn sarɛɛ bɛa yɔrɔ kɛ lɛ la, min mɛnɛn lɛn bɛ́ boo baraa diɛ ma ganaa.

Matiə 22:43

Yezu tɔ́n pɛ ǹ nɛ: – Wàa na á baa, Davida dinmaa bíi, ka Lawa a Yiri Fu barka nɛ, mà asɛ a Dɛnaa? A na á pɛ kɛnɛn:

Marki 9:39

Sɛnɛ Yezu pɛ nɛ: – Ka toa walan, ka nyan kurəə a ganaa wa. A giala, min kɔ́n ba boe la a kaãbaa ǹ sii zɛnaa ka masɛ tɔ nɛ, bɛa dɛnaa nə n bɔyaa gɔrɔ a masɛ tɔ baraa pɛ wa.

Zaã a sɛ́wɔ 13:13

Ka ǹ ma bíi Mìinaa, Dɛnaa, ka sonbore pɛ, a giala, man bɛ lɛ lɛa.

Zaã a sɛ́wɔ 13:14

Bɛ̀ ń yaa masɛ din Dɛnaa, masɛ din Mìinaa ka gòãn pii, a kũ bɛ lɛ-a, ka dɔn doamaa nɛ ka kɔn gòãn pii.

Zaã a sɛ́wɔ 15:26

Ma bɛ́ re n toɛ maa Díi li, ma Dɔmalɛ Wole mɛn dia ka la, Yiri Fu sonbore-pɛle kɛ lɛ boe maa Díi li, bɛ̀ bɛ lɛ daa ǹ mɛn waáraa, á die siére biɛ masɛ a lɛa.

Nya ǹ dín 8:37

[Filipi pɛ nɛ: «Bɛ̀ ń golee Lawa li ka n foo din tumaa nɛ, n tá boe la n bɛa batɛmu lɛ yɛ.» Giĩ lɛ ná a lɛ si: «Masɛ golee li máa Yezu Krita lɛ n Lawa a Nɛgiĩ lɛa.»]

Rɔmu minin 10:9

Bɛ lɛ nɛ, bɛ̀ ń bɔ n lɛ nɛ ń pɛ mà: «Yezu n Dɛnaa lɛa», bɛ̀ ń golee li ka n foo dɔ nɛ, mà Lawa ná a yii kaa á bɔ geren bii, n tá re kirisibiɛ.

Rɔmu minin 9:3

ma dɔɔ̃nɔn lɛa, ma din tɔrɔ minin kɛn. Á kɔɔ̃n ma ganaa Lawa ma daa, a ma na dinin, a ma bɔ Krita ganaa ǹsɛn lɛa.

Korɛnti1 16:22

Bɛ̀ Dɛnaa a kɔɔ̃n min mɛn ganaa wa, koe bɔ ǹ dɛnaa ganaa! Maranata! – bɛ giala mà «Wɔa Dɛnaa, daa!»

Korɛnti1 8:6

Sɛnɛ, wɔsɛn yii li, Lawa n goon toto, a n Díi lɛa, màn tumaa zɛnaali lɛa, wɔa tá kanaa na a din wɔ lɛa. A din yii goon ne, Dɛnaa dɔ n goon toto, Yezu *Krita nɛ. Màn tumaa na a tan a din pàã ganaa, wɔ n kanaa a din pàã ganaa.

Korɛnti2 11:4

A giala, ta min na á daa Yezu kɔsɔ boo da ka nɛ, a ná a goon ka masɛ bɛ́ má ǹ mɛn pɛ ka-n wa, hinlaa á yiri kɔsɔ wɔ ka nɛ a ná a goon ka kɛ nɛ ká yɛ wa, hinlaa á Boo Tii Kɔɔ̃n kɔsɔ pɛ ka nɛ tɔtɔ ka kɛ nɛ masɛ pɛ ka nɛ, ka ǹ lɛ koe bɛ ganaa taãn-taãnɛ.

Korɛnti2 3:5

Sonbore ne, ma a boe la ma taasɛ, máa ma á boe la, ma bɛa dí kɛ miã nya ka ma din pàã-n wa. Ma pàã lɛ n boe Lawa li.

Galaasi minin 3:13

Koe mɛn goã wɔ mìi-n dí-pɛn lɛ-tii a lɛa, Krita na á wɔ kirisibaa bɛ lɛ ganaa. A giala, koe bɔ a dinmaa lɛ ganaa wɔ a lɛa. Ka Lawa a sɛ́wɔ bɛ́ á pɛ lɔn: «Bɛ̀ ǹ nə́ min mɛn gere da da la, koedɛnaa n ka bɛ nɛ.»

Timəə dí-pɛn 21:23

ka nyan toa a gere lɛ lɛ̀ waa da lɛ ganaa wa. Ka doamaa-n ka bĩ a din pinaa. A giala, bɛ̀ ǹ nə́ min dɔ gere lɔɔ lon miɛ̃, Lawa na á koe bɔ bɛa dɛnaa ganaa. Bɛ lɛ nɛ, kaa Lawa, Dɛnaa Lawa bɛ́ gána mɛn lɛ koe ka la mà a kaa wɔ baa, ka nyan toa ka a tán zaãbaa wa.

Sii-nyaan 1:10

Dɛnaa a lɛawaa pinaa, Lawa a Yiri Fu ma kũ, má lɛn gole goon ma ma kio, a wuu goã boe kaka ka bɛn lɛn bɛ́ lɔn.