Korɛnti1 12:13 - LAWA A BOO SONBORE 2011

¹³ A giala, *batɛmu na á n da wɔ tumaa ganaa ka Yiri Fu goon ne. Bɛ na á toa wɔ́ tɔ́n gɔ̀nɔn goon baa, ta Zuifu ni, ta Grɛki ni, ta bɛ̀rɛ nɛ, ta tá ma din gɔn wìi a lɛa wole ne. Wɔ tumaa-n wɔ́ wɔa wɔ gii yɛ a din Yiri Fu goon kɛ lɛ nɛ.

LAWA A BOO SONBORE

¹³ A giala, *batɛmu na á n da wɔ tumaa ganaa ka Yiri Fu goon ne. Bɛ na á toa wɔ́ tɔ́n gɔ̀nɔn goon baa, ta Zuifu ni, ta Grɛki ni, ta bɛ̀rɛ nɛ, ta tá ma din gɔn wìi a lɛa wole ne. Wɔ tumaa-n wɔ́ wɔa wɔ gii yɛ a din Yiri Fu goon kɛ lɛ nɛ.

Korɛnti1 12:13 ပူးပေါင်းရင်းမြစ်များ

Loe kɔɔ̃n kɔɔ̃n 5:1

Haya le! Mianɛn, maa nɛniɛ, má daa wɔ maa dù gɔrɔ lɛ nɛ, man die maa *miíri nyɔɔ gìĩ kɔɔ̃nɔn sɔlɛɛ, man die maa zoo nyɔɔ kɔɔ̃n bii, man die maa duvɛ̃ laanka maa bɔ̀nyaa mii. Maa giaáran lɛn, ka màn bii, maa giaáran lɛn, ka màn mi, ka mi, a wɔ ka yii ni.

Izayii 55:1

«Mu boro bɛ́ kasɛn mɛnɛn tumaa ganaa, ka daa! Mu á ke! Ka daa, ta wɔrɔ ba ka lon wa! Ka màn-bii pii ka bii, kooro ne! Ka daa, ta wɔrɔ ba ka lon wa, ka duvɛ̃ laanka bɔ̀nyaa pii!

Matiə 3:11

Masɛ n má batɛmu da ka ganaa mu li, man nyɛɛ máa ka n taasɛ ka wusoo kaa sii baraan kio. Sɛnɛ min mɛn bɛ́ die masɛ kio, bɛ á die ka kiɛ Lawa a zii ni ka Yiri Fu pàã nɛ, a dɔlɔ bɔ ka tɛ nɛ. A pàã á gole á la masɛ wɔ nɛ. Haalɛ masɛ nə n zuməə ma a kɔsɔ biɛn fore, ma mìi á kiɛɛrɛ bɛ ganaa.

Luku 3:16

Zaã na á goã ǹ tumaa lɛ sii kɛnɛn: «Masɛ n má batɛmu da ka ganaa mu li, sɛnɛ, min tá die, bɛa dɛnaa pàã á gole á la masɛ wɔ nɛ, haalɛ masɛ nə n zuməə, ma a kɔsɔ biɛn fore, masɛ mìi á kiɛɛrɛ bɛ ganaa. Bɛa dɛnaa kɛ lɛ n die ka kiɛ Lawa a zii ni, ka Yiri Fu pàã nɛ, a dɔlɔ bɔ ka tɛ nɛ.

Zaã a sɛ́wɔ 1:16

A bǐɛ̃baa ǹ màn lɛ kɔ́n dɔ wɔ yii-a, a na á daa bǐɛ̃ da bǐɛ̃ li.

Zaã a sɛ́wɔ 1:33

Ma goã doɛ̃ wa, sɛnɛ, Lawa mɛn nə ma dia, mà ma da batɛmu da minin ganaa mu li, bɛ lɛ na á pɛ ma nɛ mà ma bɛ́ re Yiri Fu yii gisĩ a da mɛ min mɛn la, mà a din lɛ n die minin kiɛ Lawa a zii ni ka Yiri Fu pàã nɛ.

Zaã a sɛ́wɔ 3:5

Yezu tɔ́n pɛ nɛ: «Masɛ n pii n ni, sonbore ne: Bɛ̀ min mɛn bie a wusoo a yɛ Lawa wɔ baa-n ka mu laanka Yiri Fu pàã-n wa, ǹ dɛnaa a boe la a wɔ Lawa a kiibaa-n wa.

Zaã a sɛ́wɔ 4:10

Yezu tɔ́n pɛ nɛ: «Bɛ̀ ma n Lawa a minin gɔ ǹ màn kɛ doɛ̃, ka masɛ mɛn dɔ bɛ́ má pɛ n nɛ máa n mu kɔ ma mi, bɛ̀ n din kɛ lɛ n die nɔ̀n diɛ masɛ la ka mu ni; bɛ̀ man die mu koe n la n mi, mu mɛn bɛ́ yiikoonaabaa koe min la.»

Zaã a sɛ́wɔ 4:14

sɛnɛ, masɛ bɛ́ re mu koe min mɛn la a mi, mu boro a bɛa dɛnaa kuĩ doo duduu wa. Ma bɛ́ re mu mɛn koe la a mi, bɛ lɛ n die n biɛ ka mu yala bɛ́ lɔn, nyin nyabaã n boe a nɛ.»

Zaã a sɛ́wɔ 6:63

Lawa a Yiri Fu n yiikoonaabaa koe; minbuiin nɛ a boe la a sii kɔ́n bǐɛ̃ kɔ bɛ gɔ́ɔ̃-n wa. Ma boon mɛnɛn pɛ ka nɛ, maǹ boe Lawa a Yiri Fu ni, bɛa boon lɛn man yiikoonaabaa koe.

Nya ǹ dín 1:5

Zaã na á *batɛmu da minin ganaa mu li, sɛnɛ, kànaa ka boɛɛn nɛ, kasɛn tá re we Lawa a zii ni ka Yiri Fu pàã nɛ.»

Rɔmu minin 3:22

Lawa n min biɛ pepere a din yɔrɔ-a, n golee Yezu Krita li barka nɛ. Bɛa goleemali lɛ bɛ́ min mɛn tumaa lon, a n zɛnɛɛ bɛn manɛ, a bɔkɔnlɛ we wa:

Rɔmu minin 3:29

Lawa lɛ din kánaa, Zuifun dininsɔɔ̃nɔn Lawa nɛ? Táa tɔrɔ kɔsɔn dɔn wɔ nɛ! Taãn-taãnɛ!

Rɔmu minin 4:11

Abrahamu na á kurii lɛ wɔ sii a kɔnboe lɛa. Bɛ n nyɛɛ mà a bɛ́ a tɔn nə n kuru dinin bɔrɔ wa, mà Lawa na á lɛ kɔ a ganaa min pepere lɛa, a goleemali a lɛa. Bɛa yɔrɔ kɛ lɛ la, kurii baãnaan mɛnɛn tumaa bɛ́ golee Lawa li, mà a lɛ kɔ ǹsɛn ganaa min peperen lɛa, Abrahamu na á bɛn tumaa a díi baa.

Korɛnti1 10:2

Ǹ tumaa a goã labara giulun kɛ nɛ, ka ǹ yìsi mu kurii kɛ na á ǹ baa tɔrɔ goon lɛa ka Muizu ni.

Galaasi minin 3:23

Goleemali biikoo bɛ́ a tɔn dɔ wa, wɔ n wɔ́ goã bɛ̀rɛn lɛa dí-pɛn gɔn. Wɔ ǹ wɔ́ goã n yii diɛ bɛa goleemali kɛ lɛ la.

Galaasi minin 3:28

Kanna, Zuifu laanka tɔrɔ kɔsɔ bɔkɔnlɛ banban doo wa. Bɛ̀rɛ laanka tá ma din gɔn wìi a lɛa wole bɔkɔnlɛ banban doo wa. Lɔ laanka giĩ bɔkɔnlɛ banban doo wa. A giala, ka tumaa n màn goon lɛa Yezu Krita wɔ gɔ́ɔ̃ nɛ.

Efɛɛzi minin 3:6

Bɛa sii-durii lɛ á ke: Boo Tii Kɔɔ̃n kɛ pàã ganaa, Lawa lɛ kɔ a zaman la ka bǐɛ̃n mɛnɛn nɛ, Zuifun laanka tɔrɔ kɔsɔn gii á re yii ǹ ni. Ǹ paanan man gùn lɛa gɔ̀nɔn goon ganaa. Lawa lɛ mɛn dɔ kɔ Yezu Krita wɔ gɔ́ɔ̃ nɛ, tɔrɔ kɔsɔn lɛn gii tá bɛ dɔ nɛ.

Efɛɛzi minin 4:5

A din Dɛnaa goon nə wɔ tumaa wɔ lɛa. Wɔ n golee-n boo goon li, *batɛmu goon ne wɔ tumaa yɛ.

Efɛɛzi minin 5:26

a ná a *yoreen kɔ ka *batɛmu da ǹ mu ni, ka boo-n kun ni, ń giɛ á boe la a tá Lawa wɔ biɛ.

Efɛɛzi minin 6:8

Ka n yiri koa a nɛ, ta man bɛ̀rɛ lɛa hinlaa n din gɔn wìi a lɛa, didie sii bǐɛ̃ mɛn zɛnaa, á re bɛ yii Dɛnaa li.

Kolɔɔsi minin 1:27

Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.

Kolɔɔsi minin 3:11

Bɛa yɔrɔ kɛ la, bɔkɔnlɛ banban doo Zuifu laanka tɔrɔ kɔsɔ bii ni wa, kurii wole banban ka kurii baãnaa-n wa; tii ni, sii-doɛ̃ baãnaa nɛ, bɛ̀rɛ nɛ, tá ma din gɔn wìi a lɛa wole ne, bɛ kɔ́n banban. Krita dinsɔɔ̃ na a tan, a din nə màn tumaa lɛa ka tumaa gɔ́ɔ̃ nɛ.

Piɛrɛ1 3:21

Bɛa sii lɛ na á goã *batɛmu kɛ a kɔnboe lɛa. Bɛa batɛmu kɛ lɛ bie gɔ̀nɔn ganaa ǹ *gɔ̀ boe min-a wa, a n din kɔ Lawa la ka foo sonbore-n sii nyɛɛ. Lawa bɛ́ á Yezu Krita yii kaa á bɔ geren bii ke, a na á barka wɔ batɛmu kɛ nɛ, á n ka kirisibiɛ nɛ kanna.